Socijala

Saraevo: Soske si peravdo o kher tari Ramiza Fejzagić, a aver khera na?

Kana persi kurko ko vakti kana sine te visitkeren i romani mahala Gorica ko Saraevo ko vakti taro angloalusaribaskara kampanja taro Nejdžar Ajndžagić, buteder denge pe godi ko persiberšeskoro incidenti kana aso ando dekreti tari komuna Centar sine peravde o kher tari Ramiza Fejzagić – Durmišovska. Liparibaske o peravipa akale khereske sine baro numero policia em bari mediumsko alarmo.
Ko peravipa akale khereske reakcia kergje baro numero NVO organizacie , Na sine definirime soske ko ando akti te peravel pe akava kher peravgje salde o kher tari Ramiza a na peravgje o aver nalegalno kerde khera, trujal so akava kher sine ko proceso te lel sertifikato bašo keriba legalno objekto.
Ačhola nadefinirime save sine o kriteriumia trubul te peravel pe baš akava kher.

Link: http://www.portal-udar.net/opcina-centar-zasto-je-srusena-kuca-ramize-fejzagic-a-drugi-objekti-postedjeni/

 

Telegrama gajretea taro IRU sebepi o meripa taro Profesori D-r. Rajko Djurič

I Internacionalno Romani Unia- IRU ko anav taro sa džiakanutne delegatoa thaj IRU membrora taro 1971 berš dži avdisutno dive bičhavgja telegram kote dena gajretluko e bare našavipaske sebepi o meripa taro pendžarutno romano intelektualci em Romano aktivisti so pendžarel I romani historia, kultura, tradicia em čhib o Prof. D-r Rajko Gjurić. Ki korkoro telegram maškar aver si notirime:

Respektirime
Ko akala but phare em bibahtale momentoa sar oleskere paše familiake agjaar thaj savorenge amenge amen sar Internacionalno Romani Unia –IRU.
Phare sit e arakhen pe lafia so ka ilustririnen I bari bibaht soske našavgjam amare mangle jerija, amal em anglal sa majbaro Rom ko avdisutnipa o Prof. D-r Rajko Gjurić.
Sar gelo amaro manglo amal , profesori, doktori siklo, amen o Roma našavgjem baro Rom so kerel sine sa bašo Romane niamia , baro poeto. Pire intelektualno kapacitetea , ov mukhlja amenge bare aktia m hramome lila, statie drumo sar te arakha amari historia, tradicia , kultura thaj čhib. Ka ovel ki Amari memoria sar humano manuš pendžardo pire bukjaja bašo romano šukaripa.
Ov amenge e Romenge sikavgja o drumo a analogno em amenge taro IRU te dža majodiriga oelskere aktivitetea em te kera majodirga oleskiri misia em aktia bašo majbaro jekhipa maškar amende.
Profesore, Doktore Rajko Gjurić naiskera tuke sa so kergjan amaenge e Romenge ki sasti lumija, Sako drom ka oven ko amare vile . Ko anav taro sa o IRU membrora thaj delegatora taro 1971 berš dži avdisutno dive sine amen privilegia te dživdina ki tumari era te špendžara tut em sako drom dengjan tiro baro suporto amare aktivitetenge te ovas majzorale em majbare.
Sa o IRU generacie sikaven piro čačutno gajreti dži ki ti paše familia, oleskere kolegoa, amala em dži ko sa okola so respektirinen sine oleskoro aktiviteto.

E Devleskoro baripa tuja te ovel Doktore!

Lumiakoro dive e Romane čhibjake – 5-to Novembro

Lumiakoro dive e Romane čhibjake avgo drom notiringja pe ko 5 Novembro 2009 berš ko Zagreb, Croacia oaki inicijativa e Asociake baši edukacia ko Roma „Kali Sara“. Ko jekh o Komitetto taro ekspertoa Europakere povelbaja ko regionalno jali minjoritetengoro niamia (ECRML) ko 5 novembro 2015 berš thaj o UNESCO ko 7 Novembro 2015 berš akceptiringje o 5-to Novembro te ovel notirime sar Lumiakoro dive e Romane čhibjake.
I Romani čhib si dajakiri čhib e Romenge. Oj si kotor taro indoarisko čhibja, jali kvalifikaciaja em ko centralnoindisko čhibja jali utarpaščimale indoarisko čhibja. But droma si kvalificirime em sar ekstra ćhibjakoro klaso sebepi baro numero paše čhibjakere varijacie.
Premal ISO standardoa I čhib si čhivdi ki grupa makro čhibja em si kerdi taro efta telel –čhibja jali bare dijalektia. Majbaro dijalekto si o vlaškoromano kote si paše 1.5 milionia so keren le lafi, palo odova avena o balkanskoromane, karpatskoromane, sintskriromane, velškoromane o kalo finsko than o baltičko romane
Romani abeceda
I romani abeceda si poimo so akceptirinel nekobor latiničko hramosariba so istemalkeren pe ki romani čhib thaj olakere dijalektia. I Romani čhib dži ko 20 veko na sine hramosaribaskiri čhib , trujal so o avgo hramosardo dokumento ki romani čhib datirinela taro 1542 berš.
Ko athinalipa odolestar kote kerel pe lafi agjaar varirinel em I romani abeceda, a akana si ko thavdipa standardizacia e romane čhibjake emhramosariba.

Konsili Europakoro: I Bugaria te čhinavel zorea te dislocirinel e Romen

Akalea phagela pe o privatiteto thaj familiarno dživdipa e Romengoro, e bugariakoro legaripa trubul te čhinavel pe e zorea dislociripa , ma te stigmatizirinen em marginalizirinen e Romen te lačharen o akceptiriba ko kherutnipa. Akava si akcentirime ki notacia e komesaroske manušikane niamia ko Konsilo Europakoro (CE) I Dunja Mijatović, havljarela o BNT.
I notacia si konektirime ki implementacia taro ando kriseskiri decizia e Europakere krisoske manušikane niamenge tari 2012 berš kana sine dislokacia e Romen tari Sofia.
Premal o kriso I dislokacia teleperavgja o niami taro private m familiarno dživdipa e Romengoro.
I Mijatović vakerel kaj trujal seriozno phagiba o I akcepcija dži ko lačho kkherutnipa , zorea dislokacia so šaj anela dži ko phagibe buvlo spektar ko manušikane niamia thaj akava trendi trubul te čhinavel pe.
Oleste si akcentirime kaj e themen si len savala te čhinaven o riziko koo phagiba e manušikane niamenge ki konekcia tari dislokacia te respektirinenpe o principoja tari propocionalnost em nadiskriminacia ko sako proceso tari dislokacia.
O Komesaro manušikane niamenge ko Konsilo Europakoro vakerel kaj o thema trubul te keren zori te čhinaven o buvlo institucionalno rasizmo mujal o Roma.
Premal olate ki Bugaria isi baro numero bariere ki akjcepcia e Romencar dži ko socialno apartmania , koinektiribaj em o phravdo revolt ko desave thana , so kergja ko desave komune te čhinaven e tamikeribaskere proektoa.

Link: https://www.dnes.bg/obshtestvo/2020/11/03/syvetyt-na-evropa-bylgariia-da-spre-prinuditelnoto-izselvane-na-romi.468348?fbclid=IwAR1KRXofiFec0qGaqp9lNL231WmeSl6t1wA3AsAQ_DDaJn05uoYXQU7TJA4

 
FaLang translation system by Faboba

Од 5 Ноември 2022 достапен документарниот филм на СП БТР „Небо, Точак, Земја„ на Max TV и Max TV GO со пребарување –Видеотека

Mangava te vakerav

6-to Romano Čhavorikanoo muzikakoro festivali 
„Čhavorikano Suno 2022“ – SP BTR

6-ти Ромски Детски музички фестивал
„Детски Сон 2022„ – СП БТР

6th Romani Children's Music Festival
"Children's Dream 2022" - SP BTR

Momentalno Online

       Isi 576 misafirija so dikhena o ROMATIMES.NEWS

o Vakti

 booked.net

Facebook

Majpopularno

Golden Wheel - Entry Application Form

Entry Application Form.docx

Flag Counter

Amaro brojači genjela taro 13.01.2019
Gejnela isto manuša tari koja phuv drabarena amaro portali
Majtele isi sa-ko-sa kozom dikhle o portali

Consola de depanare Joomla!

Sesiune

Informații profil

Utilizare memorie

Interogări bază de date