Ko 12 mart paše ko 17 o časo edta romane čhave sine ratvarde ko vakti tari kerdi eksplozia sebepi elektrika ko drom Galipole ki romani mahala Čukaricva . Olendar šatr si seriozno ratvarde em tharde so si riziko prekal o dživdipa vakeren tari Universitetsko čhavorikani klinika ko Beograd.

Aso o avgo informacie o čhave khelen peske sine ko gunoja paše o elektrikane kabloa em premal o lafia taro manuša so dikhle ulo agjaar anavkerdo elektrikano lako.

Palo incidenti ko than tari bibaht avile dizjakere reprezentoa em resprezentoa taro romano NGO sektori.

O NGO sektori reagiringja notaciaja kaj i them s but pasivno akale lungoberšengere prblemenge ko romane mahale em asavko incidenti nane avgo drom

Ola liparen ko indolentno koorelacia taru them em o pobuter bibahta ko berša napalal.

• 2020 berp bari jag ko romano kher ko
• 18.1.2020. bari jag ko duj khera ko romane familie ko Bujanovac
• 2008 berš bari jag ko romano kher ki Bežania ko Beograd.
• 2016 bari jag so dži ki funda thabile 6 romane barake ki romani mahala ko drom Milorad Jovanović.
• 5 romane familie ačhile bizo kher ki bari jag ki mahala “Mali Leskovac” ko Mirijevo.

Dai o dživdipa e Romengoro ki Srbia ka ovel nekana trimale em lačhe? Dži kana agjaar?

Link: https://www.danas.rs/drustvo/sestoro-dece-i-jedna-odrasla-osoba-tesko-povredjeni-u-eksploziji-na-cukarici/

Premal naoficialno informacie kote so ko akava momenti si pendžarde ki mahala Prutače, ko pašipa e Brčkoske  ko 11 marti rakjakoro alo dži ko phajrariba pištolea kote jekh manuš sine phareste ratvardo em si intezivno nega ko hospitalo ko Brčko.

O roma tari akaja mahala si daravde bašo piro siguriteto soske sar vakeren akava nane avgo drom te ovel asavke incidentia ki akaja mahala.

O sasto akti sine nekobro minutenge,

Te lipara kaj ki akaja mahala isi baro numero Roma so si bisterde tari i them. Akate buteder droma isi bibahta so agorkergje em tragično, Odola aktia si korkoromudariba jali trafikoskere bibahta  kote buteder taro piro dživdipa našavena em o tikne čhave.

Agjaar ki jekh bibat ko 2019 berš kana thablie khera mule duj romane čhave da ki akaja mahala.

Link: http://www.portal-udar.net/pucnjava-u-naselju-prutace-jedna-osoba-povrijedjena-ceka-se-reakcija-nadleznih/