Ki Bitola palem sine marde Roma elementoncar taro revanšizmi tari i policia . Akale akteske ki Bitola indikacie kaj sine policiakoro brutaliteto em elementoa taro revanšizmi tari i policia , o Romano Demokratsko Sojuzi – RDS reagirinel pali notacia tari Avaja so hulavgja akaja sinformacia ko socialno netvorko. Ki odoja editacia sine akcentirime kaj i policia majanglal legitimiringja em manglja te del le globa jekhe Rome so na legarel sine maska trujal so ov kerel sine pauza hajbasjke Palo dova manglja te kerel leske globa so na legarel sine ID karta em barabutne oleskere dijaja sine legarde ki policia a ko vordon tari policia sine marde. Notacijaja“ Ajde Gjuptinija sniminen akana kobor so mangena, našti mange khanči“
Ko jekh olakoro rom kergje napi te notirinel akava akti ki policia numa ni jekh na primingja olea gelo odova dive trin droma . Ko mašakr vakti i romno palem ka notirinel akava akti ki pilicia em pakajaja kaj i policia akava drom ka notirinel o akti em ka kjerel buti sar so trubul!!!
Sebepi akala indikacie o RDS rodela taro Ofiso andruni kontrola , kriminalistika em profesionalno standardoa ko MVR saste te kerel rodaripa akale akteske em dži kote sa akava si čače te ovel discilinsko akti em kriseskoro akti.
Ko jekh akaharel pe I policia te lel sa o preventivno konsekvence ko čhinajbe naprofesionalno m rasno rpofiliripa, policiakoro brutasliteto em akava atakia mujal o Roma em aver kategoria čorole em marginalizirime dizutne so si buteder droma praktika tari I policia

Prekal o informacie taro desave mediumia o kurko so avela ka havljarel pe putardi vaktavin baši buti e Albanconge ki administracia vakeren partisko hainga taro o DUI.
O konkursi so si hazri valjani ki buti ki administracia te khuven 800 džene kotar so 640 si Albancia, a o resto 160 si taro avera etnikane minjoritetoa.Džanlipaja i džiakanutni praktika taro khujbe ki buti ki adminsitarcia kote o Roma prekal i statistika taro 2002 berš si paše 2.6% a o bukajrnipa ki administracia si majtele taro 1% udžarel pe majoptimistikane te khuven ki buti maksimum 10 Roma em odova valjani te utsavalkerel pe bare ognometea.
Te sine primal okoja “Prekal I javin pendžarel pe o dive” em primal okova so o Roma lele ki akanutni koalicia (drabar: uče legarutne pozicie kiko parlamento em govermento ) čače ka ovel bari „Loto premia“ te khuvgje ki buti ki administracia deš Roma .
Akava si i realno refleksia taro džanlipa e romane partiengoro save pozicie rodena tari akaja koalicia ko interes e Romane jekhinake ki them.
Te sine angleder čače gužva em reakcie tari aver nacionalitetoa em okoja stanbdard retorika „Kalimero nane pravda“ kana si ko pučiba i albansko rig ki them akana o vaktia si irame em javer čhane em akana ko Kalimero nane pobuter nane pravda, numa ov si promotori ko sao o politike ki them. Bravo be Kalimero. Akana na sian salde kali pilička parne lušpaja taro jaro ko šero. Akana sian Gospodini manuš!
A amen o Roma? Kaj siem amen? Siem sine em ačhilem palem o kalo bakhro taro crtano filmi ko Pink Panter. Notirime, bidikhle em čajljola sine hari čar hajbaske. Em agjaar savakteske. Jali okoja manušengiri purani vakerin Dži kote jek hala mas, a aver salde armin – o proseko si sarma! A odova si lačho proseko! Amenge e Romene si okoja vakerin „Ajde manušalen te hab armin bizo mas! Trubul o vogji te kerel buti, a so ka kerel nane importantno. Ajde terin i buti!