E čehiakoro hospitali na manglja te kerel medicinsko kontrola e terne Romeske - sa dži kote o doktoria avile te dikhen le, ov mulo!
E čehiakiri policia kerel rodaripa bašo meripa jekhe 23 beršengoro Rom , Viktor M ko hospitalo ko Čomutov. Premal i familia e terne manušeske, ni o hospitali urgentno protektivake, ni i klinika interno medicinake majanglal na lele le sar pacienti.
Kana taro sako ofiso ko hospitalo sine iramo o Viktor.M. em notirime kaj trubul te džal ki aver klinika, i klinika baši interno medicina astargja te kerel i opservacia upral leste palo so ov mulo. Premal o phral taro Viktor.M o Lukaš.Mnekobor medicinsko personalia vakergje e Viktoreske kaj kerel pe kaj si nasvalo em kaj hohavela e simptomencar. I familia insistirinel tari policia tre kerel rodaripa akale aktrskeO Viktor M. ko palo kurko ko 15 mart astargja le dukha ko breha em astariba ko jekh taro vasta. "Akhargjem ko Urgentno centro. Ola vakergje te anale ki Klinika Interno medicinake. Ola vakergje kaj si terno em nane te merel” vakergja o Lukaš.M.e tabloideske Black. O Viktor reslja ko hospitali paše ko 17:30 časo ama o urgentno centro na sine puterdo sa dži ko 18:00 o časo. Ko jekh ni i klinika ko interno ofiso na manglja te kontrolirinel ole.
Palo odova sine akhardi i Urgentno medicinsko klinika em ola palem vakergje kaj nane te len e Viktor M sar paciento. I Lenka Ferencova paše familia taro Vikotr.M so sine olea ko hospitalo barabar aver familiaja vakergja baši čehiakiri televizia. O Viktor M sine prandime em sine le trunberšengiri čhaj. Kerel sine buti sar taksisti. Oleskoro dart mulo ko agor taro masek fevruari taro Covid 19.