Tradicionalno sar sako berš akava da berš ko periodi taro masek juli an o Skopje 25-to drom ka organizirinel pe o Mis Internacionalno  majšuži romani čhaj 2017 berš.

An i konkurencia e titulake akava da berš ka len than o majšuže Romane čhija taro nekobor thema konektiribaja thaj i R.Makedonia.

Odoleske o organizatori SP BTR Produkcia akharela sa e kandidatke Romane čhija tari sasti lumia te aplicirinen an o akava alusariba.

O decozia lp ka lel than ko akava beršeskoro jubilarno 25-to ko niče Alusar Mis Internacionalno Romani čhaj ka anel i decizia tari komisia.

Ko aktivitetia e snimibaske e neve dokumentrano filmeske "Lokalno heroia - Lumiakere Talentia" SP BTR Produkcia thaj Produkcia Studio 7 sar kotor taro o dokumentarno filmi kergje intervju e profesorea Emir Kusturica, pendžardo thaj phursarkerdo režiseri taro lumiakoiro kalibri. Pv ko dendo intervju e ko producentea e filmeske Roran Dimov maškar o aver vakerela o motivi snimiba filmia e romane tematikaja.

Ko jekh momenti ov vakerela: " Me taro mle čhavorikane divesa bajrovava e Romencar, me sium olencar sasto mlo dživdipa. Odola manupša si kotor mandar em me olenndar. Amen savore siem Roma"

Ov ko jekh kergja lafi ko vakti snimibaske o  duj filmia Romencar: "Dom za vešanje" thaj "Crna mačka bel mačor" i buti e Bajram Severdžane - Dr Koljo. Ov vakerela: "O Koljo si akteri si raritetno te resel pe. Ole isi khanči so aver profesionalcon nane len. Ov si akteri so bibahtake khelel akate an o Balkani, te sine akteri tari Europa jali avrial olatar ole ka ovel le sine bari kariera!.