Palo ofto divesa , mulo o 16  beršengoro Room tinejdžeri so sine phajrardo taro policajco ko vakti tari policiakiri racia an o Solun.

Taro hospitali kaj sine hospitalizirimo koo kritično sastipa, erati vakergje kaj o terno Rom mulo trujal so o doktoria kergje sa  te kurtalinen le.

Ki koma ratvarinaja taro kuršumi ko šero o terno Rom ko solunsko hospitali sine ando ko 5 decembri ko duj o časo pali jekvaš I rakj , sine urgentno operisme thaj čhivdo ki intenzivno nega , kote ko sa akala nakhle dive sasljarela pe sine , numa ov mulo taro phare ratvarina.

O persi palokurko o 16 beršengoro  Rom ačhilo ko benzisko stasioni phergja benzini bašo 20 eura thaj našlja bizo te pukjinel thaj sine informirimi I policia kote so o policajcia motorencar chidinngje palo odova vordon thaj kana na manglja te ačhol palo rodaripa taro policajcia  primal o mediumia sine phajrardo ko šero taro  jekh policajco.

O policajco so phajrargja ko terno Rom sine ikavdo anglal o kriso ko Solun thaj primal o grciakere medie vakergja kaj reagiringja sar reakcia te arakhelpe soske oleskere kolegaskoro dživdipa sine čhivdo ko riziko  kaj o terno Rom manglja pire vordonea te khuvel ko motori, a bašo phajrariba vakerel kaj phajrargja tele ko gume e vordoneske a na ko čhavo.

O policajco akana si ko kherutno pritvor  thaj dopherdo ka anel pe decizia ka ovel li legardo ko nesavo grčko phanlipa.

O ministeri civilno protektivake an I grcia so kerel opservacia thaj e policiake o Takis Teodorikakos prekal o Twitter sikavgja “ hor mazunipa bašo meriba e 16 beršengere Romeske thaj dži ki oleskiri familia”

-Palem vakerav kaj akava akti ka rodel pe jurisdikcia thaj džovaplipa so si jekhutne oficialno akti thaj te notirinen o faktia thaj te krisinel pe džovaplime. Savore te respektirina odova, hramosargja o Teodorikakos.

O nakhlo kurko sebepi akava akti ko buterder Romane mahale sar ki Atrina agjaar ko Solun , o Roma protestirinen sine seriozno. O IRU thaj olakoro president Zoran Dimov panda angleder jekh kkurko bičhavgja lil Reakcia dži ko oficialno grciakere govermenteskere ofisia (konkretnoo dji ki Grciakiri ambasada an o Skopje), numa bibahtake panda nane nisavo antvorto tari olengiri rig akale akteske.

Angleder e Rusiakiri federacia te kerel I sisati invazia upral I Ukraina  I Oksana Lokootoš sine la lačho dživdipa ko duj e etažengoro kher  ko Donbas olakere čhijaja nthaj olakere šov unikia. O duj Romnja sine len zarzavati  thaj khanja em bale ki bari avlin.

I familia bikinela sine sa okova so nane te ovel istemalkerdo . Kana I Rusko armia bombardiringje olemgoro kher olengoro dživdipa sine irame aver čhane.

„Bahtake ko odova vakti sium sine an o hospital , a mi čhaj thaj olakere čhave kinena sine khanći an I diz. Kana irangjam amen khere amaro kher sine bombardirime” vakerel I 64 beršengiri Lokotoš.

„Lelem salde o fundavno bukja em gelem amenge” vakerel oj. Olengoro dromaripa angja len an I Praga , palo odova ko kampo an I Bohemia em ko agor an o jekh hotelo ko region taro Karlovi Vari ki diz Lubi, kote isi jekh NGO taro Khamoro Čodov.

Link: https://romea.cz/en/czech-republic/if-the-food-and-the-fuel-runs-out-winter-could-see-another-wave-of-romani-refugees-from-ukraine