Ko mangipa te čhinavel pe o džajbe themakere love ko romane stipendie , o vicepšreiemrka Kuneva bizo te mangel notiringja jekh but zorali themakiri garavin - kobor Roma isi an i Bugaria. I Kuneva notiringja kaj an o 2020 berš kaj o Roma ka oven 1/4 taro sa bukjarno takati. Numa e bukjakoro takati an i Bugaria si 4 milionuia , aso odova proseko ikljola kaj 1 milioni si Roma. Avri taro bukjarno takati si o čhave thaj o phure.

Te kergja pe matematikakoro reciprociteto maškar o dizutne aso i formula (7,5: 4), tegani ka ikljol kaj o sublimato numero Romano etnosi si 1,87 milionia.

Akava numero an i them but vakti si dikhlo em percepirime. Po desavo drom nesavo aktivisti jali stručnjako ka presentirinel desave šokantno faktia numa palo sig vakti phanena leskoro muj.

Beršencar džanel pe sar egzamplo kaj ko nevebiande bebia taro 3 bebia salde 1 si bugarsko bebe. Saste regionia iranena pe. Sar egzamplo i bugarsko diz Kotel si saste Romani. Akava si thaj an i aver diz - Elena. Saste na notirinen pe o getoa an o bare dizjka ko ni jekh nadžanel kobor čače Roma isi odothe.

Akale notacijaja avdive i Kuneva ilustiringja o agor e bugariakere themutnipaske. O Roma nane ande sar nacia akate soske olen nane len piri romani them.

Link: https://bultimes.bg/kuneva-se-izpusna-che-tsiganite-v-bulgariya-sa-1-8-miliona/

Te šaj ikaven pe neve personalno dokumentia baši identifikacia e neve anavea tari them udžarel pe te startujnel taro agor e beršeske , a i trampa o dizutne ka pukjinen la korkoro. O trampe ka džan etapno.
-O fundavutne dokumentia : personalno karta, pasporto, trafikoskoro sertifikato, te ačhile aso o akanutne moldia, sako dizutno ka trubul te pukinel paše 40 eura.

Akate te dophergja pe o trampe an i registarsko tablice vordenge tegani i moldi ka bajrol bašo paše 20 eura. Sa sublimato odova ka avel paše 60 eura.

Majtargetirime ka oven okola dizutne so ka trampinen pire dokumentia ko akava periodo sa dži kote na anen pe o neve e neve anavea , soske o dokumentia ka oven ko jekvaš roko taro istemalkeren pe , thaj ko than jekh drom ko deš berša, ola ka trubul te trampinen pire dokumentia duj droma.

I trampa e dokumentonge sar so havljargja o Govermento ka ovel ko dumo taro dizutne. Aso aktuelno moldiakiri lista, majbut o dizutne ka trubul te hulaven bašo pasportia so si 25 eura, plus administrativno taksa so si 5 eura e personenge so si phureder taro 27 berša jali taro 2 dži ko 3 eura okola so si majterne taro 27 berša.

I moldi tari perosnalno ID karta si 3 eura. O trafikoskoro sertifikato si 4.5 eura thaj olake isi administrativno taksa so si 3 eura so pukjinel pe sebepi nakhlo validiteto.

Ko akala fundavutne love konektirinel pe thaj i trampa taro registarsko tablice e dizutnenge so si len ko vordon. O tablice dži akana sine 20 eura. Ko neve tablice ka den pe ko roko taro 4 masekoa, o purano simbol kodi „МК“ ka ovel tranpime e kodoa „NMK“ (North Macedonia).