Socijala

Rikardo Quarezma: I pendžarutni ex fudbalsko čeren an I Portugalia thaj leskoro dikhiba bašo Romane niamia

Ko vakti kana I Portugalia viktoriringja ko Euro 2016 ov sine akteri ko sako meči. Dengja goli baši viktoria mujal I Croacia ko 1/8 finale thaj dengja o goli taro poenal mujal i Polsaka ko ¼ finale.

Ko 32 berša dengja suporto pire themake ki jekh bari titula em odova sine majlaćho momenti an I leskiri kariera.

Numa avrial da taro fudbalsko terenia oleskiri reputacia sine but bari. Odova nilaj ko 2016 berš avgo drom ki historia fudbaleri Rom tem angel le I sasti them. Kergja buteder o bukja te iranen pe ko šukare e Romenge.

„Đaj li jekh fudbaleri te čhivel agor ko rasizmo so si lungo 500 berša? Pučela pe jekh taro majbare portugaslko radio stasionia Renasenka.

Agjaar sine soo o  Quarezma sine  akceptirime pire romane darhiencar taro o tifozia anglal o funale mujal I Francia kote I nacionalno gazeta Diario de Noticias iklili statiaja koote kacentirinel kkaj “o amaro Rom pošukar taro olengoro Rom” Odova sine kerdi paralela e francusko fudbaleri so si le romane darhie o Andre Pjer Žinjak. Numa palo o turniri I hoš palem irangja pe.

“Fakti si kaj kerel amen garvasiale si isi Rom fudbaleri ko majučo niveloama sine em miksi taro emocie amenge so nane lokheste te ilustririna le” vakergja o Vitor Markes fundavutno thaj aktuelno vicepresidento e Portugalsko Romane Uniake.

 

Link: https://www.bbc.com/sport/football/62687226?fbclid=IwAR2LO1mTpQx4iAzDQYkULPezeVfBgrV8Z0k8yFt2a91BEfln_Hob_QIZtvY

An o Makedoonikano parlamenti mitingo tari Interpartsiko parlamentarno grupa an i tema: „O rizikoa so arakhel pe i Romani džuvli an i R.Utarali Makedonia“

Erati an o makedonikano khedipa ikergja pe bukjarno mitingo e Interpartisko parlamentarno grupaja ko suporto an o niamia e Romenge , olengiri inkluzia thaj integracia thaj o Komiteto baši korelacia naškar o jekhina an i tema:“ O rizikoa so arakehn pe o Romane džuvlja an i R.Utarali Makedonia“

Ki kerdi diskusia maškar o diskutantnoa so lele than ko akava dikhibe konkluzia si kaj i Romani džuvli si len but barikade thaj rizikoa  majbut ko kotora taro bikherutnipa, naniba personalno dokumentacia, sastipe, bukjarnipe. Fakti bašo skldiba si thaj i duplo diskriminacia  kote i Romani džuvli si konstantno akceptirime  upral i etnikani funda thaj upral jeriengiri funda.

Ko period so avela ka keren pe pobuter aktivitetoa so ka anent e lačharen pe o situacie kote so arakhel pe I Romani džubvli , tergjola an I informacia editirime an o FB taro o deputati Ljatifa Šikovska

Krisimo germansko penzioneri soske arakhel sine tenko ko podrumi!

Dena tumen godi ki okoja paramis angleder jekh berš bašo jekh germansko penzioneri kote o germansko legaripa arakhle tenko ko leskoro podrumi?

E akana odole paramisia si la em kriseskoro epilogo… O Germansko krisi angja decizia mujal 84 beršengoro penzioneri , bašo nalegalno šastra  soske ko oleskoro podrumi sine arakhlo čačutno arsenali , maškar sa em nacistikano tenko “Panter” thaj pištoli.

O Krisi ki diz Kil angja decizia kaj akava Germanci ka ovel globime šartiale globaja taro 14 masekoa thaj lovengiri globa taro 250.000 eura, vakerel I agencia DPA.

Trujal odova ando si dekreti te bikinel jali donirinel  oo tenko so si pharo 40 tonia thaj jekh pištoli e muzejeske jail kolekcionerenge ko avutne duj berša.

O krisimo Germanci anglal o Kriso vakerela sine kaj o tenko “Panter” kingja ole ki Anglia, vakeribaja  kaj si ov nafunkcionalno  tenko, numa primal oo germansko kanonia nalegalno sit e ovel manuše tenko , šastra  thaj municia so dikhel pe sar askereskoro instrument bizo validno sertifikati.

O lokalno legaripa ko utaralo germansko diz Hajkendorf arakhel akava nalegalno arsenali tari šastra kana kergje rodaripa ko podrumia taro kher akale 84 beršengoro penzioneri ko 2015 berš.

O rodaripa sine kerdo sar kotor tari majbuvlo rodaripaskoro akti ko biznisi e artifaktencar tari nacistikani era , a ki ekstra racia sine arakhlo em duj bronzano statue taro grasta so tergjona sine ko odova vakti anglal o ofiso taro Adolf Hitler.

 

Link: https://rominfomedia.rs/2021/08/02/offset-shares-a-video-of-cardi-b-giving-birth-to-baby-kulture-2/

KFC rodena jertisar baši reklama so tani notacia ko kerdo terori anavkerdo sar “Kristalno rakj”

E germaniakiri gazeta “Bild” hramosargja kaj o amerinaknsko netvorko restorantia taro fast food KFC akhargja pire klientela an I germansko čhib te notirinen I Kristalno rakj – akti so taro 9 dži ko 10 Novembroi 1938 berš so buvleste notirinena le sar dive taro starti e Holokaustooske , hajbaja lenegere pendćarutne haba tari khani thaj kirala. I kompania palo akava kergja jertisariba akale rekalamke , so buteder taro manuša dikhena la sar but bibahtali thaj bilačhi  anavkeribaja sar “feleri e sistemske”

Ki trintodi ko 9 Novembro p KFC bičhavgja mesaži ki germansko čhib dži kip li klientela ki aplikacia taro smart telefonia so tergjola sine akava teksti: “ Dive tari memoria tari Kristalnacht – len tumenge kovlo friš kiral thaj hajbaske khanjakoro mas, Akana ko KFCheese!“

Paše jekh saati palo odova  I kompania bičhavgja mesažo jertisaribaja. “ But siem bibahtale thaj mazumi  akana revidirinaja amare andrune procesoa , odolea so akava nane panda ni jekh drom te kera. Molisara tumen te jeritisaren akava amaroi feleri” tergjol sine ko mesažo.

O Kristallnacht si o kerdo baro terori tari nacistikani Germania  mujal o jaudie ki rakj ko 9 Novembri 1938 berš thaj dži ki javin ko 10 Novembro kote so sine tharde baroo numero sinagoge thaj čorde dukjania kote gazdia sine o jaudie . Sine mudarde paše 100 Jaudie.

O notiribe e diveske taro Kristalnach ki Germania akceptirinel pe but seriozni Ikeren pe buteder Komemoracie thaj diskusie akale diveseske  sar lipar ko mudaripa taro pobuter taro 6 milionia Jaudie , jekvaš milioni Roma  thaj avera taro o germansko nacistia.

 

Link: https://romea.cz/en/world/kfc-apologizes-for-advertisement-referencing-the-kristallnacht-pogrom

FaLang translation system by Faboba

Од 5 Ноември 2022 достапен документарниот филм на СП БТР „Небо, Точак, Земја„ на Max TV и Max TV GO со пребарување –Видеотека

Mangava te vakerav

6-to Romano Čhavorikanoo muzikakoro festivali 
„Čhavorikano Suno 2022“ – SP BTR

6-ти Ромски Детски музички фестивал
„Детски Сон 2022„ – СП БТР

6th Romani Children's Music Festival
"Children's Dream 2022" - SP BTR

Momentalno Online

       Isi 138 misafirija so dikhena o ROMATIMES.NEWS

o Vakti

 booked.net

Facebook

Majpopularno

Golden Wheel - Entry Application Form

Entry Application Form.docx

Flag Counter

Amaro brojači genjela taro 13.01.2019
Gejnela isto manuša tari koja phuv drabarena amaro portali
Majtele isi sa-ko-sa kozom dikhle o portali

Consola de depanare Joomla!

Sesiune

Informații profil

Utilizare memorie

Interogări bază de date