Socijala

I Korona si bilačhi, ama ako sian Rom ki Europa oj si panda majbilačhi

O aktivistoa thaj o ekspertoa notirinena kaj o lokalno legaripa ko buteder europakere thema kote si baro numeero tari i Romani jekhin istemalkerel i pandemia e Covidea te šaj maltretirinela sa butededr agjaar da maltretirime nacia , hramorarela o portalo Nova S.
Akale dujto niveloa tari Covid 19 o Roma ki Bugaria sine prskime pesticidetencar. Ki Slovakia o askeria khuven sine ko romane gava em ola odori salde e Romenge keren sine testia mujal o Covid.
Saste ki centralno em purabali Europa ikljona sine raportoa kote i policia kerel sine tortura upral o Roma ko vakti tari izolacia em karantinia.
O aktivistoa em NGO e romane hakoenge thaj o ekspertia reagirinena kaj akana ko dujto brani tari Korona sar avela ka šaj palem sa akala represie upral o Roma te iranen pe. I situacia akana šaj ovel panda majbilahi te kergje odola represie sar jekh forma garazia upral o Roma. Panda majbilačheste si so i reakcia tari Europa akale situaciake nane nisavi em panda isi diskriminacia, a o Roma trainena sebepi darana tari reprekusie em konsekvence.

Link: https://nova.rs/region/korona-je-gadna-a-ako-si-rom-u-evropi-onda-je-jos-gora/

 

Ki egzekucia ko Kragujevac ko 21 oktobro 1941 berš maškar o egzekutirime 2.300 persone sine em 217 tikneberšengere kotar em 23 romane čhave

I egzekucia si kerdi sar garazi (osveta) bašo 10 mudarde germansko askeria em 25 ratvarde kote sine len mariba e partizanencar em četnikoncar ko drom maškar Bar em Ljuljak.
O germansko komandanto Franc Beme lo 10 oktobro 1941 berš dengja dekreto kote bašo jekh mudardo germanco te egzekutirinen 100 manušen, a sako ratavrdo 50 manušen. Premal odova sar garazo valjani sine te egzekutirinen 2.300 manušen.
I egzekucija taro kragujevlčanija sine kerdo ko 21 Oktobro 1941 berš . Odova dive o Germancoa ikavgje 2.301 manuše anglal egzekutivno stroji ko Centralno limoria e srpsko askerenge taro 1914 thaj 1915 berš ko Šumarice. I egzekucia počmingja ko 7 o časo javinate trujal o Sušičko lenjori I avgo grupa manuša sine legardi odori kote sine udžardi tari grupa 30-50 germansko askeria . O vivilia kerde sine ko 4 redia kote ko sako redo sine po 50 manuša. Pali egzekucia o Germancia revolverea mudaren sine sakone okole so sine ratvardo . Taro barake sine ande grupe po 100 džene ko than egezekuciake. Dži ko 2 o časo paloručko agorkergja i egzekucia . Likvidirime sine barabutne 2.272 civilia, a 29 ačhile dživde. Maškar o egzekutirime sine em 217 tikneberšengere čhave. Olendar upreder 15 berša sine em 60 sikle tari i gimnazia em 134 čhave so na džana sine ki škola, thaj plus 23 tikne romane čjave si sine potikne taro 15 berš.

Sar čače te thoven pe o tekstilno maske, bašo ola te šaj palem te istemalkeren pe

Ko vakti kana isi sastipaskiri kriza kote so amen dživdinaja, o maske ule kotor taro amaro dživdipa. Bizi diferenca kerel pe li lafi baši maska so jekh drom ka čhiva la jali taro tesktili sako manuš ki akaja planeta trubul te ovel le uzal peste kana ikljola kheral.
Te sine tumen tekstilno maska trubul te džanen sar valjani te thoven la em te ovel siguruitetno palem te legaren la. Ake primal o ekspertoa trubul te užaren la palo sako olakoro legaripa.
O maske trubul te thoven len sako drom. Trubul te ikaven la sar so trubul em te thoven tumare vasta kana ka astaren I maska. “Schi Tech Daily” dela aktia sar I mask ate užarel pe so dengja la o amerikansko centro kontrolake em prevencia taro nasvalipa (CDC).
Ki mašina thojbaske : I maska šaj thovena la em avere šeencar. Amglal o thojbe len normalno detergent šeemhe, ki majuči temperature so si klar primal o materiali so thovena.
Vasteskoro thojbe: kontrolirinen dali o artiklo so parnjarel o šeja si baši dezinfekcia. Nesave artiklia parnaribaske so si dizajnirime te oven bezbedno šaj nane šukar baši dezinfekcia.
Sar te koristine o artiklo parnaribaske
Len parnaribaskoro artiklo so isi le 5,25 thaj 8,25 procentoa natrium hipohlorit. Ma len artiklo te sine majtikno procento jali nane akcentirime nisavo procento. Kontrolirinewn dali si le rook e artiklo parnaribaske.
Ma keren nikana kokteli o artiklo parnaribaske e amonjakoa jali aver artiklo uđaribaske. Keren lačhi ventilacia e thaneske.
Sar te šukjaren I maska?
Šukaribaske: istemalkeren majuči temperature em mukhen I mask ate šukjol saste.
Ki šuki havaja: mukhen te šukjol saste. Te šaj muk o maske te šukjon direktno ko kham.

Link: https://skopje24.mk/vazno-kako-pravilno-da-se-perat-platnenite-maski-za-tie-da-bidat/

 

Akava manuš ikerel o purano zanati – Bikinel pletime korpe, kana nane nekas love , ov o produkto delale hajbaske

O Safet Demirović (45) si taro o gac Lepenica em taro ple majtikne berša pletinela korpe em košia taro vrbakere salčina – granke. Palo odova ov bikinela len ko gava em o dizja ki Južno Srbia rm agjaar egzistirinela.
Ov vakerel kaj prekal o nilaj khedela o kašta trujal i len Morava, palo odova šukjarela len.
- Akava zanati sikliljum taro phureder . Amen o Roma tari Lepenica siem pendžarde akale zanatoa .
O tikne korpe kerava len bašo jekh saati. E Košeske valjani mange hari pobuter vakti – vakerel o Safeti.
O tikne korpe bikinava olen bašo 4.5 eura , a o košia bašo 12 eura, a džanav te pomukhav em ko 8 eura. O manušpa but hari kinena akala artikloa soske ko gava na arakhen pobuter stoka em na valjani lenge akale pletime košia.
Akana nane nisavi diferenca dživdine li ko gav jali ki diz . Nekaste so nane love te pukjinel me dava o korpe em o košia em hajbaske. O koršpe majbut kinena len o majčorole manuša, a o barvale namangena te kinen akala bukja.
Ov vakerel kaj akaja buti kerel la ko jevend , soske ko akava periodi nane but buti sar so isi nilaeske ko polija sar argati.

Link: https://www.telegraf.rs/vesti/srbija/3248796-ovaj-covek-cuva-stari-zanat-pravi-korpe-od-pruca-kad-neko-nema-novac-rukotvorinu-daje-i-za-hranu

 
FaLang translation system by Faboba

Од 5 Ноември 2022 достапен документарниот филм на СП БТР „Небо, Точак, Земја„ на Max TV и Max TV GO со пребарување –Видеотека

Mangava te vakerav

6-to Romano Čhavorikanoo muzikakoro festivali 
„Čhavorikano Suno 2022“ – SP BTR

6-ти Ромски Детски музички фестивал
„Детски Сон 2022„ – СП БТР

6th Romani Children's Music Festival
"Children's Dream 2022" - SP BTR

Momentalno Online

       Isi 204 misafirija so dikhena o ROMATIMES.NEWS

o Vakti

 booked.net

Facebook

Majpopularno

Golden Wheel - Entry Application Form

Entry Application Form.docx

Flag Counter

Amaro brojači genjela taro 13.01.2019
Gejnela isto manuša tari koja phuv drabarena amaro portali
Majtele isi sa-ko-sa kozom dikhle o portali

Consola de depanare Joomla!

Sesiune

Informații profil

Utilizare memorie

Interogări bază de date