KJo starto taro masek maj 2020 , o Mustafa al Kadimi, sine notirime sar nevo premieri ko Irak, trujal so sine protestoa em nacionalno bičalipa sebepi I korupcia. I korupcia kergja te ovel majbaro čorolipa, em pherdo manuša te ačhon bizi buti.

O efektoa taro sektaško konflikto ko Irak si buvljarde but , ama o mediumia ko majbaro momentia trainen na informirinena e phare situaciake taro iračko Roma. Akava mediumsko karanluko si refleksia kaj e Romen ko Irak si bisterde taro govermenti , o humanitarno organizacie em o organizacie manušikane niamenge a ko jek em taro aver NGO saste.

O sasto nainformiriba kerdo taro irakoskoro govermenti bašo Roma ko Irak si simpotomatično em de fakto politikano soske akaja politikla si legardi em anglutne kana sine formirime I irakoskiri them ko 20-to berša tarto nakhlo veko.

O numero e Romengoro ko Irak konektiribaja em o Kurdistansko regioni taro Irak (CRI)  nane pendžardo, ama majšukar notaciaja olengoro numero si paše 200.000  Roma,- jali procentualno taro sa o dizutne ko Iraк kola si procentualno paše 0,5%.

I diskriminacia uparl o Roma ko Irak si deceniencar em institucionalno. Sebepi so o govermento taro 1950 berš na čhivgja e Romen ki statistikani operacia bašo popis , ko 1957 berš so akana si formirime I šema taro kriteriumia bašo themutnipa prekal e jeriengere darhie , em o irakoskere Roma em ko avdisutno dive ačhile bizo themutnipa em identifikacia. A fakti si kaj ola šelberšencar si ki teritoria taro avdustno Irak.

Link: https://thenorwichradical.com/2020/06/01/will-iraqs-new-prime-minister-recognise-roma-rights/?fbclid=IwAR2vtWf_8E7Y1bOsa2fPwl354pjqAsp0nr7aXbw2PV5-mtSxoDtVHxK1CMg

Ko akti Aksu mujal I Turkia kerel pe lafi kriseskoro akti kote o rajo Aksu koj si rom. Ov reagiringja ko duj publikacie (lil em lavzako) kote isi bibahtale ilustracie e Romenge em konstatacie kaj si cicie, hohavne em agresivno. Prema leste ov sine diskriminirime sebepi etnikano identiteto em vakergja kaj akala duj publikacie angje zijani oleskere identiteteske.

O krisi leskiri tužba tretirinela la primal o akti 14 ki konekcia e artea 8 . Kerel pe lafi bašo duj publikacie em o Kriso kerel buti upral lende hulavde em diferentno konstatacie.

Ko 2000 berš e turkiakoro Ministeriumi kulturake editiringja lila telel anav “O Roma ki Turkia” hramosarde taro akava profesori. Numa o negiribaskere insinuacie , o autori vakerel kaj o Roma keren nalegalno buti, dživdinen sar “čora”, hohavne, bandidtia, uzirpatoria, dileria, mangen devlenge prostitutke em arakhen bordelia” em si poligamia em agresivno.

E turkiakere krisia negirinen akava rodaripe em o rodaripa te čhinavel pe o bikiniba e lileske em te ikaven pe sa o kerde kopie.

Link: https://strasbourgobservers.com/2010/07/29/the-power-of-definition-stereotypes-of-roma-in-aksu-v-turkey/?fbclid=IwAR1dAatkulZTEhaMpErrnXkB9fGK92TUruseDHkNpUC_PYxJ5bavm8g8j38