Politika

RDS analiza: I trampa taro Aksel Ahmedovski - signali bašo formiriba nevi romani poltikani partia

O kurko sdo nakhlja an i politikani romani scena sine interesno!. Angleder havljardi inicijativa baši smena e teganutne Ministere bizo resor thaj šefo an i implementacia e Romane strategiake o Aksel Ahmedovski realiziringja pe akala divesa kana o premieri Zoran Zaev tari parlmentarno bešin akcentiringja kaj akaja trampa si politikano akti thaj odova rodingja olengoro koaliciano partenri o PCER te trampinel pe o o Aksel Ahmedovski thaj nevo ministeri si notirime o membri taro PCER o Muzafer Bajram.

Citește mai departe...

Asociacia RDS: ,,Vakti si bašo fajront taro dži akanutne romane politikane lideria!,,

Akava 2018 berš so ko nakhiba, salde so na startujngja o 2019 berš !. Ko jekh avel okoja gind " So šaj te udžarel pe an o akava 2019 berš!". Thaj ko jekh telopučiba: " So trubul o Roma te udžaren an o akava berš?"

So legarel pe dži ko "rekapitulari" thaj o pučiba - So kerde dži akana o deceniakere lideroa an o Romano politikano bloko, pire naciake o antvorto si - paše KHANČI!

Te kergja pe elaboracia thaj dikhel pe an i retrospektiva o sasto periodo taro olengoro "politikano aktiviteto" okolenge so sine " jekhutne dži akana romane politikane legarutne" thaj te kergja pe sublimato so kergje dži akana ka avale pe dži akala resultatia:
„O Roma an i RM ko akala saste 27 berša reslja o majteluno nivelo dživdipaske - jali aver čhane vakerdo - civilizirimi stagnacia.
„O roma majodorig si diskriminirime, teleperavde, bidikhle, jurisdikciakere thaj ekonomikane maltretirime , thaj ikavde taro majbaro kotor e thematar"
„O Roma trujal so si kanonikane akceptirime olengere konekciake an o sasoitnipa, ola si panda dur an o margine thaj si salde "muli šabdi an o liloro".

Citește mai departe...

I Asociacia RDS: Romane balia taro o ,,bare - šamarka e čorolenge!,,

O agorutne nekobor berša o politikane Romane partie ko jjekvaš taro masek Januari tradicionalno organizirinela romane balia. Akava da berš si isto. O šerutne lideria e romane politikane blokoske organizirinena Romane balia pire manušenge so si len "majhor džepa"

Te šaj ovel pe kotor taro akava fenomeni o romano "džet seti" pukjinel taro 25 dži ko 50 eura ko dženo. A sebepi epiteti " balkansko", " europakoro" thaj "lumiakoro" bali o lokacie si pendžarde skupo restorania, hotelia thaj sportsko arene.

O organiziriba akale romane balenge si džando em sigurno biznisi. Upreder 1000 misafiria i matematika si prosto. O organiziriba akale balenge thaj o profito si baro. Akava havel pe em okova so organizirinel thaj okova da so avela ko bali.

Citește mai departe...

RDS: Ko odova kamela te 'bildinel' i ilustracia kaj o Roma tari Makedonia si majbut an i buti taro aver an o regiono?

Paše 16.5 procentoa taro Roma an o regiono si an i buti, a sar sublimato taro bukjarne Roma ko thema taro Paščimalo Balkani persi berš sine 41, 57 procentoa. An i Makedonia isi majbaro numero Roma an i buti - 22 procentoa, sikaven o informacie taro rodaripa e Romenge an o thema taro Paščimalo Balkani kerdo taro 2017 berš taro UNDP thaj World Bank suportoa tari Europakiri Komisia.
O rezultatia taro akava rodaripa sine prezentirime akala divesa an i regionalno konferencia bašo inovativno akcepcia ko bukjarnipa e Romenge , so barabutne organiziringje la o Konsilo regionalno kolaboraciake (RSS) baši integracia e Romenge 2020 thaj i Platforma bukjarnipaske thaj socialno pučiba thaj o REF.
Fakti si kaj tari amari them neko kamel te notirinel kaj nane sa agjaar "kalo" numa isi thaj "pink momentia".

Citește mai departe...
FaLang translation system by Faboba

Mangava te vakerav

TV BTR NACIONAL

Momentalno Online

       Isi 434 misafirija so dikhena o ROMATIMES.NEWS

o Vakti

 booked.net

Majpopularno

Golden Wheel - Entry Application Form

Flag Counter

Amaro brojači genjela taro 13.01.2019
Gejnela isto manuša tari koja phuv drabarena amaro portali
Majtele isi sa-ko-sa kozom dikhle o portali