Socijala

Paldiba e Romen taro Kosovo. Internet aktiviteto taro Sani Rifati ko 16 januari

Jekh taro majseriozno konsekvence taro konflikti ko Kosovo dži avdidve si I paldiba paše sa e Romengoro taro odova regioni. Palo paše 600 berša kultura, 150.000 Roma si paldime , a olengere khera čorde. Avgo so editiringja kaj o Roma našena taro Kosovo angleder 20 berša sine o Sani Rifati. O Sani Rifati si president ko Voice of Roma people (USA) emo v si ki USA taro 1993 berš. Majanglal ki Jugoslavia em definitivno ki USA ov kergja kariera sar bubnjari, giljavutno, denseri em edukatori taro densi em kerel sine zori ki promocia em arakhiba e romane tradicionalno muzikake , e giljake em e khelibaske thaj sine profesori ko buteder universitetoa. Ov ko jekh formiringja NGO ko Kosovo so dela suporto e Romenge em implementirinela kampanje mujal deportacia e Romengiri taro europakere goveremntia

 

Link: https://ran.eu.com/die-vertreibung-der-roma-aus-dem-kosovo-online-event-mit-sani-rifati-am-16-januar/?fbclid=IwAR0fOtNpvIYeG2I00vsBwh-f6eMOmuHHSlDUBkUnLcbky_hJYRocsVsUoWA

 

Kroacia: Majlokheste si te devalvirine em te kaljare e Rome! Sikavle sar hihavno em čor, bitimi i buti!

Dživdinaja telal o kham taro bizarno e edukaciakere metodia. Panda sar čhave educirinen pe kaj te na sien sine madro ka avel i Romni te čorle tut ili ka lel tut o Roma so kinena puranipa.

Odova sikavgja amen amari nasvali edukaciakiri funda, so isi amende. A 21 veko siem!

Truja odola bare egzamploa isi ake panda jekh akana sig kerdo. Sar so džanaja savore te šaj kerel pe panda majbari kataklizmičko hoš so si zorali o regioni tari centralno kroacia angleder o nevo berš sine astardo bare phuvjakere tinanibaja. E phuvjakere tinaniba ko regonia tari Bania kergja bare materijalno zijania.But manuša ačhile bizo ple khera, aver sine pšeravde em i dar em panika astargje i dizjak Petrinje em Sisak.

I katastrofa so uli akale manušencar kergja pherdo manuša tari sasti Kroacia te den suporto. Angleder te keren reakcia o themakere institucie ko Petriunje em Sisak sine volonteria so angje lenge saste fundavutne artiklia dživdipaske em dengje suporto ko užariba e kherenge . Mašpkar akava haosi neko dikhlja kaj valjani da upreder sa te sikavel informacie ko socialno netvorko (FB, Twitter..) kaj desavi grupa Roma ale ko akala thana em džanlipaja I haotično sistuacia te čoren desave khera e manušenge taro odova regioni. Ko satrti taro akala informacie vakergje kaj na kerel pe lafi bašo desavo nacionalizmi. Ten a sine akava nacionalizmi nane pendžardo soske odola so dengje akala informacie hramosargje čak I nacionalnost kaj ola si Roma?

A čačipaske odoja grupa si salde grupa taro 3-4 romane familie kote avile odothe, reprezentiringje pe kaj si taro odova regionia em lele nekobor humanitarno paketia. Aver khanči na lele. A ko odola FB em Twitter edicie nikote na sine vakerdo kaj aviule buteder Roma te den suporto e manušenge ko užariba e pervade  kherenge sar volonteria.

A soske ko odola socialno netvorko FB em Twitter na hramonjena kaj baro numero nalegalno trgovcoa avile tari sasti Kroacia ko odola regionia so bikinen zarzavati, emiši em hajvabija (bakhre, gurumnja, bale, grasten..) avile palo phuvjakoro tinaniba ko Petrinje em Sisak, em džanlipaja kaj o manupa si ki dar em haos pire kamionencar kinena sine sa odola artiklia bagatelno lovenge  em palo odova sa odola artiklia legaren len sine ko majbare dizja ki Kroacia em bikinen len sine deš droma majkuč.

E odola „nalegalno trgovcia“ nane li len nacionaliteto? Nali ola da dikhle kaj šaj te profitirinen biznisea taro akala čorole em traumatizirime dizutne taro Pterinje em Sisak. Ko jekh kana nekaste saste notirinea kaj si kriminalco em čor but lokheste šaj te ovel targeti taro atakia. Bi overl šukare kana sa odola „nalegalno biznismenia“ so kinen sine o zarzavati, emiši em o hajvanija te ove sikavde anavea , a na salde nacionalitetoa- Ama pusto balkansko tabijati!

 

Link: http://www.portal-udar.net/posljedice-odgojne-matrice-kako-su-romi-postali-oni-nad-kojima-se-moze-izivljavati/

 

O Roma ko sikljojbaskere lila: Kosle, bisterde em izmislime

Ko kroaciakoro edukaciakoro sistemo i historia e romane jekhinake saste paše nane, em i kerdi tragedia upral o Roma taro Ustašia saste nane jali andime slučajno , ko than te ovel jekh taro majimportasntno aktia ki edukacia ki historia e Dujto lumiakere maripaske . Odoleske ko 2018 berš i Germansko fondacia Erinnerung, Verantwortung und Zukunft thaj o Instituti sasoitnipaskere naukenge  Ivo Pilar havlajrgje brošura e nastavnikonge: O Roma ko Dujto Lumiakoro maripa ki NDH, 1941- 1945 berš. Ko akava konteksti interesno sit e džanel pe kaj kerdo si baro rodaripa kerdo barabutne taro Instituti Georg – Ekert (GEI), O Romano edukaciakoro fondi (REF) thaj o Konsilo e Europakoro, angleder akava berš so kergja analiza tari akcepcija e Romengiri ko edukaciakere programe em o školsko lila sikljojbaske ko akava momenti so istemalkeren pe ko škole ki Europa.

Akava dela pregled ki buvli europakiri edukaciakiri politika em sasoitnipa, a na salde ko kroaciakere škole. I kerdi studia e lilengiri si prekal o predemtia historia, civilno edukacia em geografia taro 22 europakere thema:  Kroacia, francium Germania, Ungaria, Kosovol Polska, Špania, Italia, Romania, Britania, Albania, Bosna thaj Hercegovina, Bugaria, Čehia, Makedonia, Moldavia, Montenegro Srbija, Slovakia, Austria, Belgia thaj Finska. O rodaripa sikavgja kaj I akcepcia e Romengiri si limitirime ko desave tematsko konteksti em ko buteder aktia em stereotipno em načačutne faktia. Desave lila eksplicintno iranen o pučiba taro “diferencie”, „interkulturalizmo” jali “multikulturalizmo” em manušikane hakoa kana liparel pe I romani jekhin jali individue em o bariere so arakhen pe o modern europakere sasoitnipa. Isi diferencie ko sa o thema, sar ko perimetro, em ki forma taro lipariba Romnja thaj Roma. O perimetro si ko istemakeriba e lafeske “Roma” sar paralela jekhe etnikane grupake  kana si gendi sar statistika jali viktimi ko holokausto , em ekstra lipar ko desave časia em ko desave agzamplia  sar edukaciakere časia liparde sar Roma sar egzamplo ki Austria jali Ungaria.

 

Link: https://phralipen.hr/2020/01/09/romi-u-udzbenicima-izbrisano-iskrivljeno-izmisljeno/

 

Soske si ignoririmi I diskriminacia e amerikansko Romengiri?

Persi berš angja dramatično em kasno nacionalno debata ko rasizmo ki USA. Ki kerdi debata primal o target grupe ko amerikansko rasizmo – afroamerikansko, domorodno em o latino dizutne- buteder olendar na diskutirinen sine I diskriminacia ko jekh potikno minjoriteto ki USA o Romano minjoriteto.

Buteder Roma ko USA resle ko agor taro 19 veko em starti taro 20 veko ko bran tari migarcia  tari Europa. O pendžarutno romano eksperti Ian Hancok vakerel kaj buteder Amerikansko Roma sine darhiencar taro o Romansko robia Roma so sine tromarde taro robluko ko 1856 berš . Isi em faktia kaj o Roma ko amerikansko kontinento avile buteder angleder koj buteder olendar sine bičahvde te keren buti sar robora ko plantaže ki Virginia ko 17 veko , palo ando parlamentarno kanoni taro 1661 berš so muklha olengiri deportacia. Avdivve ki USA isi paše 1 milioni Roma majbaro numero olendar ko Los Angeles, San Francisko, New York, Čikago, Boston, Atlanta, Dalas, Hjuston, Sietl, em Portland. O Roma panda si diskriminirime em avdive sar so sine em deceniencar napalal. Akava ko agurutne berša ko agorutne 106 berša o North themakoro universiteto (NSU) ko Aberdin South Dacota, organiziringja bešeskoro mitingo so sine jekh kurko so agorkerel sako drom sar „G * psy Days Parade“, Akcentea sar majbari beršeskiri parade ki South Dacota. I terminologia „G * psy“ šaj te ovel em rasno profiliriba a si legardi e Romane naciake. Sar rezultat taro akava anav e paradakeolakiri historia em rasisitikano diskriminacia em asajbe upral I romani historia soske ki odoja parade sikavde si satirično adetia, kale muja, skeči sar kidanpirinen čhaven- a o amrikansko Romane aktivistoa, ekspertia, em olemgere asistentoa zorale bičhavgje kritike akale paradake, rodibaja tte izvineninen pe em tramnpa e anaveske prekal e mail em peticia prekal Internet.

Sar startujngja I kampanja prekal e maili ko 4 Avgusti 2020 olemge panda nane dendo nisavo antvorto . Numa I Web rig taro NSU hari akceptorongja akaja kritika, soske ko desavo nivelo  irangja o anava taro „G * psy“ anavea „Iraniba khere“.

 

Link: https://www.opendemocracy.net/en/why-discrimination-against-american-roma-ignored/?fbclid=IwAR2nzdYYRQi6PZUOEtCIgJMNFGq-JXYRY7Mxpig-8Dw5z_Ie32C2yYrlP1c

 
FaLang translation system by Faboba

Од 5 Ноември 2022 достапен документарниот филм на СП БТР „Небо, Точак, Земја„ на Max TV и Max TV GO со пребарување –Видеотека

Mangava te vakerav

6-to Romano Čhavorikanoo muzikakoro festivali 
„Čhavorikano Suno 2022“ – SP BTR

6-ти Ромски Детски музички фестивал
„Детски Сон 2022„ – СП БТР

6th Romani Children's Music Festival
"Children's Dream 2022" - SP BTR

Momentalno Online

       Isi 120 misafirija so dikhena o ROMATIMES.NEWS

o Vakti

 booked.net

Facebook

Majpopularno

Golden Wheel - Entry Application Form

Entry Application Form.docx

Flag Counter

Amaro brojači genjela taro 13.01.2019
Gejnela isto manuša tari koja phuv drabarena amaro portali
Majtele isi sa-ko-sa kozom dikhle o portali

Consola de depanare Joomla!

Sesiune

Informații profil

Utilizare memorie

Interogări bază de date