Ko nakhlo periodi em periodi tari Pandemia e Kovidea kote so dikherla pe kaj o lokalno institucie ki Bosna em Hercegovina na legaren sine sevdža ko romano nacionaliteto em olengere servisia si len plani em programi ko deiba suporto sar so si paketia hajbe em higiensko artiklia.

Sar isto dengja oe em artiklia baši identifikacia.

O problemia ki romani jekhin ki BiH sa si majbare taro dive ko dive em si but pohare em pobare so rodena akala jekhina.

Fakti si kaj i Pandemia tari Korona virusu sine le bari presia ki sasti lumia , šaj te dikha sar sine lenge e Romenge.

Akaja situacia astargja sarinende sar so si ko ekonomikane em socialno nivelo.

O institucie na sine organizirime te den suporto e Romenge . Ko odova periodi dži kote neko tari Romani jekhin ka rodel suporto tari disavi institucia em olengere akcepcie sine limitirime em restriktivno sebepi so buteder taro romane mahale sine telal ekstra protololoa em karantinia em sine čhinavdo olengoro fundavno manušikano niamia em tromalipa.

Link: http://www.portal-udar.net/uslovi-zivota-u-romskim-naseljima-bez-vode-struje-i-novca-u-brobi-protiv-korone/

Sakote kote isi tekstia so teleperaven jali diskriminirinen em si nasooodvetno ka oven chidime, vakergja o premieri Zoran Zaev ki konekcia e lilea Geografia ko dujto berš maškarutnii škola so ka ovel korekirime em eliminirime pali kerdi reakcia kaj isi telepraviba  premal o Albancoa.

I ministerka baši edukacia i Mila Carovska em olakoro anglutne kolega o Arber Ademi erati ko mitingo e avgo vicepremierea em ministeri ko politikano sistemo em relacie maškar jekhin Artan Grubi kergje lafi bašo koncepto ko reforme ki edukacia em ko Kanoni e lilenge ko fundavno em maškarutni edukacia. Te eliminirinel pe tari edukacia o lil Geografia ki Republika Makedonia ko dujto berš – reformirimi gimnazia rodipaja dži ko MON rodingja o Ternikano Forumo tari Alijansa taro Albancoa. Ko lil si akcentirime kaj kotora taro lila si teleperavde aktia mujal i kulturam historia jali aver moldipa ko Albancioa an i them kaj si ksenofobično em keren stigmatizacia em keren progresi ki natolerantno retorika mujal o Albancoa.

O albancia vakeren kaj si akava skandali e lilea ko kotor kaj so hramosarela “ Maškar o avdisutne makedonsko Albancia isi manuša so peste dikhen sar purane bešutne. Šerutne ola si makedonsko dizutne kote ko vakti taro osmanlisko thagaripa lele o islami em pohari albaniziringja pe, Maškar olende isi em so angleder sine Kohorajam Roma jali Čerkezia” Premal i logika aso akaja trampa em ikaviba odola notacie so teleperaven em i terminologia ko Roma sar so si “cigani” em “Egjupci”. Ka ikljol li neko “murš” te vakerel akava?