Socijala

Bugaria: 16 beršengoro tinejdžeri bizo ništo margja romane terne čhave taro gav Vabel

16-beršengoro H.S. si o terno manuš lhuvgja vastencar em prencar jekhe terne romane čhave taro gav Vabel ko Nikopol eksluzivno havljarela I žurnalistikani agencia News24sofia.eu.
Informacie taro sistemi Andrune bukjenge vakerena bašo News24sofia.eu kaj akale terne tinejdžere si le kriminalno dosie em nane leske avgo drom te kerel asavke incidentia em agresia upral nevino manuša. Pendžarav e čhave so margje ole. Ov si hendikepirano čhavo em nikana na kergja desavo lošnipa nekaske em but šukar čhavo si. Džala ko khera ko manuša me kerel buti sar argati, vakerel e dizjakoro šerutno ko gav Vabel o Darin Kinov e žurnalistonge tari NOVA, Taro pres centro ko Ministerstvo andrune bukjenge bašo News24sofia.eu vakergje kaj o terno manuš si akana privedime 24 časora. Premal o info tari policia o kriso majpakjavutne ka rodel akanaske saste pritvor taro 72 časia . O raporto e mediumenge ko socialno netvorko sikaven kaj o tinejdžeri sako drom čhivela fotografie em videa kote sikavel piri agresia. Oleskoro personalno profile ko jekh sikavel em o video sar marela akale terne romane čhave.

Link: https://news24sofia.eu/2020/12/22/samo-v-news24sofia-eu-vizhte-koy-e-16-godishniq-snimki-video/?fbclid=IwAR1m4u4wLWW9OQyqU2jQ4SQ1f5WjQkmrvn8F8lfT-KCrfnSa-Waqpk_1LXE


Youtube:

Romani familia tari Glina – Kroacia: Si man 6 čhave, dengje man salde jekh tikni kamp prikolka, a humanitarno pakeria lena manuša avere dizjendar tari Kroacia so na sine len phuvjakoro tinaniba

Ko regiono ki Banija so sine phareste astarde phuvjakere tuinanibaja sako kher si piri storia em sako olestar piri jazia. O Željko Jurković pe romnjaja i Gjurgjica Horvat , šov čhave em oleskere komšie o Marko em i Daniela Jurišić si ki adresa Toplička 10 thaj 12 bešen divesencar trujal i jag ko droma. Olengere khera si parpale resle salde tikni kamp prikolka em vakeren kaj manuša avere dizjendar tari Kroacia avena em lendar lena o humanitarno paketoa so dena pe e manušenge so sine astarde taro phuvjakoro tinaniba.
„Si man 6 čhave , o humanitarno paketia na aven but, Nae man ni kašta“ vakerel o Željko.
Vakeren kaj reslja lenge salde jekh tikni kamp prikolka , a ko olengoro kher dara te khuven.
„Molinava e policija tari Glina te kerel nešto. Avena manuša taro Sisak, Ogulin, Lika, so nane regionia so sine len phuvjakoro tinaniba lena o humanitarno paketia „ vakerel o Željko kote oleskiri romni i Gjurgjica dopherela kaj odola manušša avena lena o paketia hajbaske čhivena ko vrdia, pherena o gepekia em džana peske . „ Amenge ko than habe, anena salde pani em džana peske“ vakerel ko agor o Željko

Link: https://www.tportal.hr/vijesti/clanak/jurkovic-imam-sestero-djece-i-trebam-pomoc-dobli-smo-malu-kamp-kucicu-a-pomoc-uzimaju-ljudi-iz-drugih-krajeva-hrvatske-koji-nisu-stradali-u-potresu-foto-20210102

 

Agjaar ka oven o neve kovid pasportia ! Ka šaj li te dromarel pee m te džal pe turistikane bizo kovid pasporti em bizi lendi vakcina!?

Omformacia si li nekas koronavirus dali kergja em kana kergja PCR testi em si le primime vakcina- sa odova ko avutnipa ka šaj te arakhel pe ko tumare kovid pasportia.
Akaja idea akana kerel pe ko pobuter thema , šerutne keren la o tursitikane em avio kompanie so pakjan kaj ka anel lokharipa ko vakti tari I pandemia.Em kotor taro o dizutne ten a prečinel len sine soske pakjana kaj ko avutnipa ka šaj majlokheste te dromaren so našti sine te džan ko akava berš. Nekobor lumiakere aviokompanie havljargje kaj ka roden kovid pasporti sar garancia te mangle te dromaren. Agjaar em I australisko aviokompania Quantas notirinel kaj I vakcinacia ka ovel zadolžitelno sa olakere internacionalno klientia, ama mangena odova te keren em kop ire lokalno kherutne destinacie. O Kovid – pasportoa manušenge so ka vakcinirinen pe mujal I korona virus šaj te ovel realiteto panda ko akava 2021 berš m vakerel o direktori taro Rusko fondi bašo direktno investicie (RFPI), Kiril Dmitriev. Amen dikhaja kaj ka oven ande o neve kovid pasportia . Desave them aka anen len majsiga, a avera šaj pokasno. Ama nane dilemma kaj ka oven aviodestinacie so ka oven konektirime jali testirime e Kovid 19 jali e pasportencar baši vakcinacia , vakergja ov baši televizia Rusia 24. Ko desave thema o manuša so vakcinirinen pe resena asavke kovid pasportia kote hramosarel ko savo dive em save vakcinaja si vakcinirime. Ki Britania sa o vakcinirime dena pe kartica, so panda nane la kanonikano akti em nanen validno bašo desavo majtromalo dromaripa em aver aktivitetoa. Ov akanaske si salde kartoni so isi odothe o anav okoleskoro so primingja I vakcina kodo em data tari vakcinacia, em kana trubul te lel pe I dujto doza. I Francia geli majdur odori ko parlamenti akana si ki procedura kote salde vakcinirime persone so ka šaj te istemalkeren o javno transporti , te džan ko sportsko manifestacie , restorantia , koncertia. Akava kanoni akana te akceptirinel pe si prolongirime akanaske ko nalimitirimo vakti. Ko buteder thema o pprocenti traro manuša so mangen te vakcinirinen pe si but tikno, odolea so sar šarto te šaj dromarel pe e kovid pasportea alo ko bare reakcie.

Link: https://vocentar.com/vaka-ke-izgledaat-novite-kovid-pasoshi-dali-ke-mozhe-da-se-patuva-i-da-se-odi-na-odmor-bez-kovid-pasoshi-i-bez-primena-vakczina/

 

O netvorko akcepcijaja taro sistemsko em savaktedkere faisalia puchela pe: „Dali definitivno akava parlamentarno khedipa ka eliminirinel I kerdi nepravda mujal I Romani jekhin„?

Ko 29 thaj 30 decembro 2020 bersh o Parlamenti tari Utarali Makedonia organiziringja phravdi debata thaj diskusia e kandidatenge – Komesaroa basho membrora ki Komisia ko chinavipa I diskriminacia. Basho memvbripa ki akaja Komisia kandidiringje pe 44 kandidatoa. Akana del ape puchiba? “Dali definitivno akava parlamentarno khedipa ka alusaren Rome so oleskere dzanlipaja dominirinela ko sa o rodime kriteriumia”
Abgleder desave Khedipa ko Parlamento e Republika Makedoniake angja o trrampe em dopheriba ko Kanoni chinavipa em protektiva ki diskriminacia.
Trujal so si konstatirime buteder rigendar kaj o Roma si majdiskriminirime upral pobuter forme ko nakhle duj Khedipa na sine arakhle shajdipa ki odoja Komisia te ovel Rom membro. Akava ka ovel trinto khedipa tari I Komisia chinavipaske em protektiva tari diskriminacia, em dali ka alusarel pe ka achol sar dzovaplipa taro akava parlamentarno khedipa.
Jekh taro strateshko prioritetia taro o netvorko akcepcijaja taro sistemsko em savaktedkere faisalia si em notacia basho Rom membro ki Komisia ko chinavipa em protektiva tari diskriminacia . Odova netvorko ko 2019 bersh ko nekobor dikhiba so organiziringja olen sar propozalo sine dendo o rajo Muhamed Tochi represento taro HDZR Mesecina \Gostivar.
O agorutni debata basho formiriba akale Komisiake akana si palem aktuelno kote po trinto drom taro 2018 dzi ko 2020 bersh palem notirime kandidati si o rajo Muhamed Toci, legarutno ko sektori manushikane hakoa thaj mashkaretnikane koorelacie , magistri prekal Pravno nauke polozime pravosudno ispitea em 28 bersha bukjarno dzanlipa ki akaja tema, Rom so ko oleskoro portfolio isi bare rezultatoa ko kotor taro egaliteto em nadiskriminacia.
Ajana ka keren li o majhari 61 deputato te den piri vota membroske ki Komisia ko chinavipa em protektiva tari diskriminacia te alusaren e rajo Muhamed Toci em ka koregirinen I kerdi nepravda kerdi angleder em ka den priorieto ko dende propozaloa tari EU te akceptirinen pobaro lejbe than e Romen ko sasoitnipa em akalea ko kotor taro chinavipa em proetktiva e diskriminaciake kote majakceptirime si bash o Roma achola te dikhel pe. Akava si klar signali basho EU soske pocminel te putrelpe o Charpteri 23 thaj 24 so notirinela I implementacia ki protektiv e minjoritetenske ki Utarali Makedonia em konetkiribaja I Romani strategia. O vakti ka sikavel odova.

FaLang translation system by Faboba

Од 5 Ноември 2022 достапен документарниот филм на СП БТР „Небо, Точак, Земја„ на Max TV и Max TV GO со пребарување –Видеотека

Mangava te vakerav

6-to Romano Čhavorikanoo muzikakoro festivali 
„Čhavorikano Suno 2022“ – SP BTR

6-ти Ромски Детски музички фестивал
„Детски Сон 2022„ – СП БТР

6th Romani Children's Music Festival
"Children's Dream 2022" - SP BTR

Momentalno Online

       Isi 119 misafirija so dikhena o ROMATIMES.NEWS

o Vakti

 booked.net

Facebook

Majpopularno

Golden Wheel - Entry Application Form

Entry Application Form.docx

Flag Counter

Amaro brojači genjela taro 13.01.2019
Gejnela isto manuša tari koja phuv drabarena amaro portali
Majtele isi sa-ko-sa kozom dikhle o portali

Consola de depanare Joomla!

Sesiune

Informații profil

Utilizare memorie

Interogări bază de date