Socijala

I Austria rodela bukjarne, ko dive 100 eura

E austriakere ski centroa havljargje akahrin rodena bukjarne ki nevi ski sezona, kote sar love đaj te resel pe 100 eura ko dive. Kuvaria, konobaria, recepcioneria, em hotelsko personali si marodime profesie so nane ko ski centroa. Kerel pe baši sezonsko buti taro 15 novembro , jali 1 Decembro dži ko Veligdano – Krečuno. Ko athinalipa od gazdia em oleskere percepcie, a o bukjarno vakti si šov divesa ko kurko taro 48 dži ko 52 bukjarne saatia.

O Stipe Erceg , gazda restoranteske ko Hvar so kerel sine akaja da buti vakerel kaj si sezonsko buti , o hajbe em akomodacia si taro gazdia, em dopherel kaj o sezonsko bukjarne isi len aver da benefitia te oven čale em te iranen pe palem ki odoja buti.

– Pobuter taro o gazdia pire bukjarnenge denaem jekvaš moldia skiibaske jali kursia čhibjake. I asociacia e gazdengiri taro hotelia em restorantia ko Leh dela e bukjarnenge beneficie te ovel olen potikne moldia ko hajbe, pijbe, masaža, žičara presentaciaja tari “Leh kart. Kos a o forme e manušen dena stimul te ačhon ki buti – vakerel o Erceg.

Ov vakerel kaj akaja forma bukjake na tromal te ovel kerdi paralela okole bukjaja kaj o terne džana te keren buti ki Germania jali Irska.

E platenge o Erceg vakerel kaj asistento konobari isi len sar egzamplo masekoskiri plata taro 1.500 dži ko 1.700 eura. O šefoa ko desave ofisoa an o hoteli isi len masekoskiri plata taro 1.800 dži ko 2.000 eura.

Te ovel tu bukjarno džanlipa ki Austria šaj te resen pe niamea em baši penzia ki odoja them, bizi fakti kaj si odoja sezonsko buti.

Johnson Welch: Nikana ma te peren ko kočaka, keren tumede, te šaj kere majšukar avutnipe tire naciake

O Johnson Welchе si terno Rom tari Britania so kamel te anel trampa an i Europa. Oleskere percepcie baši dikriminacia, teleperaviba e romane kulturake, istoriake em i percepcia mujal o Roma na salde ki Britania numa em ki Europa.

Ov ko momenti studirineka jurisdikcia ko universiteto ko Darlington ki Britania em si aktivno ko aktivizmi e Romen te ovel olen jekh a jekh tretmano.

Ko nakhle duj berša ov si koto e mediumsko timeske DIKH HE NA BISTER  сo aktivizmi so khedel upreder šel terne Roma te den respekto ko viktimia taro Holokausto ko Dujto Lumiakoro Mariba .

Ov ko jekh intervju kerel lafi bašo piro aktivizmi, maripa mujal diskriminacia, e mediumenge em o predraside.

Ko avutno linko šaj saste dikhen oleskoro intervju

Link: http://www.portal-udar.net/johnson-welch-nikada-ne-budite-na-koljenima-gradite-sebe-da-bi-gradili-bolju-buducnost-za-svoj-narod/

Gogjaver romani paramis bašo o amalipa: „ O Duj Roma em o ruv“

Autori: Sindirela Bobarić

Ko jekh purano vakti sine peske duj amala Roma. Jekh olendar sine nekobor berša phureder e javerestar em sako drom del sine konsiloa e poterneske. Vakerel leske sine kaj prekal o dživdipa siklilo but taro pire em averengere nakerde šukar bukja.

„Ko mangipa akava si tuke majšukar egzamplo, Sine man jekh drom jekh kamli , ama na sine šukare, a akana si man aver em oj si but šukar. Sine man buti , ama na but šukar, akana si amn nevi em si but pošukar akaja. Sine man šukar amal anglal tute kana havgjum kaj ov nane mangeamal em akana si man ki tute but pošukar amal. Agjaar sikljiljum but taro kamlipa, buti em amalipa”

O majterno Rom impresionirime taro džanlipa e phurederestar dikhel sine kaj sa so vakerel leske ov ov si majgogjaver em dikhel le sine sar oleskoro sikavno.

Jekh dive o phureder akhargja le te phiren ahri ki veš. Phiridor dikhlja šužđe bobinke ko jekh kašt, uklilo ko kašt, khedinngja o bobinke em haljalen korkoro.
„Sosoke mange da na khedingjan hari taro bobinke?„ pučlja o poterno amal. „ Vakergje mange kaj ko dživdipa valjani korkoro tuke te kere soske niko aver nane te kerel tuke , em te mangljan bobinke korkoro ka ukle em ka khede tuke“. Pošukar ka moldine odova so korkoro ka arakhe le , ka lele em ka kerel le“

O majterno Rom na uklilo ko kašt soske sine le dar taro učipa, em o bobinke na sine leske više interesantno hajbaske.

Phirindo em kerindo lafi o duj džene taro jekh drom ko drumo iklilo lenge jekh but baro ruv. Darandile o solduj džene. O phureder odma uklolo ko kašt te kurtalinel. O majterno nadžanlipaja kaj te garavel pe pašlilo tele keribaja kaj si mulo.

Tari dar ni na dišinel sine . O ruv alo dži ko majterno , hari nuškingja le em palo odova chidingja pe em gelo peske ko drumo majodoriga.

O poterno našti sine te pakjal so ulo leja. Kana o ruv gelo peske dur pohari uštilo em darutne počmingja te dišinel. Kana o phureder dikhlja kaj o ruv durandilo ko drumo em gelo peske hulilo taro kašt.
„So vakergja tuke o ruv kana alo paše dži ko to muj???!„ pučlja daravutne o phureder Rom.
„O Ruv alo dži ko mo kan hem vakergja mange ma te ovav amal manušencar so ka mukhen man kena isi belje“ vakergja o poterno Rom.

Link: https://romanolil.net/2019/10/15/1808/

Ki Moskva ikerel pe o Festivali „ O Roma telel Rusiakoro del“

O sarusko festivali „ O Roma telal o Rusko del“ ikerel pe ki Moskva sa dži ko 30 oktomvri an o hotelsko kompleski „Cosmos“. Akava e mediumenge sine notirime taro Presidento e nacionalno kulturakere autonomia e Rusko Romenge i Nadežda Demeter.

O festivali organizirinel pee m rotali mesali bašo o problemoa ki romani kulturam rakh taro romano folklore , poezia, magistersko tahtaja, kheliba em umetnikano festivali em performansi – izložba taro slike em dokumentoa tari historia em kultura e Romengiri.
O festival sit e “sikavel so resle o roma an I kulturakiri, muzikakiri koreografia, teatari, poezioa , arti em artistikanio fotografia”

O festival si organizirime em suportime taro FADN em o Ofiso ki nacionalno politika ko maškar regionalno relacia em turizmo an I Moskva,

Piro than sine em e kulturakere aktivitetoa maškar olende em o Zoran Dimov tari Makedonia em o timo taro SP BTR Produkcia so ko maškar vakti sniminel o dokumentarno filmi ki Moskva „ Del, Rota, Phuv“, a ko jekh em o IRU membro tari Moskva o Anatolij Butakov.

 

 

 

 

 

 

 

 

 

FaLang translation system by Faboba

Од 5 Ноември 2022 достапен документарниот филм на СП БТР „Небо, Точак, Земја„ на Max TV и Max TV GO со пребарување –Видеотека

Mangava te vakerav

6-to Romano Čhavorikanoo muzikakoro festivali 
„Čhavorikano Suno 2022“ – SP BTR

6-ти Ромски Детски музички фестивал
„Детски Сон 2022„ – СП БТР

6th Romani Children's Music Festival
"Children's Dream 2022" - SP BTR

Momentalno Online

       Isi 257 misafirija so dikhena o ROMATIMES.NEWS

o Vakti

 booked.net

Facebook

Majpopularno

Golden Wheel - Entry Application Form

Entry Application Form.docx

Flag Counter

Amaro brojači genjela taro 13.01.2019
Gejnela isto manuša tari koja phuv drabarena amaro portali
Majtele isi sa-ko-sa kozom dikhle o portali

Consola de depanare Joomla!

Sesiune

Informații profil

Utilizare memorie

Interogări bază de date