Muzika

I Internacionalno čeren – Manu Chao mangela I romani muzika

O francusko muzičari , špansko darhiencar o Manu Chao si internacionalno muzikakiri čeren so isi le but sukcesiali kariera. O Manu Chao na legarel pe sar desavi čeren , thaj si pendžarde prekal oleskere protestoa kana isi bilačhipa e manušenge. Pobuter droma ko socialno netvorko o Manu Chao del sine suporto jali kritike vash sasoitne anomalie em problemoa.

Šaj hari džanena kaj o Manu Shao dži akana pobuter droma sine le em koncertia ki Makedonia em Skopje.

Ko vakti kana jekh drom ikergja baro koncerti ko Skopje angleder deš thaj pobuter berša ko SRC „Plaja Vista“ kote avile 10.000 publika ki organizacia taro „Litium rekords“ ko vakti taro tonsko proba ki Plaja Vista kote ki odoja lokacia sine em stacionirime i romani TV BTR- Nacional . Ko vakti taro pause o Manu Chao em o bendi sine len šajdipa te dikhen em te aven ki visita e TV sudioske taro TV BTR Nacional em dikhibaja i tv programa sine em pobuter romane gilja ki programa.

Ov em i ekipa sine fascinirime tari romani muzika em ko vakti kana sine ko Skopje kana gele ko desavo lokali ola rodingje si li nesavi grupa so bašavela Romani muzika. . Ov jekhutne zamanglja akaja muzika kote ko plo eksluzivno em specialno dendo intervju e TV BTR Nacionaleske vakergja sa pire impresie bašo o Roma em i Romani muzika sa okova so dikhlja em šungja olenge.

Trujal so o Manu Chao si planetarno pendžardo oleske šaj vakerel pe kaj si jekh but skromno, čačutni em phravdi persona savorencar.

Pijanisti tari Makedonia bizo vasta impresioniringja e žiri ko germanko šou „Supertalent“

Josafat Raman 17 beršengoro pijanisti tari Makedonia bizo naja ko pire em vasta keribaja piro performansko taro saundtrak e filmeske „ Rejkviem bašo suno“ impresioniringja e žiri taro germansko televizisko šou „Supertalent“ ko RTL.

O ramani sdo si biame em barilo ko Skopje, Šuto Orizari so pandž berša si ki Germania si biame agjaar.

„Odova si genetsko defekto“ vakergja ov e žiriske, „Nane man saste vasta em naja, a legarav em protesa ko telune kotora taro pire“.

O Ramani reslja „Oja“ taro sa o trin membroa ko žiri.
O muzikakoro performansi ko „Supertalent“ taro Josafat Rama šaj dikhen le ko akava linko:

Link: https://www.rtl.de/videos/klavierspieler-josafat-raman-flasht-die-jury-5daae432d15e98407b69b5d4.html

Marija Šerifović: „ Me ka pukjinav thaj ka čhivav ko kher e familia“

I giljavutni Marija Šerifović holjame kergja reakcia ki storia so frdingje taro kher avrial e familia Osmani taro Dorčol, Beograd, em ka del finansisko suportho.
Ola ko odova frdibe taro kher grupa policajcia chidingje e familia , em e nasavle romnja so si la karcinom sine ikavdi nosilkencar.

„Čače.. Ki akaja miri lačhi Srbija , našti niso aver iznenadinel man ... Na džanav sar te vakerav kobor sium holjame em isi holi ki mande...Ama ake ma te vakerav odovba so mangav soske nekaske šaj te ovav bezobrazno ...Te sine nekaste kontakti e familijaja... me ka pukjinav em ka arakhav kher e familiake“ hramosargja i Šerifović ko plo Twitter profilo.

Te lipara kaj ki notirimi akcia „ Učharin upral o šero“ i familia Osmani beršencar džividnela sine ko akava kher ko drom „Dunavska „ 30. Olengoro kher so si kerdo panda ko 1934 berš ko 2015 berš sine taro jekh drom kosli taro Katastar em saste sar te na ovel kher ko odova than.

I Romani giljavutni Glikeria Kotsula tari Gercia giljavel sine anglal 200.000 manuša asvencar ko jakha

I pendžardi romani pop gilajvutni Glikaeria (66) pli solo kariera počmingja la panda ko 1974 berš.

Olakoro stili tari interpretacia si apsolutno aver, pherdo horipa, melahonia em but bari emocia.

Oj dži akana ki olakiri upreder 40 berš muzikakiri sukcesiali kariera isne la giljavde but pendžarde muzičarencar.

Ko jekh muzikakoro performansi ko Izrael ko nilaj 1993 berš . Odova giljajbe notiringja le pire giljabaskiri verzia tari pemdžarutni izraelsko folk gili “Shabechi Yerushaly'im” (“Pfalbe Rajonalen e Erusalimeske!”) ki hebrejsko čhib.

Olakiri hor konekcia e Izraekea kulmiringja ko 1998 berš kana sine akhardi te giljavel ko jekh memorialno koncerti bašo Jizak Rabin so sine mudardi ko 1995 berš.

Oj ko odova koncerti gilajga i kompozicia asvencar ko jakha anglal 200.000 publika ko ploštadi Rabin ko Tel Aviv.Ko odova koncerti bašavgja i izraelske filharmonia.

FaLang translation system by Faboba

Mangava te vakerav

TV BTR NACIONAL

Momentalno Online

       Isi 552 misafirija so dikhena o ROMATIMES.NEWS

o Vakti

 booked.net

Majpopularno

Golden Wheel - Entry Application Form

Flag Counter

Amaro brojači genjela taro 13.01.2019
Gejnela isto manuša tari koja phuv drabarena amaro portali
Majtele isi sa-ko-sa kozom dikhle o portali