Socijala

Majčaćji programa taro romane muzičaria ko BAŠAVEL ko 2020 berš sine sikavdi tari rig e čehiakere NGO ROMEA

Internet program taro Romane muzičaria pendžarde sar BAŠAVELko TV ROMEA sikavgja unikatno misadiria em klipia taro majšukar koncertoa ko 2020 berš ki agorutni epizoda taro akava seriali.
Trujal o poerformanso sar bašavipa ki rpograma sine kerde em intervjua e Miro Bartoš, romane opersko vokali so sar čhavo nakhavgja le ko domi ki čefia aka kana si profesionelno opersko vokali ko teatar ko Plzen
"O ikljojbe taro domi trampingja mlo em me phenjakoro dživdipoa . te ova sine khere nikana nane te ovav sine akava so sim akana, nane te džav sine ko koledž em nane te kaerav sine akaja buti akana so majbut mangavala “ vakergja o giljavutno baši ROMEA.
O Milan Kroka muzikanti so si manglo ko Roma ki Čehia vakergja so si leske I muzika. “ Me na sium sine sako vakti muzičari. Kerav sine em buti sar amali ki fabrika sastrnenge. Ama I muzika si miro dživdipa. Lokheste sit e kere buti omkoja so kere la bare mangipaja. Odova kerav le čače mangipaja vakergja akava muzičari kop lo intervju bapi TV ROMEA.
Ki agorutni epizoda BAŠAVEL bašo 2020 beršp sine em I Teresa Ondičova alijas Tesi so sine em ki nacionalno televisia ji giljajbe “Voice” o terno romano muzičari tari Slovakia o Ričard Adam allijas Vajdism Karin Cinova, Robert Boldi, OIndrej Ferko, em Ondar Gizman o poterno em o bendi “ Galijani Gypsy bend” . Bari šukrikerin em dži ko Ladislav Čirok em oleskiri produkcia EL CIROX PRODUCTION, so lelja than ko nekobor episode akale emisijake.

Link: http://www.romea.cz/en/news/czech/best-of-the-romani-musicians-program-basavel-in-2020-broadcast-online-by-czech-ngo-romea

 

Kolumna taro Zoran Dimov: O popisi ko April 2021 si importantno e Romenge. „Ma dara, ma ladja taro odova so sian. Importantno si o numero e Romengoro„

Premal o havljarnina sar so djanaja o avutno popis taro dizutne ki R.N.Makedonian valjani te ovel ko April 2021 bersh. Na trubul te potencirinel pe kaj akaja statistikani operacia popis e dizutnenge sar so si importantno savorenge ki them but si importantno em e Romenge. Mangaja jail na importantno si o numeroa so ka anen faisali ko pobuter themakere instiucionalno, em politikane benefitia. Premal o agorutno popis taro dizutne o Roma sine pashe 2,6% jail pashe 56.000 Roma.
Premal o percepcie taro pobuter NGO odova numero akana si majhari basho 80% pobuter taro angleder jail o numero Roma ki them si pashe 100.000 Rom/ Ko april 2021 valjani te notirinen pe odova so si chache.
Djanaja kaj baro numero Roma mangen jalki na sa akala bersha napalal oveba sine sa aver salde na Roma, Asavko trendo ki Paschimali Makedonia ule Albancia, ko centralno regioni ule Makedoncia a ko purabale kotora ule Khoraja.
Premal mande valjani te irana akava tabijati. Te mangle majbaro prosperiteto e romane jekhinake ki them valjani te osvestina amen em te ova odova so siem primal amare parapapoa em dada. Odoleske vakerav o Roma bizi deference savi politikani religiakiri, jail socialno nivelo saste me phravde te vakeren ko si. Odoleske valjani te kerel pee m kampanja so ka legarel anav sar so si „Ma dara, ma ladja taro odova so sian. Importantno si o numero e Romengoro„
Agjaar prekal asavki kampanja ka motivirinel pe akava marginalizirimo narodo em te vakerel kaj ov si Rom.
Vakti sit e phrava amare jakha em te chinavel pea kale manipulaciencar. Vakti sit e djanel pe o chachutno numero . Vakti si basho administrativno akcepcia. Akava numero si bitno ki kreacia e Romane strategiake, em olengoro bukjarnipe ko themakere institucie, sar politikano zoralipa ko Parlemnti em Govermenti. Soske o roma da pukjinen o danok sar so sa avera pukjinen em nane poshtrdime nishtostar.
Odoleske o popis ko april 2021 si impoertantno e Roemnge ki them em olengiri akcepcia ko themakoiro nivelo. Odova shaj anel progresi e themake. Importantno si soske em o EU rodela odova. Odoleske palem vakerava „Ma dara, ma ladja taro odova so sian. Importantno si o numero e Romengoro„

O Malćansko berberi ki Srbia krisime si sadživdipaskere phanlipaja

O Ninoslav Jovanović , majpendžarde sar “Malčansko beriberi” si krisime sadživdipaskere phanlipaja soske teroriziringja tikne berđemgere romane čhija ko Brzi Brod. O akti so ko majučonivelo em andi taro Učo krisi palo 11 o časo kote sine em I familia e čhijakorir em pobuter žurnalistoa. O Jovanović na avilo ko krisiba. O akti mujal o Jovanović (46) majpendžardo sar Malčansko berberi soske ćhinel sine o bala pire viktimengorosine phanli bašo mediumia sebepi protektiva ko interes e tikneberšengere čhijake. O Učo Kriso ko Niš ko agor taro mart persi berš angja došperavipaskoro akti mujal o Jovanović, numa sebepi protektiva ko interes e tikne čhajake ko akava akti na sine jurisdikciakere kvalifikacie akale akteske soske si krisime. O rodaripa mujal o Jovanović si kerdo sebepi aktia sar so si kidnapiriba em silujbe e čhaveske soske sine planirime akti phanlipa dži ko deš berša dži ko sadživdipaskoro phanlipa. O Jovanović duj droma sine phanlo baši silujbem, kidnapiriba em teleperavipa, jekh drom 10 berša, a o dujto 12 berša.
Ov e agorutne viktime kidnapiringja ko 20 decembro 2019 berš ko drumo kana džala sine ki škola. Ov olaja garavel pe sine ko khera em vikendice ko reoni taro Niš dži ko Knjaževac. I čhaj sine arakhli ko 28 decembro 2019 berš ki Psjača, ko pašipa taro Niš, pali kerdi akcia rodaripaske kote than lele policajcoa em o askeri tari Srbia, žandarmeria em pherdo dizutne , lovcia, planinaria em aver. Efta divesa palo odova o Jovanović sine astardo ko gaveskere limoria ko oleskoro biando gav Malča. Ko jekh o jeria e tikne Monika K. sine čale taro ando kriseskoro akti. “Avdive sime but bahtale soske sa agorkergja sar so trubul. Sium bahtali em šukrikerinav e krisoske em e policiake so sine sasto vakti amencar, a o “Malčansko berberi” reslja le odova so valjani sine sine o lafia tari daj I Aleksandra K.

Počmingja hazrkeriba e manifestaciake o Thagara e romane muzikake ki Europa

Počmingja o hazrkeriba e Internacionalno festibvaleske e romane muzikake so si thagara ki Europa., Sofija 2021. I data si odredime finalizirimo si o kontrakto sar ka ovel finansirime akava festivali o detalia ka oven dende bašo desave divesa. Akava udžarel pet e ovel majbaro kulturakoro romaneo performanso an I Europa.
I Fondacia Rominternet- Niami ko dživdipas so angažirime baši organizacia e aktivitetenge so 8 berša napalal ikerel o concerto ki Hala 1 ki Nacionalno Palata kulturakiri ko 1 aprilo, ko Internacionalno dive e Romengoro. O majšukare romane giljavutne taru Makedonia, Srbia, Grcia, Turkia em tari Bugaria ka oven akharde te len than ko akava festivali. Amare rigatar akale bare muzikakere šoueskje si nominirime salde duj anava so ka džanel pe ko majsiga vakti. O anava taro kandidatia šaj te dikhen pee m te del pe lenge suporto ki veb rig e festivaleskiri, Organizatori akale manifestaciake si Hit medium

FaLang translation system by Faboba

Од 5 Ноември 2022 достапен документарниот филм на СП БТР „Небо, Точак, Земја„ на Max TV и Max TV GO со пребарување –Видеотека

Mangava te vakerav

6-to Romano Čhavorikanoo muzikakoro festivali 
„Čhavorikano Suno 2022“ – SP BTR

6-ти Ромски Детски музички фестивал
„Детски Сон 2022„ – СП БТР

6th Romani Children's Music Festival
"Children's Dream 2022" - SP BTR

Momentalno Online

       Isi 115 misafirija so dikhena o ROMATIMES.NEWS

o Vakti

 booked.net

Facebook

Majpopularno

Golden Wheel - Entry Application Form

Entry Application Form.docx

Flag Counter

Amaro brojači genjela taro 13.01.2019
Gejnela isto manuša tari koja phuv drabarena amaro portali
Majtele isi sa-ko-sa kozom dikhle o portali

Consola de depanare Joomla!

Sesiune

Informații profil

Utilizare memorie

Interogări bază de date