Socijala

UN: I them valjani te kompenzirinel duj e Romane džuvlen taro Šuto orizari soske sine irame te alusaren pire personalno ginekologo

Akava si avgo andi decizia taro UN so notirinela kerdi diskriminacia, tari rig taro ginekologo tari Makedonia upral etnikani funda.
Ko 2 decembro , o Komiteto baši eliminacia taro sa o forme diskriminacia upral o džuvlja ko UN vakerel kaj isi teleperaviba ko niami jekh a jekh tretmano thaj diskriminacia ko duj romane džuvlja taro Šuto orizari soske na sine dendo lenge te resen ginekološko kontrola. Palo 5 berša o UN notiringja kaj isi nepravda em dela pobuter propozaloa dži ki them te šaj eliminirinel pe i praktika tari diskriminacia ki ginekološko kontrole ko Romane džuvlja.
Ko spetemnmbro 2016 berš i S.B. thaj i M.B. dengje Kriseskoro akti ko Skopje mujal jekh privatno ginekološko ordinacia ko Skopje soske ko 2015 berš sine irame em našti sine te alusaren peske personalno ginekologo notiribaja taro medicinakoro personali kaj pobuter na keren kontrole terne pacientenge em nane than. O duj Romane džuvlja rodingje taro skopsko Kriso kaj kerdo si upral olende diskriminacia ušpral etnikani funda em sine lenge telepšeravdo o digniteto kaj šak te ovel olen sastipaskiri protektiva . Ko jekh ko 2015 berš ko odola divesa duj gaja (makedonke) gele ko ginekologo em kergje alusar personalno ginekologo kote sine primime em kerdi sine lenge kontrola.
O Fundavutno Kriso ko Skopje irangja o akti taro duj Romane džuvlja baši diskriminacia tari S.B thaj M.B. sar nafundiribaskiri. Ola gele dži ki Apelacia em odori da notiringje jekh a jekh sar so vajkergja o Fundavutno krisi ko Skopje. Palo sa kerde krisoskere instrumentioa ko 2019 berš i Inicijativa e Romane džuvljake taro Šuto orizari suportoa tari HERA em o Helsinško komiteto manušikane niamenge apliciringje individualno akti baši kerdi diskriminacia upral o duj Romane džuvlja dži ko Komiteto bašpi eliminacia sa o forme tari diskriminacia e džuvlenge ko UN.
Ki 77-to Sesia o Komiteto dikhlja kaj isi diskriminacia upral akala duj romane džđuvlja garantirime aso o Kanoni taro aktia 1, 2 thaj 12 tari Konvenciua , em kerdi diskkriminacia so seksualno em reproduktivno sastipa . O Komiteto notiringja kaj i them na kergja а) praktikani realizacia ko principo tari nadiskriminacia ko reproduktivno sastipaskere aktia. b) efektivno protetkiva bapi diskriminacia e džuvlenge ko kriseksoro sistemo thaj c) te šak lerel pe eliminacia tari diskriminacia upral akala duj romane džuvlja taro involvirime persone odnosno privatno ginekološko ordinacia.
Akaja decizia taro Komiteto si avgo asvaki andi decizia mujal i Makedonia em si importantno soske jasno prepenđargja i diskriminacia upral o Romane džuvllja em o zaruripa tari participativno sastipaskiri protektiva konektirime prekal olengoro seksualno em reproduktivno sastipa . O Komiteto vakerel kaj na akceptiringje pe konkretno aktia tari i them kote valjani te vazdel pe i gind ko krisaria baši kerdi diskriminacia em pravno aspektoa sar faktia.
Aso o notirime propozaloa taro rig e Komiteteske ki eliminacia ko sa o forme tari diskriminacia ko džuvlja, i Inicijativa e džuvlengiri taro Šuto orizari rodela:
- I them te del lovengiri kompenzacia e romane džuvlenge sebepi materialno em moralno zijanitaro na participativno akti dži ko ničale ginekološko kontrole;
-O Ministeriumi sastipaske ko avutnipe te kerel bilovengoro sastipaskere protektive ko Romane džuvlja so si viktimia tari diskriminacia em nahumano tretmano;
- So majsig te startujnel bukjaja i nevi ginekološko ordinacia ki komuna Šuto orizari so notiringja la o Ministeriumi sastipaske , a panda nane ki funkcia;
- O Ministeriumi sastipaske te kerel praktika e medicinsko persdonaleske , majbut e ginekologonge ki konekcia baši kerdi diskriminacia upral o Romane džuvlja em olengere specifično zaruripa sar kotor taro kontinuirimo medicinakiri edukacia;
- O Govermento tari Republika Utarali Makedonia saste te havljarel o ande decizie em propozaloa taro o Komiteto resarinaja te oven informirime sa o sektoroa ko sasoitnipa em ki them.
Dopherdo ,, i Incijativa e džuvlengiri taro Šuto orizari m suportoa tari HERA em o Helsinško Komiteto manušikane niamenge , ka den rodaripa , ka kerel rodaripa palem te vazdel pe Kriseskoro akto resarinaja te iranel pe o digniteto ko Romane džuvlja.

Germanija: Hohavno info jali čačipa – Rodena pe kandidatia so bašo 11.000 eura ka pašljon 30 divesa ko krevetic

Akava si sar lačhi buti lovenge – 11.000 eura bašo 30 divesa te pašljol ko kreveti. Odova so si sar suno akana si šansa so dela o Germansko havaeskoro centro (DLR).
Ko Keln ko centari rodena 12 muršen em 12 džuvlen e studiake taro DLR so kerel ko anav tari NASA 2021. I studia ka ovel 60 divesa. Olestar 30 divesa pašljojbe ko kreveti.
DLR vakerel kaj ka pukjinel 11.000 eura te čleln than ko studie.
“ Numa odova nane lokhe lende love, vakerel I Andrea Niče taro DLR. Oj kerel I selekcia taro kandidatia em vakerela akava: Nane salde pašljojbe em odmor.
Okola so ka khuven ki slekecia ka valjani 30 divesa salde te pašljon ko krveti o šero potele tarto pire, jali 6 stepenia.
Našti lena ni lil tari polica ni šea taro škafo. „E muršenge si phareste“ vakerel i Niče. I studia si barabutne 60 divesa konektirime em duj kurke aklimatizacia em duj kurke dopherdi kontrola.
Asavke studie sine kerde angleder ko DLR . Keren pe bašo ispitiba aso degenerativno refleksie em te simulirinen pe o bihavaeskoro situacia ki orbita.
“Odoleske ka ovel pobuter aktia numa na salde “pašljojbe ko kreveti” vakergja I Niče. Ka ovel pobuter eksperimentia upral o kandidatoa , pobuter kana ka agorkerel o “pašljojbe ko kreveti” Am aka oven eksperimentoa em kana pašljola pe ko kreveti. Palo pašljojbe ko kreveti ka oven 14 dive faza tari rehabilitiacia.
O kandidatoa trubul te pheren pobuter specifično špartia . Sar majanglal te oven maškar 24 thaj 55 berša. I telesno masa odnosno o BMI te ovel maškar 19 em 30 thaj te oven uče maškar 1.53 thaj 1.92 m.
Trujal sa o kandidatia valjani te oven mentalno thaj fizički saste. I studia ka ovel taro april dži ko juni 2021 berš. Mangen te oven tumen da kotor tari akaja studia?. O zainteresirime šaj akharen ko telefoni 02203 / 601-5347 jali ko E.mail: Această adresă de email este protejată contra spambots. Trebuie să activați JavaScript pentru a o vedea..

Link: https://www.6yka.com/novosti/njemacka-traze-osobe-koje-ce-za-11000-eura-lezati-30-dana-u-krevetu-evo-ko-se-moze-prijaviti

 

Eurostat: I Bugaria si majčoroli nacia ki Europa!

Premal o agorutne informacie taro Eurostat, i Hrvatska si dujto majčoroli them ki EU thaj salde i Bugaria si počoroli olatar.
Majbarvali si o Luksemburg kote 35% upreder europakoro proseko,, dujto si I Germania 22% upreder o proseko ki Europa.
I Austria, Danska, Belgia, Holandia, Finska, Francia thaj I Švedska si I gruoa taro thema kote realno individualno hardžipa si maškar 9 thaj 18 % upreder proseko ki EU.
I Romania nane ki odoja grupa , ama si dur tari Hrvatska, so nakhavgja la panda ko 2015 berš ki lista.
Odova berš odola duj thema sine po 58% telal o EU proseko , a akana primal o neve informacie taro 2019 berš , I Romani si 79% taro proseko ko EU a I Hrvatska si 66%.

Ikergja pe o avgo Video koordinativno mitingo bašo Operativno plano ko umalja tari Romani kultura

Sar jekh taro prioritetoa ko institucionalno inkluyia eromane jekhinake ko institucie e kulturake ki them thaj te šunen pe sa o riga so si involvirime ko aktivitetoa tari I kultura, tradicija em I čhib thaj deiba propozalo ko idee, koncepti, program thaj proektoa so palo odova ka implementirinen pe sar Operativno em akcisko plano ki kultura ko avutne duj berša pali inicijativa taro deputato I Ljatifa Šikovska ikergja pe Video koordinativno mitingo nekobor Romane khedipa, Asociacie, Organizacie kaskere aktivitetoa si ko umalja tari I kultura.
Odothar valjani te ikljon sa o idee em koncepti so palo odova ka oven implementirime sar Operativno akcisko plano 2021 / 2020 so ka ovel dendo dži ko Ministeriumi kulturake . Diskutiringja pe ko pobuter teme em sebepi pobuter punktioa notirime si kaj ka ikerel pe panda jekh Video koordinativno dikhiba ko 19 decembro -Savato taro 12 o časo.

FaLang translation system by Faboba

Од 5 Ноември 2022 достапен документарниот филм на СП БТР „Небо, Точак, Земја„ на Max TV и Max TV GO со пребарување –Видеотека

Mangava te vakerav

6-to Romano Čhavorikanoo muzikakoro festivali 
„Čhavorikano Suno 2022“ – SP BTR

6-ти Ромски Детски музички фестивал
„Детски Сон 2022„ – СП БТР

6th Romani Children's Music Festival
"Children's Dream 2022" - SP BTR

Momentalno Online

       Isi 80 misafirija so dikhena o ROMATIMES.NEWS

o Vakti

 booked.net

Facebook

Majpopularno

Golden Wheel - Entry Application Form

Entry Application Form.docx

Flag Counter

Amaro brojači genjela taro 13.01.2019
Gejnela isto manuša tari koja phuv drabarena amaro portali
Majtele isi sa-ko-sa kozom dikhle o portali

Consola de depanare Joomla!

Sesiune

Informații profil

Utilizare memorie

Interogări bază de date