Socijala

Ukraina: O kriseskoro učo membro na manglja te kerel rodaripa e konkluzno šubikerde persona so mudargja e romane lidere ko regiioni Kharkov

Trin thaj jekhvaš berša kana o Mikola Kaspitski , lideri e romane jekhinake ko Vilshani kote sine mudardo pištolea ko nasiprovocirimo incidenti , o ukrainsko kriseskoro učo membro palo štarto drom na manglja te vazdel nisavo kriseskoro kati mujal  jekh taro šerutne došakjerde o Evhen Krivoručko. Akava trujal o svedokia taro manuša so dikhle kaj o lokalno biznismeno khelgja šerutni rolja  ki eskalacia taro incidenti odova dive thaj o forezničaria ko oleskere šeja arakhel barutno elementia taro pištoli. Ko jekh nane klar si li progreso ko rodaripa e incidenteske em ko krisibe upral o duj  regionalno političaroa ko Kharkov so si telel o rodaripa e atakoske odova dive.

Sine akaharina taro romane aktivistia palo atako ko 16 maj 2017 berš o akti trubul te ovel legardo avrial taro Kahrkov pakjivaja kana ka minizirinen pe o presie upral o krisia, Gindinel pe kaj akava na sine kerde but zoraleste kana agorkergja o rodaripa em i rolja taro Krivoručko alo o Regionalno učo krisari ki Poltava ko 29 januari 2021 berš . Sar o anglutne ande decizie akaja da ka ovel regirime taro advokata taro viktimia, Stanislav Nironenko so vakerel kaj o trinš šerutne šubikerde isi len but faktia mujal o Krivoručko.

 

Link: http://khpg.org/en/1608808809?fbclid=IwAR1KL6o9_ujZmNYsHRF2f3nxvPghhZgHUeMvIVzCf1CfnDGz6sdsiY4vXhQ

Etnikano identiteti baši ID legitimacia si akcepcia ko bietnikano aparthejd!

I ID legitimacia sar majanglal nane privat dokumento numa javno, so dela pe personake te šaj anglal o institucie  kanonea te zojrakerel pe oleskoro identiteto . O informacie tari ID legitimacia sar so si o personalno ID numero  si kanonea protektirime. O etnikano identiteto si privatno em subjektivno kategoria. Ni jekh identiteti avdive (a ko nakhlo da vakti) nane konstantno konektiribaja em o etnikano identiteto. O manuš šaj te alusarel peske em te iranel o identiteti kana ka mangel ov.

O etnikane simantre nane akana odokhare zorale em si manuša so si len duj , trin jali pobuter etnikane identitetoa, sar konsekvenca taro hemime prandina, migracie em aver procesoa  ko moderno dživdipa.

Faktea kaj amaro politikano sistemo em legislativa afirimirinela o etnikano hulavipa em naegaliteto ko sa o dizutne upral i funda taro etnikano preperipa asavko etnikani notacia e dizutnenge ka bajrarel o agjaar akana da baro naegaliteto ko sasoitnipa. Odolea ko tikno udar ki Makedonia ka implementirinel pe o etnikano aparthejd. Bizi notirimi em klar notirimo etnikano deklaracia ko ID  legitimacia o dizutne na ka šaj te khuvel ki buti telal jekh a jekh šanse, ka našti te khuvel ko desave diskoteke, bazentia, molia...

Panda nešto. Sar egzamplo akaja “privilegia” ki amari them si e Makedonocen, Albancon, Khoraen, Srbliem, e Romen, Vlahia jali Bošnjakoa soske odoja privilegia ka našti te ovel jekhe Hrvato, Crnogorco, Egjipkjano, Torbeši...?

Akava panda jekh drom sikavela kaj amen siem jekhutni them em sasoitnipa ki lumia so sar funda si baši diskriminacie ki Preambula ko Ustavi!

A deklaririna amen em preperaja ki paščimali civilizacia em amari them si oficialno membro ko NATO!

O humno umetniko: O Durmiš Kjazim bikinel o protreti e Esmaja, te šaj del finansisko suporto e nasvalipaja oleskere amalinkake o umetniko Andrijana Macieva

 

O potreto “magikano krlo” kote si o portreto tari Esma Redžepova - Teodosievska , a kedo taro pendžardo umetniko Durmiš Kjazim so dživdinel em kerel buti ko Brisel, Belgia bikinela o portreto te šaj odola love te donirinel len ko kkonto taro terni umetniko taro Kavadarci i Andrijana Macieva.

I Andrijana si phareste nasvali em odoleske trubul lake love te šaj te sasljarel pe . O Durmiš Kjazim hošingja džovaplipa te del suporto em odoleske akava portreto tari Esma kerdo sar suv pastel ko lil em ramka dimenziencar 100/70 cm te bikinel le bašo 200 eura. O potencialno zainteresirime te kinen ole akava portreto šaj te roden e Durmiš Kjazim ko oleskoro FB profilo jali ki FB rig putardi baš akale momentoske. -

https://m.facebook.com/story.php?story_fbid=564200544501020&id=555871665333908

Ki Republika Utarali Makedonia sako šovto dizutnio si partisko membro - si li odova taro intereso jali ideologia?

Ideologia tatro politikano aspekto jali demagogia te šaj resel pple personalno interesoa? Si li i partija jekhutni opcia te kerel pe progresi em sukcesi*

Ko Balkano o “popularno” partisko legitimacie na ikljona tari moda, Diferencijaja taro thema ko regioni kote ki partija sar olakere membrora khuven em dži ko 15% taro  sa o dizutne, e eruopakoro proseko si paše  3,5% taro dizutne ko thema.

Angleder jekh masek i legarutni Socialdemokratikani unia tari Makedonia - SDSM počmingja i procedurako ažuririba em aktivno registracia taro pire membrora. Odova sikavel kaj ko tereni 1 563 timia taro 74 komunakere organizacie ka džan ko khera ple partisko membrenge.

O SDSM udžarela kaj ažuriribaja ka ovel olen paše 60.000 membrora . Odova si paše 3% taro dizutne kio them si membrora ko SDSM. Ama akava relativno učo numero sar membrora ko SDSM nane “izolirimi” praktika ki them. Premal o informacie taro Centralno registri ki Utarali Makedonia isi 65 politikane partie. Hulavde si 15 so ko nakhle lokalno em parlamentarno alusariba sikavgje desavo rezultati em pučle si kobor membrora isi olen.

Premal učo partisko funkcioneri ko VMRO - DPMNE olende isi paše 100.000 membrora, o DUI brifirinela kaj si len paše 75.000 membrora. O Demokratsko Unia vakeren kaj dži akana dengje 34.000 partisko legitimacie, i Aliaujnsa e Albancongiri 20.000. Te khedingje pe o sume taro 12 partie so dengje piro džovapi salde olende isi len 351 500 membria.

Te dikhlja pe em i percepcia sar “lil taro faktia tari CIA” kaj ki Utarali Makedonia si la paše 2,13 milioni dizutne, odova sikavela kaj 16,5% taro dizutne jali sako šovto si membro ki desavi politikani partia.

O realiteto si panda majdaravutne kana ka kerel pe jekh paralela kobor dizutne isi ko europakere ekonomsko zorale thema isi len partisko legitimiacia.

Agjaar ako ko SDSM si la paše 3% tari sasti populacia ki them, a ko VMRO - DPMNE paše  4,7%, ki Britania sar egzamplo i legarutni Konzervativno partia taro Boris Džonson  si la 191 000 membria ki them taro 66 milionia dizutne , jali partisko legitimiacia si len salde 0,29% taro manuša.

Ki germania i legautni CDU tari kancelarka Angela Merker si la 407.000 membria so si 0,5% tari sasti germansko populacia ki them. I partia taro franciakoro presidento o Emanuel makron si la paše  420 000 membria jali paše 0,63% tari populacia ki Francia.

Numa sar džal pe majtele premal o Balkani o bukja iranen ki aver konotacia.

O HDZ ki Kroacia si la 220 000 membria ki them so gejnel 4 milionia populacia si si ko procentoa  5,5%  Sar apsolutno lidero ko regioni si o SNS taro srbiakoro presidento Aleksandar Vučić. E partia si la 750 000 memdbria ki Srbia so gejnel paše 7 milionia dizutne , so si premal procento 10,71% taro dizutne.

FaLang translation system by Faboba

Од 5 Ноември 2022 достапен документарниот филм на СП БТР „Небо, Точак, Земја„ на Max TV и Max TV GO со пребарување –Видеотека

Mangava te vakerav

6-to Romano Čhavorikanoo muzikakoro festivali 
„Čhavorikano Suno 2022“ – SP BTR

6-ти Ромски Детски музички фестивал
„Детски Сон 2022„ – СП БТР

6th Romani Children's Music Festival
"Children's Dream 2022" - SP BTR

Momentalno Online

       Isi 501 misafirija so dikhena o ROMATIMES.NEWS

o Vakti

 booked.net

Facebook

Majpopularno

Golden Wheel - Entry Application Form

Entry Application Form.docx

Flag Counter

Amaro brojači genjela taro 13.01.2019
Gejnela isto manuša tari koja phuv drabarena amaro portali
Majtele isi sa-ko-sa kozom dikhle o portali

Consola de depanare Joomla!

Sesiune

Informații profil

Utilizare memorie

Interogări bază de date