Arakhlo suporto e familienge so sine akomodime ko purani štipsko zabavište
O manuša so dživdinen sine ko purano kher a e đtipjanenge pendžardo sar “purano zabavište” so thabilo okova dive realja humanitarno suporto tari Komunakiri organizacia taro Lolo Krsto - Štip . I Viktoria Milanovska sekretaro ko OO Lolo Kestri – Štip vakerel kaj sako familia si distribuirimo suporto so sine paketi hajbe, fundavno higiensko artiklia, postelina, šeja em kondure.
-Bašo trinčhavengere em čhave so si potijne taro trin berša sine dende em paketia bašo bebia. Ačhovela pe ki komunikacia e instituciencar taro Centro socialno bukjenge em I Komuna Štip, aso keriba o šajsipa vakerel I Milanovska.
Kotor taro štipsko familie so bešen sine ko akava kher so akana si ki paše familia em tikno kotor ačhile ko objektia. I komuna Štip vakerel kaj okole familienge so sine legalno ko odova kher dokumentencar isi kerde tipsko khera europsko lovencar ki mahala Sveta Nedela.
Palo agora kale aktenge udžarela pe I Komuna ko sig vakti te realizirinel o proekto kote valjani te keren pe šel , a ko starti ka oven realizirime 47 tipsko khera.
