Socijala

O representoa taro o Netvorko ko sistemsko em savakteskere faisalia sine ko Presidento e themakoro Stevo Pendarovski

Sebepi 8 April Internacionalno dive e Romengoro thaj 50 berša Jubileo tari Internacionalno Romani Unia - IRU thaj o Avgo Romano Kongresi ko London 1971 berš , delegacia taro Netvorko ko sistemsko em savakteskere faisalia ki integrcia e Romenge ki Republika utarali Makedonia sine ko dikhibe e Presidentea tari i them o Stevo Pendarovski . O Netvorko sine representirime taro Zoran Dimov Presidenti ko IRU thaj i Ljatifa Šikovska sar deputato.

Ko dikhiba e Presidentoa Stevo Pendarovski tari rig e Netvorkoske sine leske dendo Palketa vash lendo angažmano e Romane jekhinake em Povelba sebepi akale diveseske.

O presidenti Stevo Pendarovski sebepi o 8 April  -- Internacionalno Dive e Romengoro  bičhavgja bahtarina sa e preperutnenge tari i Romani jekhin.

Ov maškar o aver potenciringj kaj targeti si te istemalkera solidarno thaj jekh a jekh tromalo sasoitnipa si ka kerel pe respekti ko diferencie e manupikane digniteteske.

Sebepi 8-to April - Internacionalno dive e Romengoro, o Zegin doniringja 4.000 čhavrikane viziria ko duj fundavutne škole em o čhavorikano garteni ko komuna Šuto Orizari

Sebepi 8-to April - Internacionalno dive e Romengoro, ogazda tari far,acevtsko kompanija o rajo Blagoja Mehandžiski dengja donacia tarp 4.000 čhavporikane viziria bašo sastipa e čhavengoro ko fundavutne škole “Phralja Ramiz thaj Hamid” thaj “26 Juli”  em e ćhavenge taro garteni “8-to April” ki komuna Šuto Orizari.

I donacia akceptiringje ole o direktoria taro o škole em o garteni a than lelje em representoa tari komuna thaj o inicijatori akale akciake o rajo Zoram Dimov - Presidento ki Internacionalno Romani Unia - IRU thaj ko jekh koordinatori e Netvorkoske ko savakteskere sistemsko faisalia. Sar so notiringja o represento taro Zegin o rajo Blagoja Mehandžiski  ov majodoriga ka del suporto odothe kote so trubul majbut pativaja kaj ka šaj majsig te elimirina i pandemia.

Sebepi 8 April. O metvorko taro sistemsko em savakteskere faisalia ko dikhiba e themakere učipaja

Sebepi 8 April ko avipa e notiribaske o Jubilei 50 berša taro Jekhto Romano Kongresi em strati e aktivietetea tari Internacionalno Romani Unia - IRU o Netvorko tarp saste em savakteskere faisalia vash Integracia e Romane Jekhinake kote si 12 romane NGO organizacie tari Makednia keren nekobordiveskere aktivitetoa.

O aktivitetoa startujnen ko 7 aprili kana ka ovel len dikhiba e Premierea Zoran Zaev ko oleskoro kabineto kote o netvorko ka ovel representirime prekal o deputati i Ljatifa  Šikovska em o koordinatori Zoram Dimov kote trujal o dikhiba ka ovel leske dende em i Plaketa bašo kerdo aktiviteto e Romane jekhinake.

Palo odova o ki sala e konferencienge ko Govermento ka ikerel pe konferencia temaja: “ Baripa, pakjiv, digniteto em zor ko resiba o targeti Strateško notacie e Romenge ki Republika Utarali Makedonia”. Ki oodoja konferencia ka len than Ko 8 aprilo o representoa taro o Netvorko bašo sistemsko faisalia ka ovel len dikhiba e Presidento taro Parlamentoi p Talat Džaferi thaj e Presidentoa tari them o Stevo Pendarosi kote ko jekh ka ovel lenge dendo em  Plaketa bašo kerdo aktiviteto e Romane jekhinake

Ko vakti e notaciake o dive ka oven dende em aver plakere nekobor diplomatsko institucienge an i them sar so so i ambasade tari Germania, Švajcaria, USA, Francia, Bari britania, Slovakia, i Delegacia tari EU ko Skopje, i Ambasada tari Norvegia ko Beograd , MCMAm FOOM, UNDP, UNICEF em e rajoske Samet Skenderi taro InSoK Skopje, Asan Ferat, Salija Bekir Halim tari Inicijativa e džuvlenge tari Š.Orizari em posthumno o Amdi Bajram thaj o Dr Trajko Petrovski

E Slovakiakoro rodaripa vash policijakoro brutaliteto uprl o Romane čhave ki romani mahala so sine ko vakti taro karantini persi berš panda kerel pe o rodaripa

Paše jekh berš kana si vazdimo kriseskoro akti bašo o atako tari policia upral o romane čhave ki romani mahala ko Krompači, Slovakia ko aprilo 2020 berš, panda nane ando decizia akale pučibvaske. “ O rodaripa akale akteske si panda ko thavdipa. O Inspektori taro Ofiso e Inspekciake kerel akaja aktiviteto em implemenhtirinela kriseskoro dživaplipa  vash kerdo došperavibaskoro akri bašo istemalkeriba i pozicia ki buti, vakerela i Petra Friez taro ofiso e policiakoro ki Republika Slovakia. Prekal i Frize, o inspektori ko momenti lela sa o proceduralno akria so valajni te sikaven sa o faktia aso o Kanobnia ko Kriso. Faktea kaj kerel pe lafik tukne čhavenge  o inspektori ka trubul te ovel le kooridnacia em lafikeriba na salde lengere jeriencar numa em čhavorikane  psihologia. Kriseskoro akti akale aktoske vash o maripa e romane čhavenge dengja la e slovakiakoro eurodeputato o Petar Polak thaj o guvernantno eslovakiakere govermentoske minjoritetengere bukenge Andrea Buškova, so o duj da džene si preperutne tari Romani jekhin

E  slovakiakoro prepresidento i Zuzana Šaputova ko jekh  rodingja taro prediento e policiakoro Milan Lužanski te kerel fundamentalno rodaripa akale incidenteske.

 

Link: http://www.romea.cz/en/news/world/slovak-investigation-into-police-beating-of-romani-children-in-quarantined-settlement-last-year-still-ongoing

FaLang translation system by Faboba

Од 5 Ноември 2022 достапен документарниот филм на СП БТР „Небо, Точак, Земја„ на Max TV и Max TV GO со пребарување –Видеотека

Mangava te vakerav

6-to Romano Čhavorikanoo muzikakoro festivali 
„Čhavorikano Suno 2022“ – SP BTR

6-ти Ромски Детски музички фестивал
„Детски Сон 2022„ – СП БТР

6th Romani Children's Music Festival
"Children's Dream 2022" - SP BTR

Momentalno Online

       Isi 194 misafirija so dikhena o ROMATIMES.NEWS

o Vakti

 booked.net

Facebook

Majpopularno

Golden Wheel - Entry Application Form

Entry Application Form.docx

Flag Counter

Amaro brojači genjela taro 13.01.2019
Gejnela isto manuša tari koja phuv drabarena amaro portali
Majtele isi sa-ko-sa kozom dikhle o portali

Consola de depanare Joomla!

Sesiune

Informații profil

Utilizare memorie

Interogări bază de date