Socijala

Simeon Atanasov: Hramosarav lil bašo mo dživdipa e Stevoja em e Esmaja

O Simeon Atanasov (44), o posvoimo čhavo tari Esma thaj Stevo Teodosievski kote oleskere duj čhave legarena olengere anava , taro plo 7 berša dživdinel sine pire muyi;ko mentorencar ko Beograd, majanglal bašavela sine tarabuka, a palo odova ulo kotor tari estradno škola taro Stevo Teodosievski em membro ko “Esma-Ansambl Teodosievski”. Palo odova počmingja te bašavel ki harmonica ulo lačho muzičari em kompozitori. Ov si autori taro baro numero gilja so kergja I Esma , a palo meripa e Stevoske ulo lideri e “Esma – ansambl Teodosievski” so palo odova ulo “Esma bend” em bašavgja ko upreder 3.000 koncerti ko sa o kontinentia.
Ov vakerel kaj lungo vakti počmingja te hramonjel lil , kaskoro akana bukjarno anav legarela sar “O profesori Stevo em amen”kote so ka sikavel but napendžarde faktia konektirime oleskere dživdipaja em o dživdipa sa e čhavengere so posvoingje len I Esma em o Stevo.
– O lil počmingjum te hramosarav le angleder te merel I Esma . Ka ovel but čačutno em phravdo lil ka vakerav but bukja , ka phravav saste mo ilo. Džanav kaj buteder ka oven iznenadime . Ka ovel em odova amaro džajbe ki “Eurovizija” em soske I gili “Imperija” sine irami kaskere autoria siam sine me em o Borče Nečovski, bašo odova so na dengje amen dozvola te kera kher ko Vodno, e bare sukcesenge, koncertoa, turnee, ama em but aver bibahtalipa. Kerav kolaboracija e pisatelea Aleksandar Kujundžiski taro izdavačko agencija “Antolog” so del ma suporto ko hramosariba e lileske, vakergja o Atanasov.

O Kriso ko Strazburg vakergja e Makedoniake te pukjinel lovengiri kompenzacia bašo Roma tinejdžeria

Sar so dengja informacia o ECPR o kriso angja decizia upral I funda napermanentno keriba rodaripa ama na krisingja bašo keriba namanušikane aktia em degradiračko tretmano, soske sine teretirime o došale (akti 3 tari I Konvencia), thaj na aso aktiviteto taro Ombdusmano jali policijakere bukjarne so sine diskriminatorsko akti (akti 14 tari Konvencia).
-O Kriso vakergja kaj Io makedonikano Govermento e Romenge so akana si len 23 thaj 19 berša te pukinel lenge po 7.500 eura, vakeren taro ECPR.
Taro ECPR vakerena kaj o incidentio ulo ko 19 maj 2014 berš kana o Roma sine len 16 thaj 13 berša.
-Policajcia sar preperutne ko specialno jekhina “Alfi” rodena sine duj e čoren so sine notirime kaj čorgje jekhe 20 beršengere džuvlja ko pašipa, emo j ilustriringja len sar duj pokale murša,so si bare paše 18 thaj 16 berša baripa . I policia dikhlja alače duj Romen ko drom em kergje lenge atako a e 16 beršengere Rome legargje le ko policiakoro stasioni , kote sar so vakerela margje le nekobor saatoa. Kana ko policiakoro stasioni alo oleskoro dat, e terne Romeske vakergje “arakh I čanta jali ka mudarav tut anglal to dat”. Telal I daravin o terno Rom zorea vekrgja kaj ov čorgja e tašna e 20 beršengere čhijatar.
O aver 13 beršengoro Rom vakergja kaj o policajcoa khuven le sine šamarke em ko drom den sine vika:”Tumen o Roma em hohaven em čorena” vakerel pe ki vaktavin taro ECPR.
Palo akava incidenti e policiakoro inspektori negirinel sine kaj o policajcia margje olen , em vakergja kaj o policajcoa kergje prekal o kanonia piri buti.

Ko so o Džo Bajden, o 46-to presidento ko USA. 48 berša ki politika, sine le familiarno tragedie

Palo o familiarno tragedie , duj drom nasukcesialno candidature bapo USA presidenti, em alusaribaskiri kampanja so teleperavgja I pandemia o politikano veteran Džo Bajden (77) kergja te pakjan o Amerikancia kaj ov si I persona so ka unikerel olen palo Donald Tramp.
Dži ko korkoro agor , o Bajden ačhilo pakjavutni e mesižeske kote potencirinela kana kandidiringja pe ko april persi berš – “Amen mara amen bašo ilo e Amerikakoro”.
Ko novembro 1972 berš utsavalkergja piro alusariba sar amerikansko senatori , sar 5-to majterno ki historia, pe bahtale familijaja. Jekh masek palo odova oleskiri romni em I čhaj mule ki trafikoskiri bibaht , a oleskere duj murša čhave sine ratvarde. Oleskiri politikani kariera sipherdi kontraverzno epizode, ama em sukcesia so baripaja vakerel len. I Kamila Haris si avgo afro –amerikansko vicepresidento ki historia tari USA. Ola si la indisko darhinalipa prekal olakiri daj. “Mo dat sako drom vakerel sine šampioni - o baripa e manušeskoro na dikhel pe kobor droma pelo ki phuv , numa kobor vakti trubul sine leske te ačhol kop ire” vakerela ov pherdo droma.
Legaribaja I kampanja oleske ki sasti them oleskiri romni I Džil Bajden (69)si but diskretno odolea. Dinamično profesorka , oj si oleske jekh taro majbare adutia. Ov olaja prandingja pe ko 1977 berš em si len čhaj I Ešli. O Bajden but si phanlo pe familijaja. Ko 2015 berš oleskoro majphureder čhavo Bo Bajden mulo taro kanceri ki godi. Ov but droma vakergja odoleske bare bibahtaja. Odoleske na dengja da piri kandidatura bašo USA president ko 2016 berš. Ov si katoliko em si garvasialo kop ire irsko darhie. O Bajden džala ki tikni khangiri St. Josif ko Vilmington. Ko januari pore mule čhaveske vakergja: “Ušatava sako sabaj em .. pučava man, si li ov garcasialo mancar?”

Slagjana Novakov: Savo si o dživdipa e Romnjake so keren la paralela sar Kim Kardašijan

I Slagjana Novakova si Romani čhaj taro 27 berša nane prandimi, nane la čhave, ama si la diploma em buti em si la šužipa so butederen kerela bahtale.
Te šaj sikavel pe „ O Romane ćhija si inspiracia e umetnikonge“ o fotografi o Sever Zola mangkja bap late te fotografirinel lo ozložba prekal o motivia taro umetniko o Paja Jovanović.
I romani čhaj ki fotografija taro Sever Zolak sikavela em si jekh hrabro, elegantno džuvli so si but šuži. I Slagjana si educirimi Romani džuvli akademsko diplomaja so pobuter na dživdinel ki romani mahala. Akava si avgo drom i Slagjana te pozirinel. I Slagjana dur odolestar kaj barili ki aristokratsko ambienti numa barili ki romani mahala paše o Zrenjani –Opava.
I Slagjana si diferentno avere džuvlendar so dži akana na kergja ni jekh astetsko korekcia ki peste sa si naturalno . Na sine lake pharo te pozirinel. „Me sium bahtali so baš mande lelja te fotografirinel „ vakerel i Slagjana so akana šaj te ovel em manekenka. Ola isi panda duj phenja so keren buti ko Beograd.
I phureder phen si la Pravno fakulteti em si asistento krisaro a i poterni si la mendicinsko špkola kerel buti sar medicinsko pčersonali o Medicinsko akadameia ko Beograd. Sa o trin si len partneria em dživdinen olencar ama nane prandime. I Slagjana nikana na sine la kamlo Rom, salde sine la amalin Romani ki maškarutni škola: „ Oj prandingja pe bijangja čhaven em odojkhare tari lakiri kariera. Akana ko sig em ka ovel baba. Ko Beograd trujal pe phenjencar čate na sine la šansa te ovel ko olakoro društvo Roma. „Me na ladžava so sium Romani em nane mange ladž te ovev e Romencar, ama našti me ko droma prastav palo olende te oven mancar. Na sine man asavki šansa . Oanda na zapendžardo asavki persona . Mangav normalno persona kasaja šaj te ovel man em čhavo olea ama avdive but si pharo te arakhe asavke manuše. „Nikana na kerav okova so našto te kerav, Dikhava mo dživdipa , em mangav te kerav mo dživdipa lačho ama kerva zori te resav sa“ vakerel i Slagjana

Link: https://www.021.rs/story/BBC/257685/Romi-i-Srbija-Kakav-je-zivot-uspesne-Romkinje-koju-porede-sa-Kim-Kardasijan.html

 

 
FaLang translation system by Faboba

Од 5 Ноември 2022 достапен документарниот филм на СП БТР „Небо, Точак, Земја„ на Max TV и Max TV GO со пребарување –Видеотека

Mangava te vakerav

6-to Romano Čhavorikanoo muzikakoro festivali 
„Čhavorikano Suno 2022“ – SP BTR

6-ти Ромски Детски музички фестивал
„Детски Сон 2022„ – СП БТР

6th Romani Children's Music Festival
"Children's Dream 2022" - SP BTR

Momentalno Online

       Isi 332 misafirija so dikhena o ROMATIMES.NEWS

o Vakti

 booked.net

Facebook

Majpopularno

Golden Wheel - Entry Application Form

Entry Application Form.docx

Flag Counter

Amaro brojači genjela taro 13.01.2019
Gejnela isto manuša tari koja phuv drabarena amaro portali
Majtele isi sa-ko-sa kozom dikhle o portali

Consola de depanare Joomla!

Sesiune

Informații profil

Utilizare memorie

Interogări bază de date