Jekh taro majpendžarde romane legende sar ule o roma si i legenda taro Luri, kote  persiakoro poeto Firdus notirinela an o piro lil "Lil e thagarenge" šanda ko 420 berš anglal i nevi era kote kerel lafi bašo Bahram - Gur , e lačhe ileskoro thagar tari Sasadinsko dinastia so mangel sine oleskere manuša te lokharel o dživdipa, alo an i idea te arakhel desavi forma lošalipa nadžanlipaja kaj ka ovel le but bari rolja an i historia akale naciake.

Jana dikhlja kaj oleskere manuša taro dive ko dive si sa majbibahtale soske keren sine but buti bizo te oven hari relaksirime, o Bahram -Gur taro thagar tari Kambodža thaj e indiakoro maharadža o Šankala rodingja taro olengere manuša te alusaren jekh majbari grupa manuša so si len talento bašo bašajbe thaj kheliba so ola kergje odova: thaj tikne vakteske sar bakšiši taro indisko Maharadža sine legarde 12.000 muzičaria.

Te šaj te dživdinen ple bukjaja o Bahram -Gur dengja olen phuv thaj alatia em seme te šaj te keren odova da buti.

Sebepi 8-to Aprilo o Internacionalno dive e Romengoro organiziribaja bukjarne sesie ko keriba jekhminuteskoro video e siklencar tari FŠ Brakja Ramiz thaj Hamid tari komuna Š.Orizari, startujngja o aktivitetia an i realizacia e 15-to Internacionalno filemskoro festivali "Somnakaeskiri Rota 2017 ".

I filmsko proekcia taro 13 filmia an o akaleberšeskoro repertoari startujnela i proekcia taro filmsko programa an o 10 April an i Kinoteka e R.Makedoniake.

O aktiviteti džala majodorig thaj avdive ko 11 April an i odoja lokacia odolea so ko 19:00 o časo an i Kinoteka e R.Makedoniake ka den pe o plakete thaj diplome bašo majsukcesiale ko utsavalkerdo phanlipa e akale beršeskere editorialeske.