„I Esma sine amaro ambasadori, numa na akreditirime taro themakere innstituvcie thaj limitirime mandate, numa akreditirimi taro manuša vilea thaj nalimitirime mandatoa” vakergja o moderator Ramuš Muarem Cirko erati an o kino “Frosina” ko Skopje  kana startujngja o performanso “Ko lipar e Esmake , ma te ovel bisterdi”

O koncerti so organiziringja I Humanitarno asociacia I Thagarutni I Esma thaj Stevo Teodosievski “ thaj I SP BTR Produkcia sine sebepi 80 berša sar bijandili I Esma  sar thagarutni e romane giljake thaj muzikake, jekh taro majbare amare kulturakere lumiakere ambasadoria.

Jekh taro o giiljavutne ko koncerti sine em I Hajrija Bislim, so si la salde 13 berša, odola berša kana I Esma garavindo taro pe jeria počmingja te giljavel ko jekh natprevar “O mikrofoni si tumaro” em viktoriringja. Šuže vokalea em impresivno interpretacia I tikni Hajrija sine sar I Esma, ama e Esmake nane nikana niko kopija sar so vakergja o moderator. Giljavgja em olakoro papo  R.B.Ramko o pendžardo romano giljavutno em giljjavgja I gili tari Esma I “Svadba makedonska” em kergja euphoria ki publika.

„Amare dajake nane trampa, nanre kopija, oj si jekh.  But pobuter zaslužingja” vakergje but giljavutne.

Than lelja em I folk diva Suzana Gavazova kote vakergja kaj I Esma sine lake idoli a I Aneta Ljumakovska ko agor e koncerteske giljavgja I gili “Čekaj Živote”  Bašaven sine o orekstar “Titanik” a kotor taro Esmakoro repertoari giljavgje em o Bernat Demirali em o Ervin Ametovski.

Ki pli poema “I thagarutni ko Madćir Maalo” šukar ilustriringja ola I žurnalisti Valentina Pargo.

Ko agor e koncerteske  o organizatori Zoran Dimov angleder te akaharel sa e giljavutnen te giljaven I gili “Čhajorie šukarie” ov vakergja akava da:“ Oj sine romni bare ilea. Mukhlja ma te locirinav i televizija ko lakoro kher. Sako drom vakerel  sine„ma sekirin tut ka usepejne me sium akate ka pomožinav tut. But humanitarno kncertia kergja te pomožćinel čorole, bokhalen, nasvalen . Vakerel sine Vakerel sine  kaj o barvalo trubul te del e čoroleske, Me dikhav sine la sar mi dujto daj, vakergja o Dimov. Ko koncerti than lele i folklorno grupa taro ansambli „ Studio folklor Skopje“ uravde sar i Esma – I publika sine but čali em vakergja kaj asavke koncertia valjani te oven tradicionalno em ko pobare sale.

O koncerti pomžingje o Ministerstvo Kulturake em I diz Skopje, isto o PAKOMAK a snimingja I televizija Telma. O slike si taro fotoreporteri Mitko Janev

SP BTR barabutne e Humanitarno asociaciake „I thagarutni Esma thaj Stevo Teodosievski“ko Trintodi ko 22 Novembro ko MKC kino „Frosina“ an o Skopje startoa taro 19 o časo organizirinnel e jekh čačutno unikatno scensko muzikakoro erformanso anavea „Ki lipar e Esmake bašo ma te bistrel pe“

Akava akti si ki jekh forna sar notacia e beršeske taro 80 berša sar bijandili i thagarutni e Romane giljake thaj humanitarco bare ilea – i thagarutnni Esma Redžepova Teodosievska.

Ka giljaven  pe  gilja taro baro muzikakoro opusi tari Esma  Redžepova Teodosievska kote ka giljaven pendžarutne muzikakere anava taro makedonikani em romani estradsa. Kotor taro gilja ka giljavel i Suzana Gavazova, Aneta Ljumakovska eks vokali ki grupa Molika, Ramadan Bislim Ramko, Hajria Bislim, Bernat Demirali thaj Ervin Ametovski. Ko akava pperormanisi ka ovel sikavdo dokumentarco e esmake ki produkcia taro SP BTR thaj ka ovel drabardi pema e Esmake taro žurnalisti i Valentina Pargo.

Akava muzikakoro performansi suportime sine taro Ministeriumi e kulturake thaj i diz Skopje Akharde si numero amala thaj okola so respektirinen o aktia tari Esna , themakere reprezentoa thaj kotor taro diplomatikano kor.