Jurisdikcia e paldime Romenge taro Kosovo
I Koalicia bašo Romane niamia ko Kosovo (KRRC) si buvli koalicia taro romane našutne organizacie ko buteder europakere thema. O KRRC angažiringja duj amerikansko advokatia bašo manušikane niamia te počminen I porocedura e kosovakere govermentoa. Taro Govermenti si rodime te resel datumi baši diskusia ko Brisel dži ko maškar e masekoske april. Fitbeko taro diskusie ka oven: Milja romane khera sine tharde em čorde, o Roma sine dislocirime sebepi palo konfliktno etnikano užariba ko Kosovo.
Premal o grupe ko egzili , 90% taro Roma so sine paldime taro Kosovo ko 1999 berš sine telal i daravin tari šastra. O etnikano ućariba e Romengoro konektirinela sine em tortura, seksualno terori, mudariba thaj masovno čoriba em zijankeriba kote o internacionalno askeria sa odova dikhen sine em na kergje nisave reakcie. Dći ko masek mart 2000 berš sine zijankerde paše 15.000 romane khera . Palo paldiba paše 150.000 Roma taro Kosovo o aver khera em phuv so ačhile sine okupirime taro o albancoa ko Kosovo.
Avdive o paldime Roma thaj olengere čhave dživdinena ki Europa em palem arakhen pe pharipaja. Kotor olendar isi šanse em te oven palem deportirime. O mangina terodel pe i jurusdikcia ko nakhlo periodi propele. Faktea kaj o nevo govermento ko Kosovo kamel te ovel membro ki Europakiri Unia
Thaj nekobor ex albansko političaria arakhen pe šansaja te oven krisime an o Hag , o faisali e Romencar akana si majpakjavutno, vakerena taro KRRC.
Link: https://romaworld.rs/9701-2/?fbclid=IwAR3eaJNuBEyiPAwrsAih4ka9yGc8PEc2I2plgLdB0HfD6WlIuQQFEo4OTAI