I lista si havljardi ko web sajto kupuvamdomasno.gov.mk, a kerdi upral I funda taro informacie taro UJP , Agencia bukjake, elektronsko divesaria ko maškarutne škole em informacie taro universitetia.

O dizutne isi len niami ko themakoro suporto so si hulavde ko šatr grupe.

Ki avgo buti si 115.927 dizutne, so valjani te resen po 9.000 denariaki kartica. Odola si dizutne so isi len tikne prihodia, okola so resen socialno araka love em bibikjarne , okola so si aktivno so roden buti tari Agencia bukjake a registririme si dži ko 22 maj  em na kergje prihodia pobare taro 180.000 denaria, (3.000 eura) a ko avgo [tar masekoja taro akava ber[ nane len prihodia pobare taro 1000 eura.

Ki dujto grupa si bukjarne so si len tikne plate. Ki lista si barabutne 117.144 persone. Ola ka resen po 50 eura sar jekh dromeskoro suporto, em ka resen vaučeri taro 100 eura bašo turizmo.

I trinto grupa si terne pherde 16 berša. Na phureder taro 29 berša , aktivno sikle jali studentia ko themakere universitetoa. Ola ka resen ki lovengiri kartica 50 eura a ki lista si 87.014 persone.

Ki šatrto grupa si 4.934 sastipaskere bukjarne so sar ohursako so sasljaren sine nasvalen tari korona ka resen 40% tari plata plus love.

O kartice štampinen pee m dži ko agora kale kurkoske ka šaj te len le. Ola ka den pe majpalune dataja dži ko 18 juli a o love valjani te istemalkeren olen dži ko 15 avgust.

O informacie taro region sikavena kaj o mukhiba restriktivno aktia bajrol o procento taro inficirime, anglal sa sebepi narespektiribe o propozalia baši personalno protektiva.

Erati agorkergja e sikljojbaskoro berš ko makedonikane škole ko fundavno em maškarutne škole so I edukacia ko agorutno vakti sine kerdi on line sebepi I protektiva taro Covid 19.

E edukaciakere aktia akalea nane agorkerde jekhutne ko studentoa , so taro palokurko počmingje te položinen o ispitoa prekal neve aktia em protokoloa ki asavki situacia. Baro procento olendar vakergje kaj buteder chidingje pet e položinen ki ispitno sesia ko juni , soske o stidentsko apartmanoa si phanle, nane kaj te soven em sakone ispiteske ola ka valjani te dromaren khere kaj so dživdinen.

Ki North Makedonia palo nekobordiveseskoro bilanso upreder 100 inficirime idžeratoi peli hari ko 87 džene. O Govermento na akceptiringja o dendo propozalo tari I Komisia infektivno nasvalipaske te implementirinel pe policisko časo taro 22 časo dži ko 5 javinate, ama I situacia opservirinel pe bare samaja ko period so avela.

Taro makedonikano Ministeriumi avrutne bukjengje vakeren kaj jekh taro o teme ka oven o aktia taro relaksiriba e restrikcienge ko mašarpeskoro režimo sar so s iodole tendenciencar sar ko regioni agjaar em ki Europa.

.Te respektirinen pe o trin D: Disciplina, dezinfekcia em distance. Majlačhe sit e ovel pe maskaja ko interes tumare sastipaske em trujalipa” vakergja kop lo intervju taro bugariakoro nacionalno sastipaskoro centro o direktori d-r Todor Kantardžiev.

Link: https://libertas.mk/do-nula-zaraza-preku-tri-d-disciplina-distanca-dezinfekci-a/