Education

Edukacia ko Roma, drumo bašo lačharipa olemgere situaciake

E themakoro sekretaro an o Ministeriumi baši sociala, buti an o Govermento e Republika Srbiake o Nenad Ivanišević lelja than an o sikaviba resultatia taro 18 masekongoro proekto " Ekonomikani zor e Romane džuvljake: progreso an o kapaciteto ko buti thaj korkorobuti".

E themakoro sekretaro vakergja kaj i edukacia si jekh importantno nukta te šaj ikljol pe taro phanli rota čorolipa kana si ko pučiba ko Roma.

Prekal realizacia e rpoektno aktivitetenge 109 Roma thaj Romnja so sukcesiale o nakhle kursija thaj resle sertifikatia.

O proekti si finansirime lovencar taro EU an o pervazia e proekteske: " Europakoro suporto an o inkluzivno sasoitnipa" moldime 5.4 milioni eura.

Read more ...

An o Beograd jekhediveseskiri konferencia: Konkluzno dimenzie an o kvaliteto e anglalsikljojbaskiri edukacia

An o 23 maj an o hoteli Hajat an o Beograd ikergja pe konferencia anavkerdi sar :  :" Konkluzno dimenzie an o kvaliteto e anglalsikljojbaskiri edukacia" - funde an o programe.

An i akaja konferencia trujal aver so lele than sine thaj o CIP - Centri baši interaktivno Pedagogia tari Srbia kaskoro parteniri si thaj o RDIC taro Skopje thaj olakoro membro sine o Zoran Dimov.

Maškar o aver an i akaja konferencia than lele o Ministeriumi baši edukacia thaj tehonološko buvljaripa an i Srbia o Mladen Šarčević, o Direktori tari Švajcariakoro kancelaria e buvljaribaske thaj butikeriba an i Srbia i Ursula Laubli, o direktori e kancelariake UNICEF an i Srbia Michael Saint Lot thaj avera.

Read more ...

I Romani čhib an i praktika ki R.Makedonia

An o 1980 berš tari rig taro Šaip Jusuf thaj Krume Kepeski si kerdi o jekhto romani gramatika e Romenge an o Balkani fundiribaja majbut o variante an i Makedonia thaj okola taro Kosovo thaj Bugaria.

An o 1992 berš telel o patronato o makedonikano Ministeriumi baši edukacia ikergja konferencia e čhibjaksere planiribaske e romane čhibjake thaj oleskiri konkecia an o edukaciakoro procesi , numa na sar edukaciakiri čhib, numa sar čhib an i edukacia  soske trubul praktikujme univerzitetsko kadari. Avdive an i Makedonia si i jekhutni romani komuna an i lumia, Šuto Orizari, so si jekh taro deš komune an i teritoria e dizjake Skopje . Sar rezultato  taro demografsko thanjariba odothe i romani čhib  si la status taro ko oficialno čhib e makedonikane čhibjaja. Isi škole an i romani čhib  Romani televizia Šutel. An o 1991 berš an i makedonikani nacionalno televizia MTV sako dujtodi thaj trinto di , 15 minutengiri programa sine hulavde e čhibjenge. Palo odova resle majbaro termini.

Read more ...

Ko fundavno škole an o Šuto Orizari startujngja o hramosariba e čhavenge ko jekhto klasi

Startujngje o hramosariba e tikne đhavenge ko fundavno škole ko jekhto klasi. Aso o kanoni e fundavno edukaciake o čhave sp dži ko agor e kalendarsko 2017 berš ka šheren 6 berša ka trubul te hramosaren pe an i fundavno škola.

I fundavno škola Phralja ramiz thaj Hamid thaj i fundavno škola 26 Juli akana keren o hramosariba e tikne čhavenge, a o stručno ofisia thaj o edukatoria bičjaven akaharina e jerienge te hramosaren pire čhaven ko jekhto klasi.

Dokumentacia so trubul te hramosaren pe si: fotokopia tari Krštenica, medicinsko dokumenti kaj si len vakcinacia thaj stomatološko kontrole. O jeria trubul te anen thaj pire lično karte.

Read more ...
FaLang translation system by Faboba

I WANT TO SAY

TV BTR NACIONAL

Momentalno Online

       We have 364 visitors watching ROMATIMES.NEWS

o Vakti

 booked.net

Most Popular

Golden Wheel - Entry Application Form

Flag Counter

Our counter start count since 13.01.2019
Count unique visitors from which country visit our portal
In the bottom there is total visits our portal