Socijala

I Historia taro Tradicionalno Romano Kris

Romano Kriso si Tradicionalno Kriso so faisalkerel konfliktoa ani tradicionalno romani jekhin. O termino ikljola tari grciakiri čhib "κρίση" (krisoskiri decizia). Oj si importantno institucia an i implementacua e romane zakono; zakonuri, kanonia) ko Roma.
O Kriso startujngja an i regioni an i Romania ko vakti kana o Roma sine robora sar krisoskiri instituciua e lokalno Romenge, te šaj kerel kohezia an i Romani jekhin andre. Ko XIX veko kana čhinavdilo o robia buteder Roma kergje emigracia an o avera kotora tari lumia , kote ande o Kriso ko thema so kergje emigracia sar kulturakoro tradicionalno notacia.
Ko buteder jali majhari formalno aktia si thaj an o aver romane niveloa. Isi Roma (na Vlahiakere) so akceptiringje akaja institucia sar validno - oficialno. Sar egzamplo so si Držara an i Svedia (majanglutne an i Srbia) an o konkecia e lokalno grupaja Kalderash.
O Kris akceptirinela akava pučimata kote si an o interes e Romenge a na o na-Romane interesoa soske ola dikhen pe sar na-Romane institucie.
An i Rezolucia e Romengiri akava akti si sar agorutno. But pučimata so nane faisalkerde (te rodingja aso olengiri gravitacia an o starto ) faisalkeren pe naformalno prekal konekcia aver membrora tari lokalno jekhin.
Akava šaj ovel an i forma sar Divano, naformalno khidipa taro lideroa jekhe klanoske taro konflitirime riga thaj aver lokalno respektirime Roma (o duj konfliktno roga nane trubutne te oven odothe ) Te šaj anene decizia - faisasli šaj del pe propozalo. Te sine panda nahaljovipa maškar o konflikto riga o pučimata ačhol bizi faisali. O Kris akharel sar formalno instrumento te arakhel pe agor akale momentoske.
Trujal so o adetia varirinena aso lokalno tradicia, fundavutni forma taro Kriso konektirinela o duj riga so si kontra so del apel dži ko krisnitoria, thaj si aver forma sar krisatora, so si respektirime Roma akceptirime komunistikane aklamaciaja sar Kriseskoro presidiumo - Presidento.
O numero taro krisaroa si interesno thaj varirinela taro pandž dži ko deš thaj jekh. O aver membrora tari grupa so nane direktno konektirime an o konflikto so šaj lena than pire notacijaja aso soske ulo o konflikto jali karakteri e konfliktoske so si e konfliktirime rigonge.
I debata - diskusia si salde an i romani čhib niamale rigistratorea , so nane but istemalkerdo an o sakodiveseskiri vorba. Te šaj te ovel majrealno i situacia thaj komunikacia ko diferentno dende sovli len pe o anava taro parapaua jali aver zorale ilustracie.
O ande decizie taro Romano Kriso si dizajnirime te ikeren o integriteto e romane jekhinake thaj suporto e Romane dživdipaske. Akala ande decizie keren ikeriba an o kintala (ramnoteža) Džanlipaja kote nane apsolutno čačipathaj sako rig isi la piro čačipa o krisarora roden te iranel pe o respekto mašakar o duj involvirime riga. Olengere definitivno ande decizie trubul te keren i harmonia aso o sukcesi taro vakti i romani jekhin definirinela o kvalifikujme krisnatoria.
Te sine notirime najekhipa tegani ananena decizie sar reparacia thaj globa.
Ola šaj oven sar lovengiri globa so ka pukjinel i došali rig so ka ovel notirime sar melalo thaj nesavo periodo te ovel izolirime - čhudime tari i romani jekhin.
O vakteskoro periodo šaj te ovel fiksno thaj te na pukjingja ka iranel pe aso purano status quo.
Majekstremno vorba e romane personake si te ovel saste vakti čhidime tari romani jekhin so si bari bibahtali situacia maškar o Roma.
Ko pšurane vaktia globa meribaja sine ko desave romane klania numa nane pendžardo kobor lungo vakti sine implementirime asavke globe mudaripaja. Te sine sa o riga notirime sar došale thaj pukjime lovencar odola love dena pe sine majbut e čorole Romenge.
Ko jekh sar globa dela pe thaj bilovengoro bukajkoro aktiviteto maškar o Roma. I došali rigori zojrakerel pe i harmonia thaj te na lel reparacua. O decizie e Krisoskere si definitivno thaj si taro moralno aspekto mašakr i romani jekhin.
An i Romania an o januar masek 2008 berš o Romane krisatoria kergje inicijativa te formirinel pe Europakoro komitetto taro Romane krisatoria kote sar inicijatoria sine 500 krisatoria.

Ratvali Bajka ko Kraguevac – Ko 1941 berš sine egzekutirime paše 3000 civilia

O Kragujevačko masakr (Germanski -  Massaker von Kragujevac) si masakr upral civilia ko Kragujevac em gava kergje le o nacistikane askeria tari Germania ko 19, 20. thaj 21 okotmvri 1941 berš

Ko akava masakr likvidirme sine paše 30000 manuša taro kragujevac em o gava a maškar olende sine em 300 sikle taro Kragujevac e 15 čhave taro 8 dži ko 15 berša (Romane so keren sine buti sar čistalia kundernge ki diz ko Kragujevac).

Premal o istoričaria odova dive egzekutirime sine 2.796 persone
I egzekucia sone kerdi sar akti taro garazi bašo 10 mudarde em 26 ratvarde germansko akseria ko mariba e partizanencar em četnikoa ko drom maškar o bar em Ljuljak.

O germansko komandanti Franc Beme ko 10 Oktomvri dengja akti kote bašo jekh mudardo germansko askeri te egyekutirinen 100 civilia a bašo sako ratavrdo germansko askeri te egezekutirinen 50 civilia. Aso i kalkulacia valjani sine te egzekutirinen 2300 manušen.

 

 

„Hovavne haberia„ anena bilačhipa! Akava drom viktimi o žurnalisti Borjan Jovanovski

O hohavne habera sako drom isi len resarin te anen jekh bangi em iramo čačipa. Palo odova o konsekvence si katastrofalno.

Jekh asavki informacia akala dive ko socialno netvorko kergje reakcie , ekstra maškar o Roma.

Sar rezultati taro nadejbe start taro EU kolaboracia em o francusko „NA“ e Republika Utar Makedonia sine istemalkerdi jekh editiriba ko Twitter taro Borjan Jovanovski so sine editirime ko socialno netvorko em sine hramosarde: „Francia melale, te meren o Roma“

Palo odova sine kerde reakcie taro sa o riga akcentea ko Roma.

Ama čačipaske sikavgja pe kaj i mašineria taro „hohavne haberia“ sine la resarin te devalvirinen i persona taro Borjan Jovanovski . Ov korkoro ko socialno netvorko demantiringja em hramongja: „Te ovel sine čače strategia em plania ko mariba mujal hohavne haberiapanda avdive ko FB „Misia“ so falsifikati em buvljaren natolerancia mujal o Roma em i Francia“.

 

Roksana: Imigranti – mujal i deportacia

Roksana Hajrizi , si biame an o Kosovo angleder 26 berša , a ake 23 berša dživdinela ki Kanada, kote akana legarel kampanja sar peske agjaar em milja averennge, kote sebepi anti – migrantsko kanonia isi riziko tari deportacia.

Olakoro dat si deportirime an o Kosovo . O dar maškar o Roma barile palo akana sig mudaripa e Gani Rama ki Priština.

Ko maškarvakti ka arakhel pe oficialno manušencar ko Torornto ko štartodi 24 okotmvri em ka diskutirinen palem olakoro akti.

Oj vakerel kaj akava akti si kerdo sebepi krisano hemibe so korkoro pea , olakere phenjaja I Kamila em olakiri daj I Selina angja ki riziko situacia , bizo themutnipa , našti legalno arakhela buti em majpakjavutne šaj te hulaven e familia.

„Pakjava kaj akava intervju mancar so kerel pe si sar presia upral miri kampanja” vakerel I Roksana. “ Amen reslem amaro niami mujal I deportacia sar tari Kanada em ki Europa. Rodaja sare te konektirinen pe amencar.

FaLang translation system by Faboba

Од 5 Ноември 2022 достапен документарниот филм на СП БТР „Небо, Точак, Земја„ на Max TV и Max TV GO со пребарување –Видеотека

Mangava te vakerav

6-to Romano Čhavorikanoo muzikakoro festivali 
„Čhavorikano Suno 2022“ – SP BTR

6-ти Ромски Детски музички фестивал
„Детски Сон 2022„ – СП БТР

6th Romani Children's Music Festival
"Children's Dream 2022" - SP BTR

Momentalno Online

       Isi 244 misafirija so dikhena o ROMATIMES.NEWS

o Vakti

 booked.net

Facebook

Majpopularno

Golden Wheel - Entry Application Form

Entry Application Form.docx

Flag Counter

Amaro brojači genjela taro 13.01.2019
Gejnela isto manuša tari koja phuv drabarena amaro portali
Majtele isi sa-ko-sa kozom dikhle o portali

Consola de depanare Joomla!

Sesiune

Informații profil

Utilizare memorie

Interogări bază de date