E Slovakiakoro govermento ka legarel sa e personen so testiringje pe e si pozitiv ko COVID 19 em si taro romane mahale  so si ko kherutno karantini ka ove legarde ko themakere karantinia so akana startujngja. O eurodaputato o Petar Polak so si tari romani jekhin em membro ko krizno timi vakergja akaja decizia baši TV Markaza.

Ko tv raporti vakerel kaj okola so si akana nasvale em na sine siguritetno ko kherutno karantini soske isi šanse te inficirinen averen ko odola romane mahale. „Okola so testiringje pe em si pozitivno definitivno ka džan ko themakoro karantini so ka ovel majbut telal i kontrola“ vakergja o Polak.

O Govermento phanlja pandž lokalitetoa kote so isi paše 6.000 Roma sebepi pozitivno akti taro COVID 19 . Phanle dataja taro 8 Aprilo isi 31 inficirimi persona.

O zorale kontrole so dengje lenge kritika desave NGO , o ombdusmano em o phursarkerdo dizjakoro šerutno. O aktivitetoa akana ka keren len ko konteksti e buvljaripaske taro COVID 19 ko romane mahale, kote isi buteder Roma, so ko jekh sine dendi kritika em o ex reprezebto taro romane jekhina ko slovakiakoro govermentno.

Link: http://www.romea.cz/en/news/world/slovakia-at-home-quarantine-not-functional-in-romani-inhabited-settlements-covid-19-infected-persons-to-be-taken-to-state

Ser Čarls Spenser Čaplin, pendžardo sar Čarli Čaplin (16 april 1889 - 25 decembro 1977) isne pendžarutno britansko komičari , režiseri em kompozitori ko doba taro kalo – parno filmi.

O Čaplin si jekh taro majkreativno em majbari persona ko odova periodi.

Ko 1999 berš , I Amerikansko filmsko instituto notiringje e Čaplin sar dešto majbari muršani filmsko legenda ko sa vaktia. O Džordž Bernard Šo anavkergja e Čaplin “jekhutne genie ki filmeskiri industria”

O Čarls Spenser Čaplin si biamo ko Ist Street , Wolvorth , London, England . Oleskere jeria , kastar siklilo te giljavel , sine šoumenia ko Music Hall. Oleskoro dat , o Čarls Spenser Čaplin, sine vokalno solisto em akteri, a oleskiri daj I Hana Čaplin sine giljavutni em akterka so sine la artistikano anav sar Lili Harley

Oleskiri parababa taro o dat sine Romane darhiencar tari familia Smith, solea ov sine but barikano em lošalo trujal so palo odova kip li biografia ov ilustriringja le sar “I anatomia amaere familiarno plakareske” O jeria taro Čaplin trujal so nikana na mukhle pe tari prandin ola čhinavgje te dživdinen barabutne dži ko 1891 berš , angleder o Čaplin te pherel 3 berša.

Inače o sastipe taro Čaplin palo agorkeriba oleskere agorutne filmeske “I grofica taro Hong Kong” ulo but bilačho.Ko 1977 berš kana but phareste kerel sine lafi em phare phirel sine em sine ko invalidsko kolica. O Čaplin mulo bašo Krečuno (Božiko) ko 1977 berš kana sine le 88 berša , ko leskoro kher  ko Korsie sir Veve , ki Švajcaria.

O Čaplin sine parume ko limoria ko Korsie sir Veve ki Švajcaria. Ko 01 marto 1978 berš oleskoro trupo sine čordo taro duj bibukjarne emigrantoa, o Roman Vardas tari Polska em o Gančo Ganev tari Bugaria so mangle te len love tari I familia Čaplin.

Numa I mangin propel lenge. O čora sine astarde , o trupo sine arakhlo ko pašipa taro Ženevsko devriali , deš thaj jekh kurko palo odova sar čorgje le, Palo odova oleskoro trupo sine parume telal paše duj metria betony, manginaja te šaj ma te čorelpe aver drom oleskoro trupo.