Muzika

Marijana Demireva – klasično muzikaja dži ko majlačho dživdipa

I Bigarsko diz Sliven isi jekh taro majbare romane getoa ki Evropa. Odori o romane čhija ko 12 -13 berša mukhen i edukacia em mukhen pe ko riziko tikneberšengere prandidnenge.

 

Numa o Nikola Demirev taro Sloven angja decizia pire čhijake i Marijana te chidel la taro odoja jazia em te buvljarel olakere horizontoa.

 

I Marijana startujngja te sikljol em te džal ki muzičko škola- sektor violončelo ki škola taro Gjorgji Kalajdžiev, učo artisto em korkoro nekana dživdinel sine ko geto.

 

Ov avdive si baro em pendžardo violinisto so educirinel klasično muzika nekobor romane čhavenge. Sa akava si finansirime tari Germania a o romane čhave ikergje em piro koncertia anglal i publika, ki bari sala „Bugaria“ ki Sofia.

 

„Ko educiriba e muzikake amare  čhave na sikljoven salde te bašaven numa resen em kulturasyo dela len suporto te eliminirinen o romano mentaliteto em i tradicia“

 

E muzikaja akala čhave tromalkergje pe tari i phari jazia . tikneberšengere prandina.

Akava na reslja te kerel dži akana ni jekh institucia „ vakerel o Nikola Demirev so sebepi piro hendikep (kororo) reslja pire čhaja te ikavel ola taro geto em te del la normalno dživdipa.

 

Angleder o komšie asana sine lenge soske si fakti kaj olengiri čhaj bašavela sine , sebepi so gindinen sine kaj salde murša šaj bašavena. Ama avdive si garvasiale e terne čhijake so bašavela klasično muzika.

 

Youtube: https://www.youtube.com/watch?time_continue=1&v=TC-VEmnITxc&feature=emb_logo

O Govermento tari Srbia neve kanonea: O muzičaria trubul te ovel olen licenca em parafirimo kontrakto e kafanencar. O globe si bare

 Te kergjen bijav em angažirinen orketsro bizi licenca, o gazda ka pukjinel globa!

E estradno artistia, muzičaria, giljavutne na ka šaj te ovel len tezge ko restorantia em aver bijava, ka našti te bašaven em giljaven te na sine len kerdo kontrakto bukjarne angažmaneske, si i majnevi andi decizia taro Govermento e Srbiakoro.

 

 

O nevo kanoni ka ovel implementirime taro 1 avgusto 2020 berš. O globe šaj resen em 2.500 eura!

 

O organizatoria e bijaveske jali aver party sar egzamplo o džamutro te angažiringja orkestar bijaveske, šaj te ovel globime te lelja orkestar so nane le licenca, a o gazdia restorasnteske šaj te ovel lenge phanlo o restoranti.

 

Okola so nane te respektirinen akala kanonikane aktia ka pukjinen penalia taro 70 - 80 eura te angažiringje oreksttri ili muzičari bizi licenca em angelder na kerdo kontrakto o globe šaj resen taro 150 dži ko 2,500 eura.

Gipsy Kings

O Gipsy King so grupa kerdi taro flamenco , salasa em po muzičaria taro Arlee m Moneplje ki Francia a si prezentirime sar Andalizijcia.

 

Trujal so o džene ki grupa si biame ki Francia, olengere jeria si špansko Roma so našle tari Katalonia ko vakti taro civilno mariba ki Špania ko 1930-to berša.

 

Ola si pendžarde kaj angje I katalonsko rumba, muzika orientirime primal pop, em hari drueste taro flamenco muzika, so sikavgje ki publika ki lumia. I grupa majanglal peste anavkeren pe sine sar Los Reyes.

 

Olengiri muzika si ekstra stili tari rumba, flamenco em pop stili, em butedergilja taro Džipsi King si antvorto ko socialno tanco sar so si salsa em rumba.

 

Olengiri muzika si ilustririme sar than kote o “špansko flamenco em I romani rapsodia sprimesencar tari salsa fank.

O Džipsi King sine fundirime taro phralja ko familia Reyes em Baliardo. O phralja Reyes si unukia taro Manitas de Plata, a o phralja Baliardo si čhave taro Manitas de Plata.

 

  • Nikolas Reyes – funderi, šerutno vokali, čhavo taro Hose Reyes
  • Fransoa (Kanut) Reyes - vocal , gitara, čhavo taro Hose Reyes
  • Andre Reyes – vocal, gitara, čhavo taro Hose Reyes
  • Pachai Reyes - vocal, gitara, čhavo taro Hose Reyes
  • Pablo (Paul) Reyes - gitara, čhavo taro Hose Reyes
  • Tonino Baliardo – funderi, legarutno gitaristi
  • Diego Baliardo - gitara

• Pako Baliardo - gitara

Branko Ristić: Tari romani mahala ko Gornji Milanovac dži ko lumiakoro baripa ko Sidnej

O korkorosikavdo muzičari Rom Branko Ristić reslja lumiakoro baripša, a akana neveberšeske bašavel sine ko plo bijando than

 

„Avrial ko stranstvo čače si pobare o šanse te ove sukcesialo em majbaro, ama mli diz isi la majbaro vilo“ vakerel o violinisti o Branko Ristić

 

Sar si odova majanglal te ovel skroz tele a palo odova te ove majučeste ki pli korthik hošđingja o violinisti Branko ristić. Rom biamo mki romani mahala Grabivice ki Gorni Milanovac, em gelo ko London em ulo lumiakoro pendžardo muzičari.

 

Taro čorolipa em bibhat ikavgja le i britanka anavea Fejt, si irangja leskiri jazia. Ola duj džene bašavipaja violina em harmonika kergje bum a olengiri kamlipaskiri storia na mukhlja nikaste ramnodušno.

 

Ama akava Rom nikana na bistergja plo biando than em but droma avel sine khere em akana neve beršeske 2020 šaj sine te bašavel kaj mangel ki lumia ov alusargja em bašavgja ko Gornji Milanovac

- Nikote e manušen nane len odoja emocia sar so isi len akate. Me nakhljum sasti lumia em džanava. Avri šaj si pobare o šanse te rese dži ko sukcesi em te ove pendađrutno  ama khere isi len majbaro vilo. „ vakerle o branko Ristić.

 

E bašajpaja tari violina rovena buteder, soske džanel šperfektno te pogodinel i notas em o toni . Ov akava nilaj sine le bašajbe ko Syabor taro violinistia ko Pranjani em ked šunge le odma mangle te bašavel neveberšeske em ko Gornji Milanovac, kote giljavgja em i Mira Škorić.

 

Ov pe kamljake i Fejt planirinel panda but kvalitetno proektia em ko anglo nilaj planirimi si leske turneja ki Australia.

-Amen o duj džene phanaja amen napakjavutne. O Tradicionalno e modernoa , o romane tonia e klasično muzikaja” vakerel o Branko.

 

FaLang translation system by Faboba

Mangava te vakerav

TV BTR NACIONAL

Momentalno Online

       Isi 453 misafirija so dikhena o ROMATIMES.NEWS

o Vakti

 booked.net

Majpopularno

Golden Wheel - Entry Application Form

Flag Counter

Amaro brojači genjela taro 13.01.2019
Gejnela isto manuša tari koja phuv drabarena amaro portali
Majtele isi sa-ko-sa kozom dikhle o portali