Socijala

Editirimo si o lil baši Romengiri jazia taro Tešanj taro Amir Brka

I asocijacia baši modern historia thaj o Cntro kulturake thaj edukacia ko Tešanj editiringja o lil “Kenotaf e mudarde Romenge taro Tešanj” taro autori Amir Brka.

O autori ilustriringja o drom so nakhavgja le o Roma tari India dži ki Bosna em I diz tešanj em bare samaja ilustriringja olemgiri jazia ko maripa. Ov sikavgja e Romen sar viktimia em o manipulacire palo maribaem sikavgja o miti kaj e Romen sšasingje olen. Akava lil si fakti em dokaz kobor si importantno te kerel pe rodaripa ko jekh mikrothan, bizo angleder te anen pe desave konkluzie. O Amir Brka detalno kergja rodaripa I eliminacia taro Roma ko Tešanj ko Dusto lumiakoro mariba , sikavel e čačutne došakjerden em I romani kultura em o lil dela but pobuter tari klasično historiahramosarela I historičarka Husnija Kamberovič.

 

Link: https://www.portal-udar.net/najavljena-knjiga-o-sudbini-roma-u-tesnju-autora-amira-brke/

Rada Modić peravgja o predrasude thaj reslja sukcesi ko “muršano sumnal”

I Rada Modič si la 26 berša si jekh taro raritetno džuvlja so mangena o fudbali , em akale sportoa aktivno si taro pire 15 berša. Sine em fudbalerka,  fudbalsko arbitri, momentalno si delegate ki Premier liga, em pakjala kaj ko sif vakti ka ovel em treneri titulaja UEFA.

Lelja than ko turniria muršencar ko fundavutne škole, nadžanlipaja kaj ka ovel lake I akanutno profesia. Kana počmingja ki gimnazia ki Banja Luka, bašo avgo drom sine la šajdipa te khelel fudabli ko džuvljano klubi “Borac”

I Rada si jekh taro inicijatoria so formiringja pe o džuvljano fudbalsko klubi em sekcia ko Prnjavor, so si aktivno taro persi berš em sine la paše 29 džuvlja so peraven o predrasude kaj o fudbali si “muršengoro sport” em kerel zori e dćuvlenge ko sport. Em sar avutno treneri taro UEFA ola si la špropozalo kaj o džuvlja so si len asavke afinitetia te oven uporno te šaj resen dži ki pli mangin.

Trujal o fudbali so si olakiri majbari mangin  I Rada si daj tari štarberšđengiri Marija em si prekal I profesia veterinarno tehničari so niksansa na kergja odoja buti. Trujal o fudbali ko piro tromalo vakti del ark ape rome e Dejane te arakhen e bakhren. Mangava jekh dive em miro čhavo te ovel desavo sportisti” vakerela I Rada.

 

Link: https://www.portal-udar.net/rada-modic-srusila-predrasude-i-uspjela-u-muskom-svijetu/

O Roma tari Ukraina so si imigrantia vakeren kaj si dikriminirime ko droma kana džana ko majtromale thana

Milja Roma tari I Ukraina arakhen pe ko nadžanle avutnipaja ki šerutni diz ki Moldavia Kišinjev soske pobuter lender si bizo dokumentoa.

I Kristina (41) si jekh olendar, Oj nađavgja sa so sine la kana I Rusia bombardiringje olakoro kher ko purabalo kotor tari Ukraina ki diz Harkov.

 „O Harkov si ramno akana sar mo vast. O khera e manušengere ko centro dizjake si pervade em tharde em nane akana khanči” vakerela oj baši Al Džezira.

Sebepi o bombe so peravgje olakoro kher so sine ola sa so šaj kergja sit e lel pe čhaven em te našel. Akana si ko maškar drom, bizo dokumentoa em nadžanel so ka kerel akana oj.

„Kana ka perel bomba upral tumaro kher em šunen o tenko sar phajrarel so ka len tumencar majanglal, e dokumentia jali e čhaven” pučela oj.

I Kristina chidingja srumo taro Harkov dži ko Lviv, a palo odova dži ki simantra e Moldavijaja. Ama odoriga, vakerel oj nakhlja 4 dive avrial ko šudro udžaribaja te khuvel ki Moldavia , bizo hajbe em pani.

Kana arakhlja than kaj te khuvel em te bešel oj em o avera Roma sine paldime taro olengere šatoria taro ukrainsko simantrakere bukjarne. I Kristina si salde jekh taro 400.000 ukrainsko Roma so trujal e maribaskere trauma ola si em diskriminirime  ko vakti tari evakuacia avrial tari Ukraina.

 

Link: https://www.aljazeera.com/news/2022/3/7/ukraines-roma-refugees-recount-discrimination-on-route-to-safety

Ki Makedonia jekh 4 dženengiri familia te nakhavel o masek valjani leske paše 600 eura jali duj prosek plate taro po 300 eura

I minimalno sindikalno korpa bašo masek fevruari sine 36.146 denaria (500 eura) em si majuči bašo 335  denaria jail 5 eura ki paralela e masekoa januari 2022. Olatar  hajbaske em pijnaske džana sine  15.440,48 denaria – 250 eura jali 42,72 procentoa, a kherutnipaske  11.511,6 denaria – 190 eura , jali 31,85 procentoa.

Baši higiena ko 4 dženengiri familia bašo masek fevruari prekal I sindikalno korpa trubul sine  2.453,63 denaria – 60 eura jali 6,79 procentoa, bašo transporti 2.766,32, denaria  - 65 eura 7,65 procentia, bašo šea thaj kundre 2.156,61 denaria – 30 eura jali 5,97 procentia. Baši kultura I familia valjani sine te hulavel 1.067,86 denaria – 15 eura jali 2,95 procentoa, sastipaske trubul sine 749,07 denaria – 12 eura jali 2,07 procentoa taro sumarum love tari minimalno sindikalno korpa.

FaLang translation system by Faboba

Од 5 Ноември 2022 достапен документарниот филм на СП БТР „Небо, Точак, Земја„ на Max TV и Max TV GO со пребарување –Видеотека

Mangava te vakerav

6-to Romano Čhavorikanoo muzikakoro festivali 
„Čhavorikano Suno 2022“ – SP BTR

6-ти Ромски Детски музички фестивал
„Детски Сон 2022„ – СП БТР

6th Romani Children's Music Festival
"Children's Dream 2022" - SP BTR

Momentalno Online

       Isi 225 misafirija so dikhena o ROMATIMES.NEWS

o Vakti

 booked.net

Facebook

Majpopularno

Golden Wheel - Entry Application Form

Entry Application Form.docx

Flag Counter

Amaro brojači genjela taro 13.01.2019
Gejnela isto manuša tari koja phuv drabarena amaro portali
Majtele isi sa-ko-sa kozom dikhle o portali

Consola de depanare Joomla!

Sesiune

Informații profil

Utilizare memorie

Interogări bază de date