O peraviba e objektoske taro enjadženegiri familia Azirović , i gradežno inspekcia notiringja le kaj odova ka kerel ole ko 02.11.2020.
Ko 23.10.2020. berš i inspekcia e familiake Azirović dengje la Decizia kaj ka peraven o kher taro 100м2,a o aver dive koregiringja I decizia te peraven kher taro 41м2. Palo sa o dokumentia so akale familia isi olen a odova si dokumentacija baši 21m2 kher so si panda taro 1956 berš . Dži akava nane te avel sine te na kjergje premal o kanoni e denacionalizaciake na sine irame o than e puurane gazdaske kastar sine lendi o than.
Dali akaja enjadženengiri familkia taro Azirović ka ačhon ki ulica em pučiba si dali akava kher čače ka peravel pe?

Youtube:

Palo lungo em pharo nasvalipa ko 02.11.2020 berš ko 73 berša mulo jekh taro majbare aktivistoa romane hakoenge o Prof.D.r. Rajko Gjurić.

O Prof.D-r. Rajko Gjurič si bijame ko 3 oktobro 1947 berš ko than Malo Orašje,  Srbija. Ov ko 1971 berš ko beogradsko universiteto (Filozovsko fakulteti) diplomiringja filozofija. Ko 1985 berš doktoriringja sociologija. Sine em kotor taro timi ki Srpsko Akademia naukenge –SANU so editiringje da o lil „Nepandžarde faktia e Romenge“ . Ko lafzako taro SANU editirimi si pobuter oleskere tekstia tari Kultura em Holokausto e Romencar. O Gjurič si autori baro numero lilenge , naučno kotora, studie em publikacie so si editirime baši Ex Jugoslavia, Srbija, Austrija, Francija, Hrvatska, Italija, Japan, Hungaria, Makedonija. Germania, Polska, Romunija, SAD, Slovenija, Španija, Švedska thaj Bari Britanija. Maškar o naučno aktia than lena em „Historia e Romengiri“ „Istoria e romane literaturake“ thaj „Historija e Romane holokausteske“ Ov hramongja ko jekh em i „ Gramatika e romane čhibjake“ em i studia „Romane galgolia , olengoro darhinalipa so si avgo naučno studia ki lumia.

Sine strukakoro translatori e filmeske taro Saša Petrovič „Skupljači perja“  em koscenaristi e filmeske taro Emir Kusturica „Dom za vešanje“ kote sine em translatori.

Sar profesori predajnel sine em ko buteder europakere universitetoa em fakultetoa. . Reslja pobuter internacionalno phursakoa. Ko štarto IRU Kongreso ko 1990 berš ki Polska sine alusardo sar IRU presidento. Sine deputato ko srpsko parlamenti. O Prof. D-R Rajko Gjurič perso berš sine kotor taro stručno persone ko dokumentarno filmi tari SP BTR Produkcia e filmeske „Del, Rota, Phuv“ kote kergja lafi baši romani historia.