Ko Govermenti tari Utarali Makedonia ko 24 fevruari ikergja pe o 9-to mitingo ki inkluzia e Romenge an i Utarali Makedonia resarinaja te kerel pe pregled ki implementacia o operativno konkluzie taro mitingo an o 2019 berš thaj zojrakeriba operativno konkluzie ko avutne duj berša.

I organizacia akale mitingoske sine ki koorelacia tari i Delegacia e Europakere Komisiake , i Nacional kontakt point e Romengiri o MTPS thaj o Sekretariato Europsko pučibaske.

Ko kotor taro o diskusie em lafikeriba than lele i Ministerka taro MTPS i rajonsa Jovanka Trenčevska, o deputati Ljatifa Šikovska, O konsiliari e premiereske bapi inkluzia e Romenge o Elvis Memeti , o lider timeske ki inkluzia e Romenge 2020 o Orhan Useini thaj aver.

O deputati i Ljatifa Šikovska ko piro kotor notiringja piro dikhiba e situaciake e Romencar an i them kote ka šaj sar deputati te kerel aktiviteto baši inkluzia  ki integracia e Romenge.

Oj lipargja nekobor punktia kote so o Roma arakhena pe ki amari them. Oj akcentiringja em o problemi e personenge so nane len dokumentia identifikaciake em vakergja kaj o Parlamenti angja kanoni te šaj implementirinel pe akava probelmi numa em vakergja o implementiacia . Oj vakergja kaj majbaro problemi si o administrativno bariere.

Ko problemi o bikherutnipa vakergja kaj o Roma so nane len khera si muukhle korkoro peske em isi len posebno programe e thema te tretirinen pe asavke situacie,

Ko kotor tari edukacia i Šikovska akcentiringja kaj ko vakti tari pandemia e

COVID sien len problemia , bašo kvalitetno edukacia em sa pobuter mukhiba e školake.

Odoleske o institucie valjani seriozni te kerel faisalkeriba akale problemoske.

Sar baro problemi sine notirime em o bukjarnipa e Romenge, Oj akcentiringja kaj majbaro problemi si so isi diskriminacia thaj stereotipisa ko bukjarnipa e Romen ko javno em privatno sektori.

Ko tema čorolipa majastarde si o dćuvlja thaj o čhave so si ko droma em mangena devlenge. Ko agor potenciringja kaj valjani  i them te implementirinel pe em angja konkluzia sar romane representoa valjani te džanen em džovaplipa ko faisalkeriba akale problemenge e Romane jekhinake em te keren majbari inkluzia ko saositnipa.

O nakhlo kurko jekh taro importantno informacie so liparel sine i Romani jekhin sine o rezultatia taro Ministeriumi Kulturake ko Konkursi ko suportime proektoa bašo 2022 berš.

Sar ko nakhle berša akava da berš reflektirinhka pe o baro razmeri o tikno dendo budžeti e romane proektnege ki kultura. Bibahtake si kana džanela pe kaj taro 17 milionia eura budžeti e romane proektenge dende si salde 30.000 eura bašo 13 proektoa.

Bukavlno akale aktoa i Romani kultura „asatrgja o majteluno kotor“ Normalno sine kerde reakcie majbut taro organizacie em asociacie so apliciringje.

Dela pe akana jekh pučiba „kaj si o romane politikane lideria? Kana valjani hanbgia bašo alusariba em pozicie džana ko khera, avlina, droma em dena lafia majgudle. Kana ka ikeren piri misia e Romen bisterna.

Em agjaar palo o „politikani em ekonomikanei romani dćenaza akale pasivitetoa taro romano politikano bloko akana „parunena“ em i romani kultura, čhib em tradicia.

Našti i tikni romani kulturno četa te kerel kulturakiri renesansa dži kote nane la suporto taro romano politikano bloko.

Mangaja jali na valjani te džana kaj an i amari them dži kote nane tut politikano takati ka ačhove „total ignoririme“ savorendar Odoleske i Asociacia Romano demokratikano sojuzi RDS

Dela suporto thaj mesažo kana o romane kulturakere aktivistia ane decizia kaj ka keren revolti jali protesti o RDS ka tergjol palal olende ko sako momenti. Ko jekh motivirinen e romane politikane lideren ola da te den piro suporto. Te na kergje odova ola da ka oven barabutne o faktori kaj barabutne e  themaja keren te merel i romani kultura.

Odova sar translacia si kaj o romane lideria ka oven kotor tari ekipa so kergja „egzekucia“ em kulturakiri eliminacia e Romane jekhinake ki republika Utarali Makedonia.