Socijala

Džej Ramadanovski ko ternipa: Našel sine kheral em kerel sine problemoa!

O folkeri Džej Ramadanovski angleder te ovel pendžardo giljavutno, sine problematično čhavoro em sine ko popravno ofiso.

 

O Džej ko vakti kana sine čhavoro em oleskoro dat kana manglja te džal baši Austria, oleskiere jeria hulavgje pe. Ov pelo taro kalsi ki škola em irangja pe ko Beograd. Tegani počmingja te našel kheral. E amalencar khelel sine džamlie em o vakti nakhela le sine pe droma em čorela sine. Palo jekh periodi o socialno ofisoa khedingje le em legargele ko popravno ofiso bašo tikneberšengere delikventia.

 

Odothe siklilo autolakersko zanati. O momenti so sine leske ko dživdipe sine ko 1987 berš kana alo ko udar tari Marina Tucaković em o Aleksandar Radovič – Futa. I Marina kergja leske I gili: ”Zar ja da ti brišem suze”

 

Odova berš odole giljaja lelja than ko MESAM em reslja trinto than tari publika, Palo odva palem kerel sine gilja em ulo but pendžardo.

 

O paše komšie oleske vakerena kaj sine boemi em but lošalo manup em jekh vakti kerel sine buti sar farbari ki jekh lokalno firma.

- O Džej si ćhavo tari mahala Dorčol, em džanava le taro tiknipa. Ov pe amalencar kheden pe sine ki jekh lokalno kafana so akana na kerel pobuter buti. Oleste pendžaren le sine sarine em sako derom bašavel sine ki tarabuka. Sine tinejdžeri em sako drom lošalo a o manuša mangen le sine but. Nikana na sine cicija em častinel sine pijbe sakone kana sine le love.

 

Ov akate džala sine ki škola, a jekh vakti legargje le em ko popravno ofiso bapo delikventoa, a kana iklilo odothar khuvgja ki buti sar farbari, Kergja efta divesa buti em iklilo odothare. Vakerela sine_;“ Me kalo ka khuvav sine a ikljovav sine saste lolo tari farba“ vakerel o komšija taro Džej o Dušan.

Faktia bašo Romano Holokausto : Džangjen li..?

Džangen li... kaj o Roma sine avgo Europjania so trubul sine te legaren pea dokumento baši identifikacia, a i akanutni forma taro pasporto startujngja te istemalkerel pe palo Dujto lumiakoro maripa?

 

Džanjen li.. kaj o manuša so sine identifikujme sar „Roma“ na troman sine te prandinen pe e „arievsko“ germanconcar?

Džangen li... O Nacistoa gindinen sine kaj o Roma em o Sinti sine sar „antisocionalno“ karakteri sebepi olengere parapaua, thaj o čhave sine fotografirime sebepi „kriminalno prevencia“?

Džangen li... O askeria so sine identifikujme kaj si Roma jali Sinti , dela pe sine lenge sar kherutno askereskoro mukhiba khere, a palo odova ka džan sine lenge khere em phanena len sine, ma te dikhen olengere amala ko askeri?

Džangen li.. Kaj i Švajcaria ko 1888 sine jekh taro avgo europakere thema so pšhanle pire simantre e Romenge thaj Sinti?

Džangen li... Ko desave kotora tari Maškarutni Evropa, 90% taro Roma sine mudarde ko Holokausto?

Džangen li ... Ko vakti taro Olimpisko khelina ko Berlin ko 1936 berš, o Sinti thaj o Roma so dživdinen sine ki diz , sine dislocirime ko logoro Marzhan ki periferia e dizjake. Ola odori trubul sine dživdinen ko mobilno „arabe – vordona „. Te šaj iljoven avrial taro „logoro“ sine mukhlo salde okola so sine len bukjarno angažmani.

Soske o jugoslovensko pavilion ko Aušvic si čučo?

O thema so si kotor tari ex Jugoslavia našti te phanen kontrakto sar te ovel čhivdo o Holokasuto ki Jugoslavia.

 

Maškar o septemvri 1941 em avgust 1944 berš , pobuter taro 20.000 manuša tari teritoria tari Jugoslavia , so sine tegani okupirimi taro Nacistoa, sine transportirime ko konc logoro ko Aušvic Birkenau.

 

Pohari taro šel, majbuteder politikane phanle jali partizania ačhile dživde ko akava konc logoro.

 

Ko 1960 berš , o thema kaskere dizutne sine deportirime ko akava logoro, sine lenge dendo ekstra pavilion te šaj čhiven eksponatia sar “nacistikano performanso” O Jugoslovonskeo nacionalno performanso sine putardo ko 1963 berš.

 

Palo preperipe e Jugoslaviakoro ko vakti tari seria mariba so sine ko periodo 1991-1999 berš , saste trampingja pe I lipar taro Dujto Lumiakoro Maripa em o holokausto ko neve thema kerde palo hulavipa e Jugoslaviakoro.

 

O čačutno, baro em pharo holokasuto e jugoslaviakere Jaudienge em Romenge ačhilo ko ekstremno margine tari sasti memoria.

 

O memorijalno muzei taro Aušvic , panda garavela o than tari ex jugoslaviakoro pavilion , pakjivaja kaj ka avel vakti ka ovel kerdo barabutno artistikano performansi.

Sako trinto familia ki Makedonia , našti te resel te pukjinel pire režisko harčiba

O makedonikane familie si avgo ki lista finansisko problemoncar kana pukjinen ple režisko harčiba.

 

Sako trinto familia ki them , našti ničale te pukjinen pire komunalie.

 

O europakoro statistikano ofiso kalkuliringja kaj paše 37% jali  209.000 familie si len finansisko problemia te šaj ničale te pukjinen I električno energia, parno em pani.

 

Majbaro problem ko pukjiba o režisko harčiba taro thema membria ki Unia si I Grcia.

 

Odothe paše 36% nane len love ničale te pukjinen, palo olende si o Bugaria 30%, a o Hrvatia si  17,5% taro familie so si len problemia ko agorutne 12 masekoa kana pukjinen o režisko harčiba.

 

Asavko problem paše nane olen o dizutne tari Holandia, Austria, Čehia em Svedia. Odori salde 2% taro familie našti ničale ko kontinuiteti te pukjinen pire režisko harčiba.

 

Prekal o analize taro Eurostat , ko nivelo tari EU , paše 7% taro familie isi len problem ko kontinuiteto te pukjinen pire režisko harčiba.

FaLang translation system by Faboba

Од 5 Ноември 2022 достапен документарниот филм на СП БТР „Небо, Точак, Земја„ на Max TV и Max TV GO со пребарување –Видеотека

Mangava te vakerav

6-to Romano Čhavorikanoo muzikakoro festivali 
„Čhavorikano Suno 2022“ – SP BTR

6-ти Ромски Детски музички фестивал
„Детски Сон 2022„ – СП БТР

6th Romani Children's Music Festival
"Children's Dream 2022" - SP BTR

Momentalno Online

       Isi 740 misafirija so dikhena o ROMATIMES.NEWS

o Vakti

 booked.net

Facebook

Majpopularno

Golden Wheel - Entry Application Form

Entry Application Form.docx

Flag Counter

Amaro brojači genjela taro 13.01.2019
Gejnela isto manuša tari koja phuv drabarena amaro portali
Majtele isi sa-ko-sa kozom dikhle o portali

Consola de depanare Joomla!

Sesiune

Informații profil

Utilizare memorie

Interogări bază de date