Socijala

Nacionalno kujna bašo 200 familie ko socialno riziuko ki Komuna Šuto Orizari

– I Komuna Šuto Orizari erati mukhlja te kerel buti I nacionalno kujnna kote ka den pe hajbe 200 familenge taro socialno riziko maro em habe. –E kontrolirime funkcioniribaske akaja nacionalno kujna si kerdo te funkcionirinel optimalno. I komuna Šuto orizari phanlja kontrakto nekobor kompaniencar em fondacie so ka len than ko funkcioniribe e nacionalno kujnake artikloncar taro pire kapacitetoa. O starti akale nacionalno kujnake lergja le pire lovencar I komuna Šuto orizari , o kompanie “Žito Luks” em I fondacia “ Albiz” vakeren taroi I komuna

Beograd: Ikaven sine e čhaven taro tharde barake trujal Pančevačko phurt

Ki romani mahala ko pašipa taro Pančevačko phurt ko Beograd angleder duj divesa sine bari jag, kote tikne vakteske i jag gutingja trin romane barake so salde bahtalipaske ki akaja bari jagali stihia na sine em viktimia. Ko jekh taro barake sine em šov čhave, kote jekh šov masekongoro bebe em jekh šiv beršengiri člhaj si akavde ko agorutno momenti, I bari jag uli ko drom Vuk Vrčević trujal i mahala Palilula . premal o mediumeskere informacie i bari jag majpakjavutne uli sebepi i nalačhe kerdi elektrikani instalacia ko jekh taro o barake, so palo odova buvlili upral panda duj javer paše barake so si taro kašta. I Romni so bešel sine ko odola jekh taro tharde barake i Vaska Selimi (30) vakergja kaj ki jekh taro barake kote iklili i bari jad dživdinen sine saste 12 džene kotar olendar 6 sine tikne čhave . „Sa thabilo mange em akana nane man khanči“ vakergja i Vaska. O majodorigutno buvljaripa e jagake čhinavgje o ekipe m bašo mujaljagakiri intervencia so resle majsiga so šaj sine.

Link: http://rs.n1info.com/Vesti/a686525/Izgorele-tri-barake-kod-Pancevackog-mosta.html?fbclid=IwAR0k9pnqMk1fvtufcO8bm7oLbdOXjrQF_szRz4MrgDAqiQtSwfW0m39eeJs

You tube:

 

Duj realitetoa: O Roma ki EU em Paščimalo Balkani ko jakha tari EK

I Europakiri komisia – EK ko sig vakti kergja presentacia komunikacia ko duj importantno politike so si imaportantno e themenge taro Paščimalo Balkani : Pakte buvljaripaske ko 2020 berš em I nevi strateško platform taro EU e Romenge jekhipaske, inkluzia em leiba than.
Trujal so I manifestacia taro anticiganizmo šaj si diferentno tari them ki them ama oleste isi ki sasti Europa konektiribaja em ko thema taro Paščimalo Balkani. Ko sa o raportia, isklučibaja I Srbia o progersi athinen o fakti kaj diskriminacia ko Roma isi, ama negirinena kaj si diskriminacia kana rodela pe buti jali ki edukacia (Albania, Montenegro), ki edukacia (Bosna thaj Hercegovina) jali kana rodena buti (Utarali Makedonia) . I diskriminacia si athimi indiriektno em ni jekh kop le raportoa na akharel e govermenten te keren maripa mujal I diskriminacia upral o Roma. Ko momenti o nivelo taro NEET ko Roma ki EU si 62% , a odova procenti ki sasti populacia si 10.1%. Premal kerdo rodaripa taro UNDP o nivelo taro NEET ko Roma taro Paščimalo Balkani si maškar 73% (Srbia) em 86% (Bosna thaj Hercegovina); o nievlo ko Romane džuvlja resela paše 81% (Utarali Makedonia) em 93% (Montenegro). Ko raportoa tari Europakiri Komisia but phareste keren buti ko akala pučiba. Pobuter taro Roma si akceptirime nastandradno kjakere thaneske , bizo socialno siguriteti em tikne em nastabilno plate. I pandemia taro Covid 19 sikavgja o rizikoa akale situaciake soske buteder Roma ačhile bizi egzistencia em udžaren lovengiri araka taro govermentoam internacionalno donatoria jali taro NGO organizacie. O učo nivelo taro NEET sikavel kaj I avutni generacia taro o Roma la ovel bizo stabilno bukjakoro than ten a kergje o političaria khanči ko sig vakti.

Link: https://europeanwesternbalkans.com/2020/11/25/two-realities-roma-in-the-eu-and-roma-in-the-western-balkans-in-the-Yes-of-the- ec /

E franciakoro govermento bahankergja kanoni te šaj o manuša khuven ko javno transport, javno institucie salde te sine len dokumento kaj si len vakcina bašo Covid 19

E franciakoro goveremento dži ko parlamenti bahamkergja kanoni kote so ka ovel kaj sa okola so vakciniringje pe te shaj te oven olen akcepcia ko javno transport, restorantia, kulturakere institucie em aver javno thana. O premieri Žan Kasteks panda ko palokurko angja o kanoni baši konekcia lungovakteskoro sistemo legaripaja ko naničale situacie ki parlamentarno procedura , so si pendžarde sar “zeleno vakcina - pasporto”, soske sine interdrukcia ko desave aktivitetoa so keren šartiali akcepcia em thana upral I funda e vakcinaciakere. Premal odova kanoni , o premieri si le niami te del decizia te šaj phirel pe tromale , olengoro avipa ko javno transporti jali desave thana upral I funda taro testi so notirinel kaj odoja persona nane inficirimi jali prekal preventivno tretmano , so si konektirime em I vakcinacia mujal I koronavirusi , havljargja o Tanjug akharinaja tari I agencia Anadolia . I debata e kanoneskiri počmingja persi kurko kana o representoa taro liberalia em centrističko partie rodinge te enel pe agjaar anavkerdo “zeleno pasporto” e manušnege so si vakcinirime. O kanoni si sar antvorto ko nekobor kerde rodaripa kote sikavde si kaj o Francuzia si but bare skeptikoa baši vakcinacia soske salde 40% taro dizutne si hazri te vakcinirinen pe.

FaLang translation system by Faboba

Од 5 Ноември 2022 достапен документарниот филм на СП БТР „Небо, Точак, Земја„ на Max TV и Max TV GO со пребарување –Видеотека

Mangava te vakerav

6-to Romano Čhavorikanoo muzikakoro festivali 
„Čhavorikano Suno 2022“ – SP BTR

6-ти Ромски Детски музички фестивал
„Детски Сон 2022„ – СП БТР

6th Romani Children's Music Festival
"Children's Dream 2022" - SP BTR

Momentalno Online

       Isi 188 misafirija so dikhena o ROMATIMES.NEWS

o Vakti

 booked.net

Facebook

Majpopularno

Golden Wheel - Entry Application Form

Entry Application Form.docx

Flag Counter

Amaro brojači genjela taro 13.01.2019
Gejnela isto manuša tari koja phuv drabarena amaro portali
Majtele isi sa-ko-sa kozom dikhle o portali

Consola de depanare Joomla!

Sesiune

Informații profil

Utilizare memorie

Interogări bază de date