Gabriel Gjorgjević (14) romano čhavo so si tari Srbia prekla o portalo bondyblog.fr

Ki rakjh maškar 25 thaj 26 maj akava berš sine astardo tari i francusko policia ko parisko kvarto Bondy. I familia arakhlja le ko lokalno hospitalo ratvaronaja ko šero em muj. O doktoria taro o hospitalo panda keren zori te lačharen oleskiri jakh te šaj dikhela сe tikne Gabrieleskoro. Ko jekh phage si leske em trin danda.

I familia prekal pe doktorengoro raporto haurkeren kriseskoro akti mujal i policia tari IGPN.

I familia vakerela kaj odoja kritično rakj o Gabriel so potencirinnen kaj nane nisavo problematično čhavo dži ko 23 o časo na sine khere, a i daj leskiri gindingja kaj gelo pe phralea em sine rakjate olea. Kana oleskoro phral o Šerif avilo khere paše ko 23 o časo dikhlja kaj o kreveti taro Gabrieli si čučoSekiringja pe em iklilo ki diz te rodel olesoske o Gabrieli nikana rakjate na ikljol sine korkoro.

Rakjate taro policiakoro stasiono ko Bondy telefonski vakergje e familiake kaj o Garbieli si astardo em ki policia sebepi čoriba skuteri. Kana oleskiri daj telefonski rodingja ole javinate duj droma ko 8 thaj 9 o časo tari policia niko na vazdingja o telefoni.

Palo odova telefoniringje taro hospitalo em vakergje kaj o gabriel si hospitalizirime direktno taro policiakoro stasioni olende. Sine le traume ko muj thaj šero, čhadel sine, sine le phage trin danda em ratvarde sine o maksilarno kokalo ki vilica.

Ki pli notacia ov vakerel kaj paše ko 01:00 pali jekvaš i rakj oleskoro amal manglja te čorel skuteri ama dikhlja e policia em počmingje te našen ko duj kontra riga. I policia reslja le em angleder te phanen le peravgje le tele počmingje te khuven le ko pero em muj a palo odova phanle le liseicencar em legargje le ko policiakoro stasiono.

Ko maškar vakti ko Bondy sine kerdo tromalo protesto taro 100 manuša ki konekcia akale akteske te ikljol o čačipa anglal ko kriso.

Link: https://ssup.fr/pariz-srpski-decak-tesko-povreden-posle-privodenja-protesti-gradana-protiv-policije/4/

Ko 1 juni – palokurko taro 17 o časo pali inicijativa tari Internacionalno Romani Unia em olakoro president o Zoran Dimov sine kerdi video konferencia kote sine akharde relevantno representoa roma taro nacionalno em internacionalno nivelo thaj Eirppakere institucinalno reprezentoa sar so si o Europakoro parlemento em Europakiri Komisia.

Olate than lele pobuter džene so sine akharde an I akaja video konferencia sar so si o organizatori o IRU president o Zoran Dimov, oleskoro konsiliaro tari Finska Marja Eronen em buteder aver representoa taro Europakere institucie EP em EK em roma lideria taro nacionalno em  internacionalno NGO, asociacie, fondacie  em avera.

Angleder te ikerel pe akaja video konferencia ola angleder lungo vakti sine ko kontinuirano kontakto em debate.

I video konferencia sine konstruktivno, putardi em sine lačhi debata thaj dende pherdo porpozaloa.

Taro sa akava iklili akcia bašo Strateško operativno plano em pali dendi incijativa taro IRU Presidento o Zoran Dimov artiklirimi sine Deklaracia so legarel anava „ Khanči amenge bizo amende“ so si bičhavdi savorenge so lele than an i video konferencia en dži o sa internacionalno institucie.

O targeti e deklaraciake si i Romani jekhin em prioritetoa ko sa o umalja so si konektirime e romane pučibaske.