O Roma taro Šuto Orizari pakjana kaj o somnakaeskoro mačho ka faisalkerel o problemi e personalno - matično doktorea
Bajrola i bibahtali situacia maškar o Roma taro Šuto Orizari . Ko momenti ko jekh matino doktori ki poliklinika tari akaja komuna si 3,000 pacientia so sasljaren pe. Akava si problemi kerel panda majphare i situacia ko sastipe akana ko peroodi taro Covid 19.
O Roma te inficirinen pe Covidea ka našti te keren em termini bašo testiriba.
Odoleske i inicijativa ki inklutia e jekhinake taro Skopje simbolikane dengja jekh plaketa sar ola so vakeren “majbilačhi ambulanta ki diz”
Taro Govermenti ko pres vakeren kaj džiolende panda na reslja oficialno rodaripa tari Inicijariva akale problemoske ama vakeren kaj o Ministeriumi sastipaske našti te notirinel personalno - matično doktori .
“Isi kanonikane aktia sar šaj neko te putrel sastipaskiri organizacia sar personalno -matično doktori. Ola si aso o Kanoni e sastipaskere protektivke em teloaktia sar so si: Kontribucia bašo thanm instrumentia, kvalifikacie em starti te šaj kerel profesionalno sastipaskoro buti ki jekh sastipaskiri institucija. Kana ka agorkeren sa o aktia o Ministeriumi sastipaske deka i sertifikato te šaj kerel pi biuti” vakeren taro Govermenti.
„Amaro apeli dži savorende si kaj ko thavdipa e pandemiake na tromal te mukhen pe o dizutne bizi sastipaskiri protektiva em personalno - matično doktori” vakerena ola.
Akava vela dži kote 250 doktoria pali interno medicina , kote si salde jekh Rom si registririme ki Agencia bukjakem aso o informacie so isi e inicijativa.
„But kerel problemi o ignorantsko koncepti taro institucie en o Ministeriumi sastipaske anglal sa. Našti vakerel pe kaj editirinen pe konkursia bašo koncesioneroa em na kerel pe khanči, kana džanaja kaj akate dživdinel o imajmarginalizirimi nacia so si telal socijalno riziko em trubul olenge primarno sastipaskiri protektiva” nadopherel i Salija Baekir Halim tari Inicijativa džuvlengiri taro Šuto Orizari.
