Socijala

Si li nalegalno biznis organencar an i Makedonia?

Bibahtake o biznisi organencar an i Makedonia thaj o aktia taro Kanonia nane inkriminirime sar ekstra došperavibaskoro akti , numa si sar saikerin an o Kanoni ko leiba presadiba kotora taro manušikane organia sebepi sasljariba thaj si elaboririmi prekal kanoneskere mujal aktia sar biznisi manušencar thaj nalegalno medicinakoro tretmano ko manušikane organia.

O mariba mujal nalegalno biznisi organencar, thaj organizirimo kriminali rodela bari sama thaj koorelacia avere themencar kote si akava biznisi thaj o thema so kinena akala artikloa.

Drabaren majtele te haven efta šokantno faktia ko nalegalno biznisi organencar.
1. Phanle - astarde manuša.
Premal o lil taro krisari taro UN maribaskere bibahtenge i Karla del Ponte , o preperutne taro UČK taro Kosovo astargje pherdo manušen kastar zorea lele lengere organia .
Palo odoova odola organia sine legarde ko aver stransko klinike baši transplatacia.

2. Nalegalno Biznis organencar taro čhave.
O rodaripa počmingja ko Mozambik kana nekobor lokalno grupe bašo manušikane niamia thaj e Brazileskiri misia an i Nampula vakergje e legarutnenge kaj but čhavenge nane vitalno organia , a desave čhave mule sar rezultati taro eliminacia taro olengere organia.
Pakjala pe kote buteder taro khedime organia bičhaven pe sine ko pašipa tari Purabali Afrika thaj baši transplatacia taro religiakere adetia. Ko jekh sine buteder raportia čhavenge so si kidnapirime thaj mudarde bašo lengere organia an i Purabali Amerika.

3. Napakjavutni moldi te šaj kinel pe bubrego.
Aso i notacia tari Lumiakiri sastipaskiri organizacia taro 2003 berš i moldi taro bubrego sine taro 700 dolaria an i Purabali Afrika dži ko buteder 30.000 dolaria an i USA., kote buteder thema pukjinen sine maškar 1.000 thaj 10.000 amerikansko dolaria bašo bubregia.

4. Okola so bikinena o organia na sikaven bari samae pacientonge so dengje piro organi Buteder taro bubregia ko nalegalno marketia so bikinena pe sakote an i lumia keren majbut o čorole manuša so valjani lenge but love.
O mušterie pukjinen sine salde kotor tari moldi thaj na sine len nesavi bari medicinsko opservacia sa dži kote na sasljaren pe.
Akala donatoria but droma sine trušale thaj na saljaren pe sine dži ko agor sar so trubul.

5. Khuven ki doktoreskiri kontrola, a ačhovena bizo bubrego.
An o Egipet , jekh metodi taro šverc organencar iranel pe sine trujal ki šema sar bukjarnipa. Terne murša so sine angažirime bukjake sine bičhavde an i medicinakiri kontrola ko doktori.

O terne manuša džangavgjovena sine an o hospitalo bare dukhencar thaj jekhe bubregoa pohari. O viktimia tari akaja šema sine telal daravina taro kana dengje došperavibaskoro akti mujal okola so kergje nalegalno kanonikano akti.

6. O Biznisi organencar si legalno salde an i jekh them.
Trujal o učo numero taro nakontrolirimo narespektiriba o kanonia , o biznisi organencar si nalegalno aktiviteto trujal salde an i jekh them odova si legalno. An o Iran o biznis organencar si legalno thaj bare samaja opservirime.
I praktika taro transakcie e institucionalno organencar eliminiringja i lista taro udžariba sa okolenge so udžarena sine bubrego thaj kergje majbaro numero donacie taro o manuša so mule.

7. Aukcia taro tikne bebia sebepi o organia.
Trin ukrainsko džuvlja sine phanle an i Italia pali kerdi aukcia taro panda nabijamo čhavo jekhake taro akala džuvlja. I daj e bebeskoro bikingja pe panda nabiame čhave bašo 350.000 aura (paše $ 500.000 amerikansko dolaria).
O oficialno persone pakjana kaj akaja banda e džuvlencar kergje asavki transkacie avere bebencar , po desavo drom bikinibaja sar nalegalno posvoiba , thaj podesavo drom thaj olengere organia da.

 

Romani familia sine la dikhiba e Papaja Francis

I familia taro Imer Omerović si kotor taro 14 familie lokaciajaj an o Kasal Brusiato, o than kote so sine o protestoa ko agorutne divesa, sine len dikhiba an i bazilika Sv.Jovan an o Rim e papaja Francis an o margine e mitingoske tari Eparhia.

O dat i daj thaj i tikni čhaj resle ko tikno dikhiba e papaja. Ola ko vakti tari liturgia thaj ceremonialo bešle ko anglune thana an i bazilika.

O Papa Francis dikhlja pe thaj kergje diskusia e romane familiaja an i saste privat ceremonia an i bazilika Sv. Jovan an o Laterano anglal te ovel o mitingo e opatencar thaj o pastoroa tari akaja eparhia.

I familia reslja barabutne e volontersko opersko giljavutno Rom taro hori Patrizia, majanglal reslja len o vice episkopi an o Rim Don Jampero Palmieri so gele ko anglutno kotor taro centralno bloko an i bazilika Sv. Jovan kote bešen sine oleskiri daj thaj o dat, o dat o Imeri em i Senada Omerović barabutne oleskere čhijaja i Violeta thaj o volonteri romano opersko giljavutno taro orkestro "Patrizia".


Link: https://www.ilmessaggero.it/roma/news/casal_bruciato_famiglia_rom_papa_francesco_oggi_ultime_notizie-4480688.html

Jekh berš taro fundiriba e portaleske pe romani čhib Roma Press

O nakhlo vikendo an i redakcia taro portalo pe romani čhib Roma Press sine lošalo. Faktori taro utsavalipa si jekh berš taro starto bukjaja akale romane mediumeske.

An o nakhle 365 divesa, o Roma Press kergja zori te ovel notirime taro buvlo publikumi an i asavki forma so kerel sine opservacia thaj aktiviteto ko raportiriba sa o politikane, kulturakere thaj aver aktivitetoa an i mari them.

Ko jekh ko kontinuiteto hulavel sine informacie aktuelno momentenge an i lumia a so si paše konekciaja e Romencar thaj olengoro trujalipa.

Odoleske akava momenti o kolegiumo taro Web portalo Roma Times bahtakerela o jekhto biando dive e redakciake taro Roma Press thaj olakere šerutne redakotoreske i Sevgjul Abdula

Panda but berša sukceso an o avutnipa.

 

Romani Demokratikani Unia - RDS analiza (trinto kotor) - Lokheste si te pozicionirine pe sar romano lideri avere lovencar

Pendžaribaja o džiakanutno funkcioniriba e romane aktivizmoske thaj o funkcioniriba an i amari them , thaj o džiakanutne bilačhe resultatia taro romane lideria tari akanutni garnitura , but lokhste site ikljoven nesave neve "majgogjaver intelektualno lideria" Majlokheste si faktea so realno e manušenge si "upreder o šero" sa taro jekh face thaj but lokheste si olenge akana nesavi nevi faca sar "napendžardi nevi garnitura lideria". Thaj akava fakti si lačhi opcia sa okolenge so akana kamen te oven lideria. Aodola neve lideria prekal nesavi logika ikljovena taro nesavo NGO sektoro . O djitegani kancalariakere thaj donatorengere lovencar sar "borcoa" pire naciake thaj olengoro džiteganutno kerdo angažmani taro normalno "volonteria" ovena numero 1 faktori an i kreacia politikane agendake. Palo odova startujnena piro aktiviteto "bašo šukaripa e naciake" i misia thaj presentiriba piri programa anglal donatoria thaj findacie ko mitingoa thaj dikhiba te ilustririnen majlačheste sar e donatorenge agjaar e themakere da institucienge sar olengere partneroa kaj si len nevi politikani idea salde bašo lačhipa pire naciake. Kana ola lačhe ka "infuzirinen pe" finansiencar tegani astaren aver dromia sar forma tari korkoro promocia kaj ola si o avutno progresno faktori an o romano politikano bloko so lokheste sar finansisko agjaar thaj idejno te preformulirinen pe sar politikani avangarda. Em agjaar o džieratutne "aktivistia manušikane lačharipaske taro civilno sektoro" oven sar "politikane mesie" e Romane naciake. Probimo thaj siguritetno recepta baši nevi politikani avantura. Em lačhe, em komotno ko aver dumo avere lovencar lokheste šaj ove politikani faca thaj numero 1 maškar piri nacia. Siguritetno thaj kameleonsko adaptacia bizo love! "Ni haljan sir ni khande an i sir". Uže, nevino bizi politikani fleka, bilovcengoro te avel pe an i pozicia thaj finansisko efekti. O analize taro RDS džana majodoriga... (džala majodorig) O stavi taro teksti si personalno taro RDS thaj si avri tari redaktorsko politika e web portaloske Roma Times

FaLang translation system by Faboba

Од 5 Ноември 2022 достапен документарниот филм на СП БТР „Небо, Точак, Земја„ на Max TV и Max TV GO со пребарување –Видеотека

Mangava te vakerav

6-to Romano Čhavorikanoo muzikakoro festivali 
„Čhavorikano Suno 2022“ – SP BTR

6-ти Ромски Детски музички фестивал
„Детски Сон 2022„ – СП БТР

6th Romani Children's Music Festival
"Children's Dream 2022" - SP BTR

Momentalno Online

       Isi 105 misafirija so dikhena o ROMATIMES.NEWS

o Vakti

 booked.net

Facebook

Majpopularno

Golden Wheel - Entry Application Form

Entry Application Form.docx

Flag Counter

Amaro brojači genjela taro 13.01.2019
Gejnela isto manuša tari koja phuv drabarena amaro portali
Majtele isi sa-ko-sa kozom dikhle o portali

Consola de depanare Joomla!

Sesiune

Informații profil

Utilizare memorie

Interogări bază de date