O Ahmet Jašarovski si lungo berša pemdžardo Romano aktivisti taro Kumanovo thaj pendžardo em ko nacionalno em internacionalno nivelo. Ov si derektopri ko CRZ DROM taro Kumanovo. Ov thaj oleskoro tim,o kergje realizacia buteder programonge em proektoa konektirime e Romencar em I Romani jekhin.
Koa kava momento ov kerel I funkcia Asistento ko suprotoe lokalno em ekonomsko buvljaripa ki komuna Kumanovo.
Pire džanlipaja thaj profesionaliteto šaj te vakerel pe kaj si jekh taro šerutne kreatoria ki Beršeskiri programa ko ofiso bašo lokalno thaj ekonomsko buvljaripa ki komuna Kumanovo bašo 2020 berš.
O Jašarovski maškar aver si kreatori thaj e:
Kreatori e Strategiake baši – Lokalno ekonomikano buvljaripa ki komuna Kumanovo 2019-2024.
Krfeatori e Strategiake bašo Turizmo ki komuna Kumanovo
Lokalno Ekonomikano Socialno Konsilo – Kumanovo reprezeentatirencar taro Lokalno ofiso.
Asociacia taro legarutne kompanienge , Sindikato, Mašlar komunakoro centro socialno bukjenge , agencia bukjake regionalno Kumanovo thaj o NGO sektoro.
Rekonstrukcia e dromeskere thaj kanalizaciono netvorko ki romani mahala Sredorek, dende 3.200.000 denaria love taro Ministeriumo bašo transport thaj konekcia - Ministeri bizo resoro Aksel Ahmedovski thaj participacia tari Komuna Kumanovo dopherde 3.000.000 denaria
Proekcia tari proektno dokumentacia štar elaboratoa ko romane mahale ko moldipa taro 180.000 denariafinansisirme taro Ministeriumo bašo Lokalnmo legaripa.
ReLOaD Programo taro UNDP sar partneri I komuna Kumanovo thaj CRZ DROM tamikerdo Čhavorikano khelibaskoro placi ki romani mahala Baraki moldipaja taro 1,045,000 denaria.
Komunalno aktiviteteskoro butikeriba , Proekto: “Kreacia šajdipa bukjarnipaske savorenge” program taro UNDP konektirime 18 edukaciakere asistentoa thaj 2 terensko bukjarne ko deiba suporto romane siklenge ko štar fundavne škole ki komuna Kumanovo.
Aktuelno si kreacia neve pandžberšengere Strategiake bašo Roma 2021-2025 berša .
Čhijba kanalizacia lungo 700 metria ki mahala Stari Lozja.
Sako berš I komuna Kumanovo hulavela 500,000 denaria ki implementacia e Romane Strategiake.

O socialno peravde kategoria familie , zanatlie taro tikne komšpanie ko Gostivar ka resen finansisko em materalno suporto implementririme taro Care International a finansisko suportoa taro germaniakoro ministeriumo bašo avrutne bukja. Deš thaj pandž biznisia ka ove suportime vaučerencar, pobuter familie ka resen paketia medikamentoncar m hajbaskere paketia em higiensko produktoa. I representoa e proekteske sine len dikhiba e lokalno legaripaja kote kergja presentacia e proektoske em o planoa e realizaciakoro.
Ljuarza Muhadi koordinatori e proekteske vakergje kaj trujal o Gostivar o proekti ka implementirinel pe em ko Kičevo thaj Debar. Sar so si akcentirime akale proektoa ka valjani te lokharel pe pharo ekonomsko situacia so si rezultaati tari i pandemia. O proekti ka ovel dži ko agor akale beršeske em si učo 40.000 eura.
O Muhamed Toči taro Humanitarno asociacia „Mesečina“ Gostivar vakergja kaj o proekti si le štar grupe, - paketia. Olea ka oven akceptirime familie em 15 lokalno biznisoa.
O akcenti ka ovel dendo ko romano nacionaliteto em aver marginalizirime grupe.
O humanitarno paketoa si hulavdo ko štar grupe. O avgo paketi si higiensko artikloa ko moldipa taro 20 eura em ka oven akceptirime 250 familie taro Gostivar, Kičevo thaj Debar. Dujto paketi si le artikloa hajbaske em ka akceptirinel 45 familie. O trinto paketi si medikamentioa bašo 40 familie. O štarto paketi si bašo 15 lokalno biznismenoa em kompanie so ka den len vaučeria sako olestar moldime 500 eura. Bašo akava proekto angažirime si em 50 volonteria.