Ko 16 fevruari akava berš e Europakoro kriso manušikane niamenge (ESCP) ko Strazbur angja kriseskiri decizia ko aktia Behar thaj Gutman mujal i Bugaria (aplikacia № 29335/13) thaj Budinova em Čaprazov mujal i Bugaria (aplikacia № 12567/13), ki konekcia e sistemsko anti Semitsko em antiromani retorika taro Volen Siderova angleder em palo oleskoro alusariba sar deputati ko 2006 berš.

I decizia e krisoskiri avela kana o Učo kasaciono kriso notiringgja o irame aktia taro Fundavutno Kriso ki Sofia em e Dizjakoro Kriso ki Sofia ko avgust 2012 te krisinen e Siderov baši diskriminatorsko retorika mujal o Roma premal o Kanoni baši protektiba tari diskriminacia ko avusti 2012 berš.

Em ko duj aktia o ESCP notiringja kaj o bugarsko krisia na kergje balansi maškar o tromalipa ki notacia taro Volen Siderov em okola so sine diskriminirime. Trujal sa o Kriso potenciringja i savale taro institucie ko maripa mujal i diskriminacia upral etnikani funda.

O kriso notiringja kaj o naciobnalno krisia minimiziringje akaja retorika taro Soderov ki stignnatizacia upral o Jaudie em o Roma ki Bugaria a ko than te identifikujnen o notacie sar legitimno debata ko pučiba so trubul te ovel umportantno punkto.

Link: https://www.bghelsinki.org/bg/news/20210216-press-ECtHR-Behar-and-Gutman-and-Budinova-and-Chaprazov?fbclid=IwAR3h2Q6YSYqpx9y5dhkMunCf4_t-QHXNkNyLXqIawNQXxjhAmmKjUqL1HLY

I Švedia em i Danska planirinena te implementirinen digitalno Covid - Pasporto baši vakcinacia em agjaar ka lokharen maškar aver em o dromaripa havljargja o DW.

I Švedia dži akana sine pendžardi prekal piro “specialno varijanta” tari i pandemia e korona virusea. Ko than te kerel lookdown em restrikcie sar ko aver europakere thema o Švegjania avgo chidingje premal i varijanta “grupno imuniteto” a palo odova premal i gind e manušengiri. Asavki koorelacia premal i pandemia sine targeti ko buteder kritike akstra taro o učo numero taro inficirime. Premal o universiteto “Jones Hopkins” ki Švedia dži akana tario koronavirusi inficiringje pe pobuter taro 600.000 manuša. Akana i them barabutne e Danskaja palem kerel “specialno varianta” em mangel akava nilaj te implementirinel digitalno pasporto baši imunizacia, hramosarel o DW. E Švediakoro ministeri digitalno funkciake Andres Igeman vakerel kaj kerel pe lafi baši čače jekhutni forma te sikavel pe kaj jekh persona si vakcinirime. Odola faktia ka šaj ko avutnipa te oven importantno sar egzamplo kana ka džal ko aver thema sar so si kulturakere jali sportsko karakteria em manifestacie. I digitalno infrastruktura baši vakcinacia valjani te ovel hazri panda taro 1 juni a ko hazrkeriba ka ovrn involvirime pobuter institucie.