Socijala

Demolirimo o ofiso em čorde o sasto ofiseskoro inventari taro CRRZ “Bairska svetlina”

O Centro buvljaripaske e romane jekhinake (CRRZ) „Bairska Svetlina“ sikavel hor skldiba e siguriteteskere situaciake , majbut ki mahala Bair sebepi o agorutne aktia ko ofiso kaj si i asociacia em e lokalno ofiso „ Dimitar Valhov“ so sine targeti e čorenge ko periodo 01.01.2020 dži ko 06.01.2020 berš kana sine demolirime o ofiso em čorde o sasto inventari taro ofiso.

 

„Akava nane avgo drom, soske angleder da nekobor droma sine phage o pendžerke em o udara, a ko duvaria sine hramosarde bilačhe grafitia. Asavke amoralno situacie bibahtake na sine sankcionirime taro themakere institucie, em sevdžibaske si o fakti kaj salde kerel pe evidencia, ama na len pe nisave aktia ko akala incidentia.

 

Numa akale akteske ko Ministeriumi andrune bukjenge – Bitola, si notirime akava akti em kerdo si tari policiakiri rig sa o kanonikane notacie , aso odova kerdo si lista em akana kerel pe but ko odova.

 

Ko odova konteksti , rodaja taro institucie so keren buti ko sevdžiba em siguriteto e civilenge te keren o aktia sar so trubul te šaj te čhinaven o kriminaliteto em te konektirinen normalno em tromalo funkcioniriba e asociake  thaj e lokalno ofisoske ki mahala Bair ki Bitola.” Reagirinel ki hramosardi reakcia o remzi Medik, presidenti taro Bairska Svetlina.

Niš: I romani mahala „12 Februari“ duj kurke bizi elektrika!

I Romani mahala „12 Februari“ ko Niš si panda taro 1948 berš . Angleder akate dživdinen sine 10 romane familie, a avdive si 18 familie koter gejnena prekal 100 džene ko odola familie. Odothe dživdinen salde Roma kote 40% olendar si čhave, 20% si phure em nasvale.

 

Ni jekh olendar nane le bukjarno angažmani, em dživdinen odolea so kheden sekundarno surovine em lena socialno.

 

Angleder duj kurke ki akaja mahala sine čhinavde I elektrika, sebepi defekti ki instalacia, ale taro interventno ekipe, o defketi nane kerdo sebepi so o manuša akatare si borčlie e Elektrodistribuciake Srbia, em nane funda palem ola te oven lenge mukhle I elektrika!

 

O dizutne akale mahalatar sine len dikhiba e dizjakere šerutnea taro Niš so sine le mangin te kerel pe suporto te faisalkerel pea kava problem em kergja mitingo maškar o Roma em jekh taro direktoria taro ESS.

 

Bibahtake o mitingo na agorkergja pozitivno. O dizutne sar avgo forma taro revolti akhargje e mediumen em te na sine nesavo pozitivno efekti akalestar ola vakeren kaj ka keren protestia em ka keren radikalno aktia vakeren o roma tari akaja mahala.

 

Link: http://rominfomedia.rs/nis-naselje-12-februar-bez-struje-vec-dve-nedelje/

O pendžardo novosadsko stilisti em Dj Srgjan Šveljo, šubikerdo si baši pedofilia. Astarel sine em fotografirinel sine čorole romane tinejdžeren.

O pendžardo stilisti em Dj taro Novi Sad o Srgja Šveljo (52) pendžardo anavea „ Fanatik“ astardo si sebepiu šubikerin kaj seksualno terorizirinel sine majhari 20 terne čhaven pobuter olendar socialno teleperavdi kategoria em Roma, em nekobor olendar notiringje kaj astarel len sine kana sine nange!

 

O Šveljo sine opservirime taro momento kana ko mobilno telefoni taro jekh pendžardo modno kreatori so si šubikerdo baši pedofilia arakhli si komunikacia , kote o duj džene falinen pe sine pire „trofeencar“ vakeren o informacie.

 

O dizutne si ko šok tari akaja informacia soske pire viktimia arakhel len sine ki anavkerdi mahala „Karton city“ ko Novi Sad. Šubikerel pe kaj ov e čhaven sikavel sine te oven leske modelia em te kerel eksplicintno fotografie, a odoleske dela len sine love.

 

- O Šveljo si šubikerdo kaj e čhaven fotografirinel sine nange em kerel sine porno fotografie. I policia ko oleskoro apartmani arakhlja fotografie so si šubikerdo kasj kerel len sine bašo pornografsko sajtoa. Akanaske oleske si dendo 48 saatelngoro phanlipa . kote palo odova ka ovel lafikeriba e ombdusamnoa “- vakeren tari novosadsko policia

 

- Buteder taro o čhave si Romane tari romani mahala ko Veliki Rit . Ov odori džala sine sebepi so si socialno teleperavde em olenge o love si importantno. Ov odova istemalkerel le sine em sikavel len sine te fotografirinen pe nange.

 

Link: https://www.alo.rs/vesti/hronika/pedofil-novi-sad-srdjan-sveljo-prostitutke/284352/vest

Analiza bašo finansisko em finansisko suportho e civilno organizacienge tari rig e lokalno legaripaske ki Republika Utarali Makedonia

Ko pervazia e proektoske „O civilno organizacie ko butikeriba e lokalno demokratiake“ i Asociacia e finansisko bukjarnenge taro lokalno legaripa em themakere kompanie (ZFR), ko butikeriba e Europakere asociajciaja baši lokalno demokratia (ALDA) – Skopje thaj i Europsko asociacia kergje Analiza bašo finansisko em finansisko suportho e civilno organizacienge tari rig e lokalno legaripaske ki Republika Utarali Makedonia

 

Majimportantno konkluzie tari analiza si:

 

93% taro komune dena love e civilno organizacienge;

80% taro komune esapinen kaj o proektia so realizirinen pe taro civilno organizacie keren buvleste hairi e dizutnenge em e sasoitnipaske;

70% taro komune isi len praktika te keren kolaboracia e NGO ko kotor tari realizacia em implementacia e proektonge;

67% taro komune nane len zojrakerdo prioriteto e lovenge e NGO sektoreske;

56% taro komune dena Akharin te den finansisko suporto e NGO, a i edticaia majbut keren la prekal internet sajtia e komunakere, lokalno internet portalo, em lokalno TV em radio stasionia;

50% taro komune nane len ekstra sektori ki kolaboracia e NGO sektorea em majbut isi len persona so si aver sektori (lokalno ekonomsko, jurisdikciakoro, sektor javno bukja em aver);

40% taro komune promovirinen akava akcenti e NGO prekal nafinansisko suporto.

80% taro komune roden taro NGO te den raportoa e proektonge so sine finansiske suportime taro komune;

FaLang translation system by Faboba

Од 5 Ноември 2022 достапен документарниот филм на СП БТР „Небо, Точак, Земја„ на Max TV и Max TV GO со пребарување –Видеотека

Mangava te vakerav

6-to Romano Čhavorikanoo muzikakoro festivali 
„Čhavorikano Suno 2022“ – SP BTR

6-ти Ромски Детски музички фестивал
„Детски Сон 2022„ – СП БТР

6th Romani Children's Music Festival
"Children's Dream 2022" - SP BTR

Momentalno Online

       Isi 147 misafirija so dikhena o ROMATIMES.NEWS

o Vakti

 booked.net

Facebook

Majpopularno

Golden Wheel - Entry Application Form

Entry Application Form.docx

Flag Counter

Amaro brojači genjela taro 13.01.2019
Gejnela isto manuša tari koja phuv drabarena amaro portali
Majtele isi sa-ko-sa kozom dikhle o portali

Consola de depanare Joomla!

Sesiune

Informații profil

Utilizare memorie

Interogări bază de date