Socijala

I daj tari našavdi Emilija Fejzić vakergja e policiake kaj olakiri čhaj prandingja pe em pe kamlea si ki Germania

O našavipa tari terni Emilia Fejzić tari Surdulica so sine notirime kaj našavdili angleder pobuter taro duj masekoa em i policia dži sigate legarel sine intenzivno rodaripa palo olate.

 

Sebepi o mesteriozno forma taro našavipa i paše familia darana sine taro majbilačho , ama aso o avgo informacie taro ROMinfomedia oj prandingja pe – našlja romeske em akana olea našle ki germania ki pli paše familia.

 

– I Ema si šukare em arakhljem la. Šaj vakeraja kaj oj korkoro desave ternea nakhavgja I simantra em geli ki Germania. Imoprtantno si kaj si oj šukare. Akaja informacia vakergje la da tari I policia ko Vranje.

 

Prekal o informacie o terno talo tari Čuprija , so vordonea nakhlja i simantra ko Horgoš.

 

Link: http://rominfomedia.rs/majka-nestale-emilije-eme-fejzic-potvrdila-policiji-da-se-njena-cerka-udala-i-pobegla-sa-mladicem-u-nemacku/

Bilovengoro čhavorikano garteni e Romane čhavenge panda ko trin komune

Panda trin komune o čhave taro romano nacionaliteto taro familie so si ko socialno rizikoresena šajdipa te len majbari inkluzia ko angloedukaciakoro proceso.

 

Ki programa “Inkluzia e Romane čhavenge ko angloedukaciakoro proceso” konektirinen pee m o komune Negotino, Strumica em Kavadarci , solea I akomodacia e čhavenge ko garteni ka oven tromalde tari participacia e čhavenge so si ko socialno riziko.

 

Upreder 450 čhave si tromalde em na pukjinen participacia te visitkeren o garteni, sar rezultati ko aktiviteto taro Govermenti em o Ministeriumi ko sistemsko faisalkeriba akale pučibaske.

 

O tromalipa tari participacia kerena o lokalno institucie upral I funda taro bloko dotacie so resen taro Ministeriumi bukjake em socialno politika.

 

I resarin akale tromalipaske tari participacia si jekhutne inkluzia sa e čhavenge ko angloedukaciakoro proceso , soske o čhave ko odoba angloedukaciakoro period  si but importantno majoadorigutni edukacia sakone individuake , vakerel pe ki informacia taro Kabineto taro viceministeri baši buti em socialno politika.

Germansko marketi bikinel sine bira neonacistikane simbolikaja

I germansko patrin Die Welt notirinela kaj ko vakti kana I resto Europa notirinela 75 berša taro o nacistikano logoro Aušvic , desave mušterie ko desave marketia ki Germania šaj sine te kinen i bira  etiketaja em moldijaja so faktički notirinen sine e neonacisten.

 

O skandali akale biraja anavkerdo sar „Deutsches Reichsbräu“ („Germansko kompania birake Rajh “) kergja bari holi em I policia ko odova momenti kerela rodaripa akale akteske.

 

Tari etiketa so sikavela em I konotacia si prekal ultranacionalistikano web sajti so šaj dikhela pe kaj murš anavea Tomi Frenk tergol pali akaja bira bazirimi upral o hop. O Germaniakere policiakere uče ofisoa vakeren kaj si ov ultranacionalistikano radikali.

 

Ki etiketa paše dži ki ambalaža em o anav e brendeske isi ilustracia taro orlo so si sar ko nacistoa, em ko than te ikerel nacistikani svastika, o orlo ikerel sastrinalo križi sar tradicionalno germanikano soldatengoro notacia. I moldi akale birake sine, 18,88 eura, so si simbolika I neonacistikani sub kultura.

 

Link: http://www.romea.cz/en/news/world/german-shop-selling-beer-with-neo-nazi-symbolism

Žaklina Ibraimović taro Niš peli taro busi, i policia kerel rodaripa akale akteske

E pindaberšengiri Žaklina Ibrahimović vakerel kaj peli taro busi numero 35 , soske ko vakti taro voziba phravdili korkoro . Sine la hematomia ko šero em lokheste ratvarina ko vast thaj ko piro.

 

“Khugjum andre em but šukare astargum man , dikhljum kaj isi than bešipnaske, em vakergjum te bešav , o busi irangja em palo odova na dava man godi so ulo, alo medicinsko vordon thovgje man panjea, alum pi peste“ vakergjua i Žaklina

 

O čhavo o Stefan vakerel kaj si sekirime soske oleskiri daj sine la operacia štar droma ko šero taro tumori.

 

“O manuša vakerena kaj mi daj khuvgja ko busi, khuvgja ki krivina , jekh taro udara korkoro phravdilo, em ko odova momenti oj telili em peli” vakerel o Stefan.

 

I familia Ibrahimović vakerel kaj asavke problemia isi buteder ki buseskiri linia taro Bubanj Potok dži ko Niš.

 

“O udara buteder droma phravgjona sine em phanljona sine em sine rumime. O šoferi ka ačhol sine o udar ka phanljol, o busi ka chidel sine em o udar korkoro ka phravgjol sine”vakergja o Stefan.

 

I Žaklina Ibrahimović vakerel kaj valjani te dikhel pe sine li o busi rumime.

 

“Te perav sine da ka perav sine andre, a na avrial taro busi”

Taro “Niš ekspres” em I direkcia taro transporti RTS nane len informacia akale akteske. O Kriso udžarel o raporti tari I policia , em palo kerdo lafikeriba e ratvardea em o svedokia em o kerdo tehničko kontrola akale buseskoro.

 

Link: http://rominfomedia.rs/zaklina-ibraimovic-iz-nisa-ispala-iz-autobusa-policija-ispituje-slucaj/

FaLang translation system by Faboba

Од 5 Ноември 2022 достапен документарниот филм на СП БТР „Небо, Точак, Земја„ на Max TV и Max TV GO со пребарување –Видеотека

Mangava te vakerav

6-to Romano Čhavorikanoo muzikakoro festivali 
„Čhavorikano Suno 2022“ – SP BTR

6-ти Ромски Детски музички фестивал
„Детски Сон 2022„ – СП БТР

6th Romani Children's Music Festival
"Children's Dream 2022" - SP BTR

Momentalno Online

       Isi 147 misafirija so dikhena o ROMATIMES.NEWS

o Vakti

 booked.net

Facebook

Majpopularno

Golden Wheel - Entry Application Form

Entry Application Form.docx

Flag Counter

Amaro brojači genjela taro 13.01.2019
Gejnela isto manuša tari koja phuv drabarena amaro portali
Majtele isi sa-ko-sa kozom dikhle o portali

Consola de depanare Joomla!

Sesiune

Informații profil

Utilizare memorie

Interogări bază de date