O duj bare phuvjakere tinaniba ko peridoi taro nekobor saatia ko palokurko ko javinakere saatia , peravgja dizja em mahale ko kotora tari Turkia em Siria, em ule jekh taro majbare katastrofe ko akava šelberšipe, kote o numero taro mule nakhavgja 20.000 manuša.

Ko artiklo ka dikha kotor taro majbare naturakere katastrofe ko XXI veko:

Cunami ko Indiakoro Okeano

Phuvjakoro tinaniba zoralipaja taro 9,15 digria prekal Rihter an o pašipa e džazireske Sumatra ko 26 decembroi 2004 berš kergja cunami so astargja e Indonezia, Tajland, Šri Lanka, thaj avera thana ano regioni , mudaripaja majhari 230.000 manuša, a 43.000 našavde em zijankeribaja but gava em turistikane thana.

Phuvjakoro tinaniba an o Haiti ko 2010 berš

Phuvjakoro tinaniba zoralipaja taro 7 digria ko 13 јanuari 2010 berš peravghja e šerutne dizja taro Haiti, Port o Prens em mudargja paše 316.000 manuša. O Unime nacie notiringje kaj paše 80.000 zgrade ko Port o Prens sine saste pervade.

Cikloni ko Mjanmar

O Cikloni Nargis so nakhavgja I delta taro Iravadi empurabalo kotor taro Jangon, eks šerutni diz ko Mjanmar rakjate ko 2 Maj 2008 berš kote sine bavlala so sine zorale em 240 km/h. Mule paše 140.000 manuša, a 2,4 milioonia sine seriozno astarde taro akava cikloni.

Phuvjakoro tinaniba an I Kina

Phuvjakoro tinaniba zoralipaja taro 7,8 digrisa astarghja e kinesko provincial Sečuan ko 12 maj 2008 berš kote so mule paše  87.600 manuša.

Phuvjakoro tinaniba an Pakistan

Phuvjakoro tinaniba zoralipaja taro 7,6 digria prekal Rihter epicentra ko Islamabad ko 8 oktobro 2005 berp mule majhari 73.000 manupa. E phuvjakoro tinaniba astargja em e indiakoro regioni taro Kašmir kote mule 1.244 manuša.

Phuvjakoro tinaniba an o Iran

Phuvjakoro tinaniba zoralipaja taro 6,6 digria prekal o Rihter astargja I iransko provincial Kerman ko 26 decembroi 2003 berš kote sine peravdi I diz Bam a mule 31.000  manuša.

Phuvjakoro tinaniba/cunami an I Japonia

Phuvjakoro tinaniba zoralipaja taro 9 digria thaj cunami astargje o utarpurabalo kotor tari Japonia ko 11 mart 2011 berš kote mule paše 15.690 manuša. E phuvjakoro tinaniba kergja em phari nuklearno katasrofa an I lumia palo o Černobil ko 1986 berš.

Phuvjakoro tinaniba an I India

Phuvjakoro tinaniba zoralipaja taro 7,9 digira prekal Rihter ko indistrusko centro an I India Gudžarat ko 26 januari 2001 berš kote mule majhari 14.000 manuša a pobuter taro 150.000 ratvarde.

Phuvjakoro tinaniba an o Nepal

Phuvjakoro tinaniba zoralipaja taro 7,8 digria aso Rihter so sine ko Nepal ko 25 aprili 2015 berš kote mule paše 9.000  manuša.

Phuvjakoro tinaniba/cunami an Indonezia

Phuvjakoro tinaniba zoralipaja taro 7,5 digria prekal Rihter asatargja o indeoneziakoro džazirie Sulavesi ko 28 septembro 2018 so kergja em cunami tari 1,5 metro. Pobuter taro 4.300 manuša mule.

Phuvjakoro tinanina an o Haiti ko 2021 berš

Phuvjakoro tinaniba zoralipaja taro 7,2 digria prekal Rihter astargja kotora taro Haiti ko 14 avgust 2021 berš, kote mule pobuter taro 2.200 manuša, a sine pervade em zijankerde paše 13.000 khera.

Uragani Katrina

O uragani Katrina so khuvgja ko Nju Orleans ko 29 avgust 2005 peravibaja em o duvaria mujal bare panja kote čhivgja paše e dizja ko 4,57 m3 pani. Mule paše 1.800 manuša. Majbut taro viktimia sine tari them Lujzijana , ama em o Misisipi da sine astardo.

Link: https://kajgana.com/zemjotresot-vo-turcija-i-sirija-e-sedmata-najgolema-katastrofa-vo-ovoj-vek

O baro phuvjakoro tinaniba so astargja o dakšimpaščimalo kotor tari Turkia ko pašipa e simantraja e Siriaja, kote so isi upreder 20.000 mule ko vakti kana  sovena sine, a but si em ratvarde telal o ruševine, O govermenti notiringja alarmi taro 4 nivelo a odova si kaj roden internacionalno suporto. Majperavde dizja si Hataj, Gaziantep, Kahramanmaraš, Šanliurfa thaj Adana- O Romane jekhina si jekh taro majteleperavde jekhina an o akala regionia. Pobuter taro khera si pervade, jail zijankerde. O biršim, iv em o šudro keren I situacia panda pharsete. Našti te resel pe ko nesave mahale. O manuša darana em taro afteršokia palo e phuvjakoro tinaniba. Odoleske o Roma keren naformalno buti, em olengiri egzinstecia si panda pobari akana, Majbut e Romenge akana so trubul si hajbe, te bešen ko učardo em te ovel olen takjariba. Ko rakjakere saatia I temperature avela em dži ko -4 thaj -7 celziusia, em but si phareste dživdipaske. O govermenti em o NGO organizirinena pe numa e Romenge na del pe odokhare baro prioriteti em akana o ERGO Network Sıfır Ayrımcılık Derneği – Nulta diskriminacia kerel zori te organizirinel ko desave romane mahale humanitarno akcie.žNotirinen pe akate so majbut trubul e momentalno situaciake e Romencar em olengere familie. Odoleske rodel pe suporto te del pe e Romenge  tari Purabali Turkia e, ,ajurgentno trubul:

1. Hajbe, pijbe em tate pijbaskere artiklia
2. Šatoria
3. šporetia
4. Kjebia
5. Jevendaskere šeja (čizme, jakne, rukavice, stadiika em čorape)
6. Vrekje sojbaskje (barenge em čhavenge)
7. Džemperia
8. tate šeja čhavenge em bebenge
9. Higiena džuvlenge
10. Telefonsko kartice
11. Pherne

O suporto so ka kedel pe baši akaja katastrofa so ka kheden em ka koordinirinen o ERGO em olakere membria . te bičhaven pe direktno ki Asociacia baši nulta diskriminacia

Link: https://chuffed.org/project/wz5boxjv6lmp?fbclid=IwAR2ucGMC5fp42KCuNt3vaywiSq0r-FkKVf7iVzvt81QiSy_kjJtgEZ3Pors