Socijala

I Makedonia akceptiringja o nacionalno olanu baši imunizacia e manušpenge mujal Covid 19

Ki iratutni bešin o Govermenti angja decizia I vakcinacia te implementirinel pe ko trin faze. Sakone odole fazake ka oven akceptirime diferentno kategoria manupa , aso o avgo avutne vaccine sar prioriteto ka oven okola teleperavde kategorie dizutne.

Premal e sastipaskere ofuisia ko procesi tari imunizacia si lačhi I sastipaskiri infrastruktura em o profile e bukjarnengoro . Ko momenti kana ka aven o majbaro numero e vakcinengoro planirime sit e konektirinen pee m pobuter vakcinalno timia em ka putren pe pobuter punktia vakciniribaske.  O sistemi “Moj termin” ka ovel le majbari rolja ki implementacia e vakcinengoro.

-Premal o plani ka ova vakcinirime e vakcinaja Fajzer a o procesi ka ovel kerdo ko trin faze taro starti e fevruareskoro vakergja o Mumate Hodža portparoli ko Govermento.

Ko fevruari udžaren pe majanglal o avgo dende lafea 8.000 Fajzer vaccine tari Srbia, a palo odova ko masek fevruari em o direktno phanle kontrakto e kompanijaja bašo 5,850 doze. Akala vaccine primal o plani ka oven dende e personaleske ko Covid centroa.

Baši sig thaj majmasovno vakcinacia si I pakjiv kjo okola 200.000 kinesko vaccine so pobuter detalia udžaren pe akala divesa.

Notacia taro USA president o Joe Baiden Junior ko Internacionalno dive ki Memoria bašo Holokausto

Avdive amen sar sa o nacie em manuša tari sasti lumia notirinaja o Internacionalno dive tari memoria ko Holokausto kote liparaja ko 6 milionia Jaudie, ko Roma thaj Sintia, Slovenia, persone nasvale, LGBT em aver individue so sine mudarde taro Nacistoa em olengere partenria ko vakti taro o Dujto Lumiakoro maripa. Nikana na troma te bistro o čačipa so ulo ki sasti Europa em te chida ki rog o terori so sine kerde amare manušenge sebepi I doktrina em natolerancia  em hulavipa.

Majanglal taro mo dat šunava sine bašo bibahta ko holokausto ki sofra kana ha sine maro. I motivacia kaj trubul te kera khanči te čhinavel pea kava bibahtalipa ki lumia bajrola sine pe mande. Odoleske legargjum em me čhaven te džan ki visita ko Dahau ki Germania em pakjava kaj akava ka kerav le em me unukoja ka legarav le te dikhel odova than em korkoro ka dikhen kaj akaja bibaht si kerdi salde tari natolernacia te haven lengiri duke m kokala so šaj ovel manušencar so šaj te keren bare bibahta.

I historia taro holokausto trubul te sikava em amare unukonge em olengere unukonge em te vakera definitivno kaj pobuter asavko “na trubul te kerel pe” Odolea ka šaj te čhinaven pe o avera genocidoa . I memoria ko viktimia, heroia em o lekcie taro holokausto but si avdive importantno soske sine but negirime em minimizirime sar holokausto em akana si majdikhle ko masmediumia. Numa o faktia nane ande sar pučiba em trubul te ačhova but džangavde em te oven kalr kontra mujal o avera forme tari natolerancia em fanatizmi na salde akate numa sakote ki lumia.

I bibahta so dikhelm olen em šungjem ko Šarlotswil ko 2017 berš e parne nacionalistengoro em neonacistengoro sar čhudena antisemnistikane mesažoa sar okola ko 1930-to berša ki Europa sine em faktori so kandidiringjum man bašo president e USA. Avdive palem akcepririnava o sasto čačipa em realiteto te čhinaven pe sa o genocidoa so ka keren pee m si bari Amari moralno obligacia em pučibe taro nacionalno em globalno nivelo.

O Holokasutop na alo slučajno ki historia. Odova ulo soske buteder govermentia lokheste em šudreste lena sine em anena sine kanonia te dehumanizirinen em diskriminirinen grupa manušen  em but individue salde trainen sine sar kašuke. O traiba si sar partenri. Kobor so liparel mange sine mlo akana mule paše amal em kotor taro holokaustro o Tom Lantos: I čham e civilizijakoro si sano sar liloro. Amen odova mora te arakha le em nikana ma te bistra ole"

Kana I natolerancia ka ovel nakontrolirime kana ka našavel pe saste em o govermentoa em saositnipa so valjani te keren I protektiva šaj te rezultirinel palo odova terorea em natoleranciaja em masovno bibahta. I USA ka kerel majdur te del suporto o čačipaske em jurisdikciake bašo okola so ačhile dživde taro holokausto em olengere majpaše. Ament trubul te da majabero suporto te kerel pe nevi lumia so ka siklljol o lekcie taro holokasutoem kote ka moldinen pe sa o manušikane dživdipa.

 

Link: https://www.whitehouse.gov/briefing-room/statements-releases/2021/01/27/statement-by-president-joseph-r-biden-jr-on-international-holocaust-remembrance-day/

Kobor love khedingje pe ko Budžeti taro pukjime globe so na kegarena pe maske, sar angja pe akaja decizia?

Majhari 1.360.000 eura khuvgje ko themakoro budžeti taro o globe so o dizutne pukjinena len so na legarena maske  ko muja. O Ministeriumi andrune bukjenge dži akana registriringja saste 136.227 globe prekal akaja funda. I globa bašo nalegariba maska si 20 eura, jali 10 eura te pukjingja pe ko roko taro ofto divesa. Odova si sar andi akaja decizia dži akana sa o dizutne phergje e themakere budežete maškar  1.360.000 thaj 2.720.000 eura. O dizutne si hulavde gindinaja trubul li te legaren o maske jali na ko phravdo em kbor si bare o globe. Numa ko vakti tari I pandemia o budžeti si pobuter pherdo globencar taro aver ande decizie sa so si grupiriba, narespektiriba keriba izolacia, phagiba e policisko časoske em aver. Baš o narespektiriba taro namukhlo pghiribe ko policisko časi I policia kergja globa em registriringja  5.414 globakere aktia, so palo odova o Učo Kriso em o krisoa anena sine definitivno faisali kobor ka ovel I globa so šaj ovela em upreder 1.000 eura. I suma kobor khuvgje ko budđeti upral akala funde nane pendžarde.

Savo si o nivelo tari progresia e nacionalstonge ki Republika Utarali Makedonia ? Ov dži akana sine taro 8 dži ko 10%

Sar avela majpaše I statistikani operacia Gejniba e dizutnenge  palo saste 19 berša startujnen o diskusie em bašo numero kobor manuša dživdinena ki them.

Ko period 1948 berš sa dži ko 2002 berš ki them kergje pe saste šov statistikane gejnipa (1948, 1953, 1961, 1971, 1981 thaj 2002).  Sine em trin nasukcesiale mangina baši akaja staistikani operacia (1991, 1994 thaj 2011).

Premal o nivelo tari progresia taro dizutne dži akana aso nesavi aritmetikani nivelacia ovsine taro 8 dži ko 10%.

Ko 1948 berš o numero taro dizutne sine 1.152.986 kote Makedoncia sine – 789.648 (68,5%),  Albanica – 197.389 (14,5%), Srblie – 29.721 (2,6%), Roma – 19.500 (1,7%), Crnogorcia – 2.348, Hrvatia – 2.090 thaj Musimania – 1.560

Ki statistikani operacia Gejnipa ko 1953 odova nivelo sine barabutne– 1.304.514,  Makedoncia– 860.699 (66%), Albancoa – 162.524 (12,5%), Srblie – 35.112 (2,7%), Roma – 20 462 (1,6%),

Hrvatia – 2.771, Crnogorcia – 2.526 thaj Muslimania – 1.591.

Ko 1961 barabutne – 1.406.003, Makedoncia – 1.000.854 (71,2%), Albancia – 183.108 (13%), Srblie – 42.728 (3%), Roma – 20.606 (1,5%), Hrvatoa– 3.801, Crnogorcia – 3.414, Muslimania – 3.002, Jugoslovenia – 1.260 thaj Slovencia – 1.147.

Ko avutno gejniba 1971 berš barabutne – 1.647.308, Makedoncoa – 1.142.375 (69,3%),  Albancoa– 279.871 (17%), Srblie – 46.465 (2,8%), Roma – 24.505 (1,5%), Hrvatoa – 3.882,

Jugoslovenia – 3.652, Crnogorcia – 3.246 thaj Muslimanoa – 1.248. Ko berš 1981 barabutne– 1.912.257, Makedoncia– 1.281.195 (67%), Albanica – 377.726 (19,8%), Srblie – 44.613 (2,3%), Roma – 43.223 (2,3%), Muslimania – 39.555 (2,2%) Jugoslovenia – 14.240, Crnogorcia– 3.940 thaj Hrvatia – 3.349.

Ko agorutno kerdo gejnipa ko 2002 berš sa barabutne sine, – 2.040.929, Makedoncia – 1.297.981 (64,18%), Albancia – 509.083 (25,17%), Turklie – 77.959 (3,85%), Roma – 53.879 (2,66%), Srblie – 35.939 (1,78%), Bošnjakoa – 17.018 (0,84%) thaj Vlahoa – 9.596 (0,48%).

FaLang translation system by Faboba

Од 5 Ноември 2022 достапен документарниот филм на СП БТР „Небо, Точак, Земја„ на Max TV и Max TV GO со пребарување –Видеотека

Mangava te vakerav

6-to Romano Čhavorikanoo muzikakoro festivali 
„Čhavorikano Suno 2022“ – SP BTR

6-ти Ромски Детски музички фестивал
„Детски Сон 2022„ – СП БТР

6th Romani Children's Music Festival
"Children's Dream 2022" - SP BTR

Momentalno Online

       Isi 186 misafirija so dikhena o ROMATIMES.NEWS

o Vakti

 booked.net

Facebook

Majpopularno

Golden Wheel - Entry Application Form

Entry Application Form.docx

Flag Counter

Amaro brojači genjela taro 13.01.2019
Gejnela isto manuša tari koja phuv drabarena amaro portali
Majtele isi sa-ko-sa kozom dikhle o portali

Consola de depanare Joomla!

Sesiune

Informații profil

Utilizare memorie

Interogări bază de date