Socijala

I Avaja doniringja medicinsko vordon ki ambulanta ko Šuto Orizari

I dujto inicijativa si akaja donacia akale medicinsko vordonea so doniringja ki  poliklinika Čair a bašo Roma tari ambulanta ko Šuto Orizari , Čair thaj Butel thaj o aver dizutne so dživdinen ko akala thana.

Akaja si jekh taro inicijative ko lačharipa e sastipaske, I avgo sine tew putrel pe ginekologia ko Šuto Orizari suportoa dejbe angažiribe thaj medicinsko personali ko periodi taro 6 masekoa so realiziringja pe ko masek oktomvri.

Ko pervazia akale donaciake si em suporto angažiriba duj medicinsko personaloia Roma so ka oven angažirime ko jekh taro o ofisoa ko JZS Sastipaskoro kher Skopje Akaja donacia si inicirimi an o 2021 čhijbaja I signature  ko memorandum maškar o Govermenti , I Poliklinika Čair thaj I Avaja.

Prekal o Elvis Šakjiri ko butikeriba e duj Romane medicinsko personali ka ovel realizirime ko januari 2023 thaj odoolea te ovel phanlo I resarin so keren suporto I Avaja bašo lačharipa  e sastipaskere protective e Romenge taro Šuto Orizari.

E siganturaja taro memorandum thaj kontrakto ki donacia o Govermenti, thaj I poliklinika Čair phanena pe kaj palo duj berša o romano medicinsko personali te oven ko ničalo bukjarno sistemo.

Jeton Šakiri: Ko kontinuiteto džala pe anglal I edukacia ko terne Roma

– Keraja buti te kerel pe edukaciakoro institucie so ka konektirinen thaj akceptirinen sa e ćhaven, taro sa etnikumia ko diferentno edukaciakere zaruripa , a o kadar ka ovel lačhe hazrkerdo  thaj motivirime te sikavel e ternen so ka oven orientirime primal o sukcesi, bizi diferencia dali ka anen decizia te startujnen pire personalno biznisea jail ka keren buti ki nesavi aver organizacia, kompania , institucia, akava notiringja le o ministeri baši edukacia  o Jeton Šakiri kip li notacia ko dujto REDI (Roma Enterpreneurship Development Initiative) samit so si inicijativa taro trin naprofitno organizacie tari Utarali Makedonia , Romania thaj Srbia so keren bašo ekonomikano stabiliteti  thaj finansiko inkluzia e Romenge ko sasoitnipa.

Ov dophergja kaj o Roma resena sa pobuter niamia thaj edukaciakere šajdipa thaj olendar udžarela pe sukcesiale te integririnen še an o sasoitnipa thaj te oven kotor taro generacie so ka anen majlačho avutnipa akale themake

O romano kikbokseri Vaclav Sivak palem viktoriringja an i Praga

O Vaclav Sivak reslja piri 21 viktoria ki piri  profesionalno kariera akava kurko ko tradicionalno kik boks turniri “Heroes Gate” an I UNYP Arena an i Praga

Ko jekh ov ko  jekh našavgja em pire nerve. O anav taro o rivali ko ka ovel e Sivakoske nadžanel pe sine ko sasto vakti em trampinel pe sine nekobor droma em nadžanel sine kasaja ka boksirinel dži ko agor. Ko agor ov sine le meči prekal o niamia tari verzia К-1 mujal o Vladimir Langal, 10 berša phureder taro Vaclav ko turniri so organiziringja le o organizatori Oktagon.

An o 2019 o Sivak ulo lumiakoro šampioni ki Lumiakiri aasociacia ko kik box organizacia (WAKO) thaj ačhilo amatersko numero jekh an o globalno nivelo taro kik box.

Ko agor taro 2020 berš reslja thaj I titula ko nacionalno nivelo ki Čehia ko  klasično boksi. Ko noemvri 2021 o Sivak reslja dži ko but moldimpo internacionalno kustik thaj ulo lumiakoro šampioni ki WAKO Pro ki kategoria dži ko 65 kg thaj kana viktoriringja e Fuad Džebari ko poenia ko Liberec, Čehia.

 

 

Link: https://romea.cz/en/czech-republic/romani-kickboxer-wins-in-prague-again-but-loses-his-temper

Bitiči: Tamikeraja solidarno jekh a jekh sasoitnipa savorenge, so ka kerel sasti socialno inkluzia e Romenge

Legaripaja taro keriba zor so ikljvena taro Poznan deklaracia e themenge taro Paščimalo Balkani ki integracia e Romenge ko pervazia e Berlinsko procesoske ko buvljaripa taro EU , I Makedonia akava berš kergja thaj akceptiringja nevi Strategia ki inkluzia e Romenge 2022 – 2030 prekal dende akcepcie an o Strateško pervazi ko EU e Romenge vakergja o vice prezidenti ko Govermento bašo ekonomsko pučiba , koordinatori e ekonomsko sektoreske thaj investicie Fatmir Bitiči

Trujal akava an I Programa e Govermentoskiri 2020 – 2024 inkorporirime si diferentno punktoa ko suporto thaj inkluzia e Romenge , sar aktivno merke ko bukjarnipoa, pprogresi ki kanonikani regulative thaj formaliziriba an I buti.

Investicie ko buvljaripa e romane jekhinake si la lungoperiodeskoro benefiti , ki perspektiva taro lačharipa e spocialno koheziake thaj ekonomikano statusi e Romenge ko lungo periodično plano.

Ov dophergja kaj o Govermento kerel te tamikerel inkluzivno sasoitnippa thaj ka mukhel saste socialno inkluzia e Romenge an I Makedonia.

„Amen tergjovaja ko odova. Konkluzno si kaj isi politike saste em čačutne implementaciake ki Strategia e Romenge an I Republika Utarali Makedonia thaj opservacia sa e europakere propozalia so kerel inkluzia e Romenge an o sasoitnipa.

O govermentoskere antikrizno napia so sine sar antvorto e krizake sine dende baši protektiva e majteleperavde kategoriake dizutne . Taro starti e ekonomsko thaj energetsko krizake  o Govermenti dengja energično atnvorto resarinaja ni jekh ma te ovel bisterdoo.

Ko pervazia e napemge ko suporto e kpompanienge akana si ko plani buvljaripa e suportoske e kompanienge so istemalkeren garantirano šeme taro Garantno fondi e Razvojno bankake , prekal lokharipa e kriteriumia baši aplikacia.

Ko 2021 berš prekal I Razvojno banka sine suportime 17 romane biznisia . Ko jekh džala majodoriga o šajdipa e formalizaciake e bukjake prekal korkoributikeriba e grantoncatr kote so bajrakerel pe o numero e Romengoro so formirinen thaj registririnen piro personalno biznisi ko pervazia e Operativno planoske ko aktivno napia thaj dći akana paše 70 persone istemalkergje akava šajdipa” notiringja o Bitiči.

FaLang translation system by Faboba

Од 5 Ноември 2022 достапен документарниот филм на СП БТР „Небо, Точак, Земја„ на Max TV и Max TV GO со пребарување –Видеотека

Mangava te vakerav

6-to Romano Čhavorikanoo muzikakoro festivali 
„Čhavorikano Suno 2022“ – SP BTR

6-ти Ромски Детски музички фестивал
„Детски Сон 2022„ – СП БТР

6th Romani Children's Music Festival
"Children's Dream 2022" - SP BTR

Momentalno Online

       Isi 139 misafirija so dikhena o ROMATIMES.NEWS

o Vakti

 booked.net

Facebook

Majpopularno

Golden Wheel - Entry Application Form

Entry Application Form.docx

Flag Counter

Amaro brojači genjela taro 13.01.2019
Gejnela isto manuša tari koja phuv drabarena amaro portali
Majtele isi sa-ko-sa kozom dikhle o portali

Consola de depanare Joomla!

Sesiune

Informații profil

Utilizare memorie

Interogări bază de date