Socijala

Ki Germania jekhe diveseske inficiringje pe 6.000 taro koronavirusi

O numero taro inficirime tari koronavirusi ki Germania akana si 42.228 persone, so si bašo 5.780 pobuter numa taro šatrtodi. Taro virusi akana si mule 253 persone vakergje taro instituto “Robert Koch”

 

O germansko parlamenti em o Bundestago aklamaciaja dengje dekreto taro govermenteskere paketi te amortizirinen o ekonomsko situacia tari pandemia e koronaviruseske učipaja taro 750 milijarde eura. Odolea agorkerde I urgentno parlamentarno procedura te hanginel pea kava paketi . Akava paketi o Bundestago hangingja le ko trintodi.

 

Akala merke konektirinen em kreditno garancie suportoske e ekonomiake, direct finansisko suporto e mikro em maškarutne kompanie em ko sastipaskoro sistemo.

O Generalno sekretaro taro UN: I pandemia si daravin saste manušipaske

I pandemia taro koronavirusi si daravin saste manušipaske, anglohavljardo o generlano sekretaro taro UN o Antonio Gutereš, havljargja o Franc press informaciaja kaj ki lumia isi paše 500.000 inficirime.

 

O sasto manušipa trubul te del antvorto. I akcia si solidariteto ko globalno nivel” vakergja o Gutereš.

 

Ov prezentiringja “lumiakoro humanitarno plano” suportoa e majčorole themenge.

“I resarin akale planoske sit e mara amen mujal akava virusi ko majčorole themaki lumia, em te da antvorto so trubul e majteleperavdenge, majanglal o džuvlja em o čhave em o phureder persone, o persone invalidatoa em o hronično nasvale” bičhavgja mesažo o generalno skeretaro taro UN ko video mesažo.

 

O numero taro dijagnosticirime aktia si salde kotor taro realno numero taro inficirime soske ko majbaro numero taro thema testirinen pe salde o phareder nasvale.

 

Anglutne o Lumiakiri banka em o Internacionalno monetarno fondi (MMF) ki barabutni vaktavin akhargje e themen kreditoria te keren majlokhste forme sar te pukjinen o borčia e majčorole themenge so keren maripa e phare konsekvencencar tari pandemia taro koronavirusi.

 

Kerel pe lafi e membronge ko Internacionalno buvljaripaskiri asociacia (IDA) kote so dživdinen 25% tari lumiakiri populacia em 66 % taro majčorole manuša ki lumia, a olende I epidemia majbuteder ka astarel olen.

 

Video mesažo:

Francia: Ki diz Perpinjan tari koronavirusi mule 4 Roma, a o aver si ki kritično situacia

E franciakere mediumia havljargje kaj I koronavirusi buvljol em maškar o Roma ki diz Perpinjen, diz ki south Francia.

 

Persi kurko štar Roma mule taro virusi a panda 10 džene si ki intenzivno so nekobor si ki inducirimi koma.

“Akava si daravipaske , Daraja” vakergja o Nik Gimenez, represent tari romani jekhin ko Perpinjon bašo francusko mediumia.

 

Jekh taro mule si 24 beršengiri džuvli so sine nasvali tari asma em sine thuli, a I aver persona si 45 beršengoro murš  so sine astamtičari. O trinto sine phuro taro 75 berša.

 

Barabutne 6 persone mule ki diz Perpinjan jekh taro majbare romane jekhina ki Francia a olakere membria prepereaki majbari rizik grupa taro virusi soske buteder olendar si nasvale taro dijabetis. I situacia ki akaja diz si komplicirime em o numero taro inficirime rapidno bajrola.

 

I romani jekhin ko Perpinjon si jekh taro majbare ki Francia em olakere membria preperen ki rizik grupa taro virusi. O govermento dengja apel ma te ikljon but taro khera.

 

Numa e but si pharo te bešen phanle soske buteder olendar dživdinen ko khera taro 15 m2 kote isi grupe taro 4 dži ko 6 džene.

 

Link: http://www.portal-udar.net/francuska-cetiri-roma-umrla-od-koronavirusa-ostali-su-u-kriticnom-stanju/

O IRU represento baši Amerika o Šon D. Viskarson bičhavde si Rezolucia dži ko US Senati te oficijalizirinel pe o Darhinalipa e Amerikansko Romenge

O IRU membro thaj ko jekh represento taro IRU baši USA o Šon D. Viskarson dengja informacia aso dendi Resolucia panda ko April 2019 berš taro USA Senato aso notacia darhinalipa e Romengoro ki USA.

 

Ko odova akti reslja informacia kaj odova si ando dekreto ko 116 Kongreso taro USA (USA Senato – em USA Kongresi) kote ka ovel presentirime i rezolucia suportoa taro upreder 50% plus 1 i Rezolucija 292: thaj I Notacia taro darhinalipa e Amerikansko Romenge em I Rezolucia taro Senati 141. S.Res 141 so ka rodel akava suporto.

 

Sebepi i situacia e COVID – 19 , akava mitingo so akana si prolongirime em ka ovel validno ki realizacia akale rodaripaske ko akava 2020 berš.

 

I Rezolucia so ka anel o Senati ko USA si akala:

 

  • Memira ko genocid e Romenge tari nacistikani germania em olakere partneria tari „Oska“em notacia taro 75 berša taro peravipa e“ Kampo e Romane familenge“ kote o Roma sine legarde ko Aušvic.;
  • Te phravel pe memorijalno muzei bašo Holokaust ki USA em i rolja tari promocia ki Memoria taro Holokasuti em edukacia bašo Romano genocid;
  • Athinalipa em suporto ko Internacionalno Romano dive sar šajdipa te respektirinel pe i Romani kultura, historia em darhinalipa ki USA em o majbaro globalno kotor tari Romani diaspora; thaj
  • Te len than o Stejt Departmeni ko ceremonie kana kerel pe o Internacionalno Romano dive em majbaro angažmano taro USA Govermento

 

O informacie šaj te dikhen olen ko akava linko: https://www.congress.gov/bill/116th-congress/senate-resolution/141/related-bills

FaLang translation system by Faboba

Mangava te vakerav

Momentalno Online

       Isi 362 misafirija so dikhena o ROMATIMES.NEWS

Golden Wheel - Entry Application Form

o Vakti

 booked.net

Majpopularno

Flag Counter

Amaro brojači genjela taro 13.01.2019
Gejnela isto manuša tari koja phuv drabarena amaro portali
Majtele isi sa-ko-sa kozom dikhle o portali