Socijala

Storia baši terni 26 beršengiri Romani čhaj tari Romania i Bel Barbu tari Juta – USA: „ Bikingje man sar bebe avere familiake – me jerienge vakergje kaj muljum“!

I terni Romani čhaj tari Romani sine bikime amerikansko familijake kana sine bebe.
Angleder jekh berš oj havljargja kaj sine bikimi amerikansko familiake , ama akana bahtale reslja te arakhel ple čačutne jerien prekal suporto e humanitarno organizaciake Operation Underground Railroad. Oj kana bijandili ko oktobro 1994 berš o doktoria vakergje lakere jerienge kaj I Bel si nasvali em ikergje ola ko hospitali a olakere jerien mukhle lent e džan peske khere. Kana irangje pet e dikhen ola o doktoria vakergje olenge kaj oj muli. – Kana iranena pe sine jekh taro medicinsko personali prastandili pala lende te vakerel olenge o čačipa kaj bikingje man jekhe amerikansko familiake. . Mire jeria pire agorutne love dengje len benzineske em gele ko sako domi bašo mukhle čhave te roden man Ama pobuter na sine len love em palo jekh berš nadžanen sine ola kaj pobuter te pučen em te roden man. Bajrardo ki Amerika , oj ni hari na ličinel sine sar ple jeria so sine but parne , Kana sine man ofto berš ola vakergje mange kaj mande lele man sar tikno bebe em mange odova sine baro šok. Ola vakergje mange kaj miro čačutno familiarno anav si Barba kaj sium bijami ki Romania em kaj me jeria namangle man. Bunimi em ladžarkerdi odova garavav sine savorenda, ama I dukh mli nikana na nakhlja – vakerela oj. Ko juli 2019 berš dikhljum FB grupa so del suporto čhaven Romancia so si posvoime. Te šaj arakhen ple familia. Nervozno hramongjum kobor si man berša em o familiarno anav em čudingjum man kana resle desave mesaži odma palo odova. I Sara , džuvli so sine admini ki odoja grupa prependžargja miro familiarno anav em bašo salde 48 časia , oj hramongja mire phraleske e Moisej (20) ko FB. I Sara prebičhavel sine o mesažia maškar I komunikacia Amari em siga havlhum kaj si man phen Simona (33) em phral Florijan (29). Tegani havgjum kaj miri biološko daj akharel pe Margari a mo dat si Zambila so akana dživdinena paše o Rim ki Italia. Resljum but informacie tikne vakteske so irangja pe mange em ko mo šero.
I Humanitarno organizacia , organiziringja em DNK testiriba em sikavgja pe kaj sium me čhaj e Margarake em o Zambila, em ko novembro persi berš I Bel geli ko Rim kote olakere jeria dživdinen 19 berša. – Kana khuvgjum ki avlin em gušingjum me dija odova sine čače euphoria. Dažanav sine kaj sium khere. Odoja rat rovava sine saatencar em nakhljum 4 divesa salde gušibaja me daja em me dade ikerindo len taro vasta. Olengoro mangipa primal mande sine odokhare baro so džangjum kaj ola tane mi daj em mo dat. Sebepi I koronavirusi em limitirime resursia oj našti sine palem te avel ki Italia , ama vakerel kaj ka džal so majsig kana ka oven o vaktia pošukare. – Šaj nikana nane te havav so ulo mancar ked sium sine sar bebe , ama fokusirinava man ko bukja so šaj te kerav olen. Akana kerav buti e organizaciencar konektiribaj em i Operation Underground Railroad, em vakerav miri storia savorenge ko presentacie. Sare so šunena miri storia vakerav kaj šaj te dav len suporto te nakhaven odova biznisi manušencar doniribaja ko humanitarno aspekto em te pakjan ko olengere storie – vakerela oj.

Link: https://www.goalcast.com/2020/09/24/woman-reunites-with-parents-25-years-after-being-kidnapped-at-birth/

Youtube:

Rasistoa ki šerutni čehiakiri diz kergje atako upral kali familia notiribaha e dade sar “Cigan” , keribaja vastea nacistikano "Sieg Heil" em mangen sine te len e tikne bebe

Rasistikano atako upral I familia bebea ki količka sine ki jekvaš I rakj maškar 13 thaj 14 decembro ko busi ki Praga so džala sine ko stasioni IP Pavlovas primal o stasioni Haje, kana duj murša taro 46 em 47 berša dikhlje akale familia kale tenea em bebe ki količka. Baši lende vakerel pe kaj dena sine vika rasisitikane parloencar mujal akaja famia vazdena sine pe vasta sar nacistikano salutiriba , bičhaven sine daravina em mangen sine te gurinen e bebe.
„O šoferi e buseskoro vakergja kaj o duj murša khuvgje ko busi paše ki jekvaš I rakj ko stasioni I.P.Pavlova em vozinen pe sine e busea dži ki agorutno stasioni” vakerel pe ki vaktavin tari I policia. „O murša verbalno atakujnena sine e jerien em e bebe em mabgen sine te chiden ole tari I količka” vakerel pe ki vaktavin . “Kana o dat uštilo em vakergja olenge o duj džene mangle te maren pe olea” „Ko odova vakti o duj persone bičhaven sine nacistikane salutia” vakeren o policiakere raportoa. Premal o raporto taro server informacienge Romea.cz, o manuša atakujnen sine e dade nacistikane em rasisitikane retorikaja anavkeribaja: “ Cigan mangeja li akana te khuvav tut ko muj?“ Premal o šoferi e buseskoro o duj manuša hulile ko agorutno stasioni em džando palem vazdingje piro vast sar nacistikano salutiriba ko drumo akharibaja “Zig Hajl” . Majhari pandž svedokia dikhle akava incidenti ko busi em notiringje o rasistikano atako taro akala manuša. Kana avili e policiakiri patrol o duj džene spontano vakergje kaj kergje nacistikano salutiriba em mangle te keren panda jekh drom em anglal I policiakiri patrol. I policia legargja olen ko majpaše policiakoro stasioni ko metro Haje kaj kergje pharo kriseskoro akti, Angleder odova I policia maglja te kerel lenege em alkotesti so jekh olendar na manglja te kerel odova a o aver so kergja le ikljlo kaj si le 1.7 promilia alkoholi. E familiake so sine terorizirimi ko sasto vakti ko busi del pe bilovengoro advokatsko rodariopa tari I organizacia “In Ustitia” . Sako ko ulo viktimi taro rasistikano atkao kote te ovel ki Čehia šaj te rodel len ko bilovengoro telefonsko numero 800 922 922 bašo suporto.

Link: http://www.romea.cz/en/news/czech/racists-in-czech-capital-assault-non-white-family-call-the-father-cikan-give-the-nazi-salute-try-to-take-their-baby

Huan de Dios Ramires – Heredia Montoja bičhavgja anglalkrečuno mesažo: Moldinen o familiarno barvalipa sar so keren o Roma tari sasti lumia

O pendžarutno špansko advokati, žurnalisti em IRU delegato o Huan de Dios Ramires Heredia Montoja bilčhavgja video anglokrečuno mesažo kote vakerela: „ Ko amende šukare pendžarela m džanena so amenge e Romenge si importantno I familia. Odoleske amen but moldinaja o pašipe em o jekhipa. Amare čhave kana prabdinena pe kerena sa palem te oven em te dživdinen pire jeriencar. Em I familiarno sofra amenge e Romenge sako dive si sar Krečuno em Nevo berš . soske sako dive ko berš amen hulavaja le savore barabutne so isi amen ko khera, hari jali but. Ama avdive o vakti si hari javerčhane. I Pandemia e Covidea so astargja I sasti lumia si brutalno. Amare manuša o majčorole em o majmarginalizirime ačhovena bizi buti soske phanlile o kurke, soske olengiri naformalno profesia. Buti si paše turizmoa em ugostitelstvo . kino bikiniba. Em odoleske pherdo rodena humanitarno suporto kotor mareske.
A o rasizmo na čhinavela upral sa amen siam došakerde kaj amen buvljaraja I epidemia ko pašipe. A o čačipa si aver kaj amen siem maastarde olaja soske aver inficiringje amen akale nasvalipa. Trujal sa ko anav taro IRU em olakere membrora kamaja tumenge loš, baht em tromalipa ko akala bare devleskere divesa sa akale manušipaske” vakerel pe ko video mesažo tari o Huan de Diso Ramires Heredia Montoja so šaj em dikhena la sar video ko akava linko: https://unionromani.org/2020/12/11/para-nosotros-y-para-nuestros-hijos-todos-los-dias-del-ano-es-navidad/https://unionromani.org/2020/12/11/para-nosotros-y-para-nuestros-hijos-todos-los-dias-del-ano-es-navidad/

Bilacho jubileji: 15 bersha tari kandidatsko statusi basho EU e Republika Utarale Makedoniake

Ko 17.12. angleder 15 bersha I Makedonia reslja kandidatsko statusi basho EU. 15 bersha palo odova I them udjarela akaja data zojrakerde blokadaja basho starti ko Pregovoria e EU-ea. 15 bersha palo odova ko 17 decembro 2020 bersh reslja oficialno notacia kaj I them poodoriga si anglal o udara ko Brisel bizo shajdipe te startujnel o procesi. Koincidencia jali ironia ki historia jali pobuter odolestar?Premal e makedoniakoro Govermento akava si puchibe tari bari geostrateshjo feleri taro EU.
„Notirime si o dendo veto tari Bugaria, so na mukhela te pocminen o pregovoria amare themake e EU-ea., trujal so prekal o raportia tari EU phergjem sa o kriteriumia so akcepritirime si ko dokumentia ki mashkagovermenteskiri kongferencia. Amen daja rezultatoa, a I EU na ikerghja po dendo lafi em akava da drom reslem negativno antvortoI Bugaria em I EU palem kerena baro feleri primal I Makedonia , Historisko feleri sar ko 2019 bersh , akana si geostrateshko feleri@ vakeren taro Govermento.
Te ovel pe razocarimo sar faktoria isi, soske angleder 15 bersha I Makedonia sine anavkerdi sar “balkansko lideri” ko integrativno proceso. Kote siam sine a akana kote siam.
Sar ilustaracia kana I Makedonia reslja kandidatsko statusi ko 2005 bersh , o Montenegro panda na sine korkorutni them, Oj uli ko 2007 bersh, amko 2012 oficiajlno startujngja o pregovoria e EU-ea, I Srbija reslja o statusi ko mart 2012 em o 2013 pocmingja o pregoovoria e EU-ea. Avgo them taro ex YU thema so uli membro ki EU sine I Slovenia ko 1 maj 2004 bers. Dujto them so uli membro ki EU sine I Hrvatska ko juli 2013 bersh. I makedonikani eurospko paramis pozmingja sar uli biathinali ko 1991 bersh kana o partie resle koncezus kaj olengoro drumo si I Makedonia ki EU.

FaLang translation system by Faboba

Од 5 Ноември 2022 достапен документарниот филм на СП БТР „Небо, Точак, Земја„ на Max TV и Max TV GO со пребарување –Видеотека

Mangava te vakerav

6-to Romano Čhavorikanoo muzikakoro festivali 
„Čhavorikano Suno 2022“ – SP BTR

6-ти Ромски Детски музички фестивал
„Детски Сон 2022„ – СП БТР

6th Romani Children's Music Festival
"Children's Dream 2022" - SP BTR

Momentalno Online

       Isi 111 misafirija so dikhena o ROMATIMES.NEWS

o Vakti

 booked.net

Facebook

Majpopularno

Golden Wheel - Entry Application Form

Entry Application Form.docx

Flag Counter

Amaro brojači genjela taro 13.01.2019
Gejnela isto manuša tari koja phuv drabarena amaro portali
Majtele isi sa-ko-sa kozom dikhle o portali

Consola de depanare Joomla!

Sesiune

Informații profil

Utilizare memorie

Interogări bază de date