Socijala

„Vakcina pasporto“: Bizi leste ka našti te dromara

Sar resela I vakcina o bukja ka trampinen pe ama dži ko kova nivelo? Em so si odova “vakcina pasporto”? Udžarel pe masovno vakcinacija te lokharel o nakhiba o simantre em ko agor te relaksirinel o limitiriba e manušengoro sko vakti tari akaja oandemia, ama našti te nakhavel pet e čhivel pe o pučiba ka mangen li o korkoro manuša odova te keren – te kinen peske bileto bašo tromalipa e vakcinaja jali te thavden pire agonijaja taro blockade em karantini.
Problemi si o validiteto e agjaar anavkerde “ digitalno sastipaskoro pasporto” jali “Vakcina pasporto” so pobuter anavkeren la desave manuša , soske panda nane oficialno zojrakerdo kaj odova ka ovel sar dokumento so ka čhinavel o buvljaripa e viruseskoro prekal o simantre,.
Dži kote akala pasportia jekhe rigatar ka oven sar iraniba o tromalipa ko phiriba e dizutnenge so sine lendo lender tari pandemia , a aver rigatar del pe o pučiba taro etičko kodekso o potencialno teleperaviba personalno tromalipa em privatiteto. Okola so kergje rodaripa o pučiba taro privateto em ilustriringja o problem hipotetičko situacijaja: dikhen naprimer te zamolinen tumen te sikaven piro sastipaskoro statudi ki javnost, bizi diferencia si li rezultati taro testi tari koronavirusi jali vakcinacia, te šaj te khuven ko restoranti , khangiri jali ko busi. Nesave mahuša ka šaj tromale te phiren , a okola so sar egzamplo nane inficirimee virusea ama em nane vakcinirime ka našti tromale te phiren . Ko jekh isi pučiba so hulavela pe
Personalno sastipaskere informaciencar taro trinto manuša. I aplikacia so faisalkerel si Digital proekto „CommonPass“ ko desavo nivelo te šaj faisalkerel o problemia so čhinaven I decizia te anel pe I vakcina pasportia. I aplikacia „CommonPass“ dela tronalo hulavipa e sastipaskere informacie , a o švajcarsko naprofitno organizacia so kergja le o „CommonPass“ vakerel kaj I mangin akale aplikaciakoro si “te šaj te poven digitalno instrument bašo sasto šukaripa”

BiH – Kakanj: O kazandžisko zanati si sar arti, a o Romane artistoa phareste egzisitirinena

O kazandžisko zanati si but purano, jekh taro asavke agorutne purane zanatčie ki romani mahala ko Kakanj – BiH si em o Paša Bajramović.
Ov vakerela:“Ki miri familia akava si generacisko zanati so sine tari kustik ki kustik. Me taro miro čhavoripe sium sine e čekičea em e kazandžisko zanatoa, Mo dat, oleskoro papu, em parapapu sine perfektno kazandži, em olendar sikljiljum akava zanati em džava e tradicijaja majodiriga kote akava zanati pohari sar te merel“ vakerel o Paša. Akava pirano zanati e pašaske si fundavnutni buti so parvarel pire familia. Palo nekobor generacie, vakerel o Paša majpakjavutne ov ka ovel agorutno so kerel buti akale zanatoa. „O čhave nane zainteresirime akale zanatoske, a ko škole da nane asvko smeri ko zanatluko em niko na siljola“ vakerel o Paša.
O Paša vakerel kaj o kazandžuisko zanati si sar arti . Ov vakerel kaj ko 2009 berš formiringje Asociacia „Kazandžiluk“ Kakanj kote so keren sine nekobor eksponatsko performansia.
Odoleske kergja em jekh eksponati pendžardo sar Purani phurt. Odova eksponati o Paša sikavel le bare bahtaja. Trujal akava eksponati o Paša kergja em o eksponati i Phurt taro Mehmed paša Sokolović ko Višegrad (I phurt ki Drina) em o Ibrik so si uče duj metria. O kazandžisko zanati si arti, a o Roma panda majbare artistoa ko avdisutno vakti so phare resena te egizsitirinen dive divesea.

Nostrdamus napakjavutne vizuelno percepciaja baši Makedonia – Ko 2026 berš e Makedoncon udžarela len baro maripa!

O baro francusko proproko Mišel de Notrdam, majpendžardo sar Nostrdamus , visionersko kergja but bare bukja so pakjala pe kaj čače ka oven jekh dive. Ole sine le vizia kaj ka ukljel pe ki Mesečina, o meripa taro thagar Henri II , o mudaripa taro amerikansko president o Kenedi… em ake so ov panda vizioniringja:
Premal o Nostrdamus , I teritoria tari makedonia ka ovel la importantno rolja ki nevi agorutni “trinto lumiakoro maripa” so nane te ovel salde tea li lenge godi, soske “I jazija e manušeskiri nane ki natura, numa ko oleskere vasta” em kaj jekhutne salde ov “o manuš” šaj te čhinavel akaja bari kataklizma em piro korkoroperaviba.
-Thardi lamb aka ovel dikhli rakjate paše I Roma. Bokh thaj mariba ka aven em o suporto nane te avel ko vakti, kana I Persia ka mobilizirinel pe te lel I teritoria tari Makedonia.
O vizier taro majbaro vizioneri ki historia e manušeskere civilizaciake o Nostrdamus vekoncar tinanel sine e lumia. Akava doktori prekal medicinakere nauke dživdinel sine ko vakti kana I nauka sine ko majteluno nivelo.
Pire vizionersko džanlipaja , khuvgja hor ko vakti taro akala thana , kergja vizia buteder aktenge so čače avile ko avdisutno vakti em tinanen e saste lumia!

Vaclav Sivak, supertalenti ko boksi

O Vaclav Sivak (21) si Rom em šampioni ko boksi ki Čehia. Ko turniri kote avile o majšukar bokseria ki Čehia o Sivaj sine dominantno em sikavgja kaj o Roma si bare talentoa ko boksi.
Liparibaske si kaj ko starti tari dekemvri o Sivak ki pli kariera ulo šampioni em lelja trofei sar majšukar kik bokseri ki Čehia ki kategoria WAKO K1 Turniri, kana pire rivalen ki kategoria dži ko 63.5 kilogramia eliminiringja len lokhipaja.-
Trujal so o Sivak ko akava turniri avilo sar amateri em nisave šancencar ov khere irangja pe sar šampioni , kote sa o bare sportsko mediumia ki Čehia pučlje pe: “Dali akava supertalento tari Čehia ka resel pans ate marel pee m ko bare europsko arene?
O korkoro Sivak vakerela: „ Barilum ko but phare vaktia em sa sine premal odova kaj ka agorkerav ko desavo bilačho drumo. Mo dat legargja ma ko sportsko drumo, em ko agor ikavgja ma ma te ovav problemašno čahvo taro drumia em agjaar uljum sukcesialo ko sporto ki Čehia.“
Akala lačhe startia ko sporti dena garancia kaj palo desave decenie oleskere ka kerel pe lafi sar legenda ko boksi sar so akana kerel pe lafia bašo o Džonatan Trolman jali o „Romano boksersko king“ o Tajson Fjuri.

Link: http://www.romea.cz/en/news/czech/romani-kickboxer-becomes-czech-champion-in-classical-boxing-as-well-will-the-big-promoters-notice?fbclid=IwAR1B0klMSz0cKL5NPrN6p26MEeVFyrPDLJw0THa61lIzo3Crg-EskLlK6Xs#.X9cJGofuzoE.facebookhttp://www.romea.cz/en/news/czech/romani-kickboxer-becomes-czech-champion-in-classical-boxing-as-well-will-the-big-promoters-notice?fbclid=IwAR1B0klMSz0cKL5NPrN6p26MEeVFyrPDLJw0THa61lIzo3Crg-EskLlK6Xs#.X9cJGofuzoE.facebook

FaLang translation system by Faboba

Од 5 Ноември 2022 достапен документарниот филм на СП БТР „Небо, Точак, Земја„ на Max TV и Max TV GO со пребарување –Видеотека

Mangava te vakerav

6-to Romano Čhavorikanoo muzikakoro festivali 
„Čhavorikano Suno 2022“ – SP BTR

6-ти Ромски Детски музички фестивал
„Детски Сон 2022„ – СП БТР

6th Romani Children's Music Festival
"Children's Dream 2022" - SP BTR

Momentalno Online

       Isi 186 misafirija so dikhena o ROMATIMES.NEWS

o Vakti

 booked.net

Facebook

Majpopularno

Golden Wheel - Entry Application Form

Entry Application Form.docx

Flag Counter

Amaro brojači genjela taro 13.01.2019
Gejnela isto manuša tari koja phuv drabarena amaro portali
Majtele isi sa-ko-sa kozom dikhle o portali

Consola de depanare Joomla!

Sesiune

Informații profil

Utilizare memorie

Interogări bază de date