Angleder jekh berš ko 14 fevruari o 16 beršengoro Ljudmil tari romani mahala Fakultetite pe dadea nakhindo taro drom basteringja em gazingja ko električno kabelo so sine ko drom. O manuša so nakhena sine, oleskoro dat a palo odova em o doktoria na kurtalingje ole em ov mulo.

Premal o dat akaja tragedia uli ki sekunda. Ko maškar o vakti panda na džanel pe ko čhivgja odothe odola kablovia so kergje meriba ko čhavo,. Paše 24 saatia palo meripa e čhaveskoro em tari tragedia o institzucie frden sine jekh avereske ko si došalo.

Telal o legaripa taro uče krisia ki Sofia legarel pe rodaripa akale incidentoske so kergja bari tragedia em aver kanonikane regulirime aktivitetoa.

E dizjakoro šerutn e regioneskeTrijadica o Dimitar Bpžinocv, formiringja bukjarni grupa taro ekspertoa so kergje incidentia, Isi em fotosia. O informacie ka oven dende em e administraciake.

Bašo rodaripa e pravdake, a i familia hazrkeren te keren palem protestia em i sasti romani mahala Fakultetite, Ka keren sa te ovel krisia O advokatia kergje kpntskto em dena bilovengoro protektiba, Numa dži tegani panda ka pučen pe - Ko mudargja e Ljudmile?

 E germaniakoro govermento mukhlja majbaro belego uprač o dživdipa ko Roma thaj o Sintia . Desave ande dekretia so ine paše 148 maškar 1500 thaj 1800 berš, vakerena kaj o govermentia ni hari na legarel pe premal lende sar manuša numa sar džanvaria insektia em aver. Ko dekreto taro 4 septembro 1498 berš vakerel kaj o govermenti sine tretirime sae “ Vogelfrei” - tromale čiriklja so sikavel kaj sine avrial taro sa o kanoniako vakti. O germansko historičari Joakim S. Homan (1953–1999) thaj o piosateli Rimer Gilsenbah (1925–2001). O historikane faktia datirinen taro akava periodi lungo 447 berša so notirinen aktia konektirime e dživdipaja em e jazijaja taro Roma. Avereste vakerdo o Roma ki Germania sine bizo kham. Sar ilustracia vakaerel pe kaj paše sa o kanonia mujal o Roma sine dendo signatura taro khangirakere bare em uče manuša em o germansko thagara. “O dada” tari protestansko khangiri ki Germania  Martin Luter (1483-1546) thaj oleskere sledbenikoa so abge but bare bukja ko antisemitizni em dejbea “amin” e anticiganiyzmoskere retorikake so den sine suporto ko kanonia mujal o Roma ki Germania . Maškar e themakere em avera uče manuša si em o imperatori Maximiliano I (1493–1519), o elektorato taro August Fon Saksenan (1553–1586), Johan George II (1656–1680), o thagar Ferdinand I (1531–1558), Wilhaim I 1688, o thagar Frederik I tari Prusia (1701–1713), o thagar Frederik II tari Prusia (1730–1772). O analize sikaven kaj kerel pe lafi bašo sistemsko organizirimi akcia em maria (so o Aristotel odova panda dikhela satr majbari nepravda em bibaht) si suine kerde vastencvar rm našti sine te arakhel pe ko analia e europakere historiake.