Ko akana sig editirime rezulttoa taro konkursi ki Kultura bašo proektoa ko 2021 berš ko pres e mediumenge o ministeri kulturake D-r  Irena Stefoska vakergja kaj ko Konkursi bašo 2021 apliciringje rekordno 6352 aplikacie.

Premal o Ministeriumi kulturake ko 2021 berš dengja love proektenge so si len funkcia buvljaripa afirmacia em promocia e kulturake, protektiba em promocia e kulturakere darhinalipaske a,are themale dopherdo sa ki proektoa e ternenge em taro terne. Ekstra i sama sine legardi ko jekha jekh egaliteto aso jeri, inkluzia e personenge so si specifično em interkulturakere dijalogoske.

Odova so “ perela ko jakha” si kaj taro sa budžeto so si paše 11 milionia eura ko diferentno umalja ki kultura e romane proektonge si hulavde em dende love pohari taro 50.000 eura taro sa resle 6325 aplikacie dende love si paše 20 proektonge, Dali odole lovencar o Roma thaj i Romani jekhin ka šaj sar so sine akcientirime tari i ministerka Stefoska citiribaja o lafia jekhe pendžarde holandsko historičari em fundavutno e moderno kulturakere historiake o Johan Hojzinga: “ Te mangljam te arakha i kultura, trubul te kera la majodiriga” Ama aj ker kultura bilovengoro ka šaj li?

O javno konkursi ko angažiriba reonnsko popišuvačia em reonsko instruktoria si mujal o ustav soske kerel promocia tari diskriminaci em si naegalitetno em ki aver rolka e Egipkjanen thaj sa o aver etnikane jekhina so nane ko kotor tari ustavno preambula vakerel o lideri taro NGI “ Koalicia e Egiljanengiri” o Demir Dalip.

Ov vakerel kaj ko Ohrid kote o Egipkjania si dujto premal o nacionaliteto nane than bašo popišuvačia Egipkjania ama odoleske isi Roma em odova 7 trujal so o numero e Romengoro ko Ohirdi si pohari taro 70 Roma, konektiribaja em tikne čhave a nane len ni ko Resen em ki Struga.

-Te manglem Popis sar gejnipaskiri operacia , premal o standardia taro EUROSTAT em o UN akava Konkursi trubul te kerel pe navalidno, a o Popis te prolongirinel pe desave vakteske resarinaja te na čhiven pe o dizutne ko riziko taro inficiriba e Vovid 19. Akate te dophergja pe kaj i them si ki krizno situacia definitivno sa o argumentia si te prolongirinel pe o Popis.

Akale situaciake informirime si em i Ambasada tari germania, Francia, OSCCE, EU. Em sa o dizutne em o Egipkjanoa sar lojalno dizutne ki Makedonia so isi len niami em kredibilno koorelacia bašo objektivno popis, vakerel o Dalip.