Ko ploštadi e dizjake Kičevo angleder nekobor divesa ikergjja pe protesto taro Roma muzičaria tari akaja diz so roden te iranen pe o bijava em aver forme familiarno ceremonie te šaj te egzistirinen.

-Amari egzistencia e bašavibaja si jekhutni forma so laja desace love a odova si prekal i muzika em bašavipa ko bijava em aver familiarno ceremonie. Ko akala 12 masekoa ačhilem bizi fubdavno forma finansie em siam ko agor tari egzistencia, te na irangje pe o bukja sar so sine angleder em palem te organizirinen pe bijava ka ovel sasto finansisko kolapsi. Amaro hango trubul te šunnel pe ko Govermenti te den piro vast em te haven kaj amende da isi niami te dživdina vakerel o Idaver Redžepovski.

Rrujal o Romane muzičaria ko protesti iklile em baro numero gijavutne taro aver etnikumia thaj aver muzičko grupe soske ola da vakerena kaj si but finanasiko prepele, em te paj ola da te keren buti te šaj keren piri egzistencia.

Zapendžariba nevi kultura, tradicia em čhib aver tari lakiri dajakiri čhib sine taro sako drom sar motivo i Martina Naumovska te kerel odova, Odoleske oj angja decizia te zapendžarel i romani čhib sar čhib tari jekhin so si kotor taro akava sasoitnipa so si len piri kultura, historia em tradicia. I Martina si jekhutnni so diplomiringja sar studenti so si la agorkerdo štar semestria premal romistika ki Katedra saste em komparativno literatura ko Filološko fakulteti ko Skopje. Oj odori reslja diploma baši makedonikan čhib em južnoslovensko čhibja ofiso maedonikani čhib em literatira - edukaciakirti profesia sar pedagogo.

Numa o fako romistika siga čhinavdilo odolea so akana i Martina si kotor taro avgo trin studentia so džana sine ko sikljovipa em vakeren kaj akaja katedra trubul te ovel palem irame,

Ko starti taro avgo semstri siem sine trin studenttiaso sine amen alusarde čhibja a i grupa legarel la sine o repsektirime profesori o d-r Ljatif Demir . Na sine baro interes soske sine avgo verp sar i romani čhib khivgja sar kotor tari Katedra e saste em lpmparativno literatura, Trujal so ko starti siem sine nekobor studentoa ko agor salde me sium sine jekhutni  so agorkergja e dujberšengere studie baši romistika.

O dujberšengoro studiriba akceptirinel sine edukacia e čhibjake, historia em Romani kulturaem odolea so o kolokviumsko edukacia sine ko pervazia akale predemteske - vakerel i Martina

I mangin premal i romani čhib ki Martina avili panda ko vakti tari fubdavutni edukacia ki škola ko Kičevo. Tegani sine implemetnirime sar predemti taro potikne etnikane jkehina a olate interesiririnel sine bur e romani čhib em mangel sine te sikljol la.

Premal olate o interes e romane čhibjake trubul te ovel majbaro em ma te ačhol ko margine sikljojbaskoro ki fundavno edukacia,.

- Taro miro džanlipa em mlo dži akanutno butikeriba sar nastavniko em o baro numero sikle čhave so vakeren kaj kamen te sikljon i romani čjib e m i kultira e Romengiri šaj te vakerav kaj o interesi si but baro, Sako havo panda majzoraleste ka tergjol kana ka sikljl piri čhibm tradicia em i historia ki škola. I Katedra bai romistika sar so vakergjum em engleder valjani te ovel irame em te ocvel lake than ko fakultetoa em te ikljon panda majbaro numero profiloa neve ideencar em realizacia. O čhave zasluđžinen asavko tretnabo - vakerel i Martina.

Link: https://www.fakulteti.mk/news/01032021/martina-naumovska-e-edinstvena-shto-gi-zavrshi-dvogodishnite-studii-po-romski-jazik