Education

Konkursi bašo deiba 15 bilovengere stupendie e Romenge studentia taro MIT Univerziteto

O Kabineto taro Ministeriumi bizo resoro - Samka Ibraimobski - Implementatori e Strategiake ko lačhariba e situaciake e Romenge an i republika Makedonia an i konekcia e Konskurskeske ko hramosariba studentia an o akademsko 2017/2018 berš an i republika Makedonia liparela e dizutnen taro Romano entiteto te šaj aplicirinen baši bilovengoro stipendiriba an o MIT Univerziteto -Skopje.

O MIT univerziteto - Skopje resarinaja te del sasoitno džovaplipa sat inkluzia thaj multikulturalno uči edukacia , dela 10 bilovengere stipendie ko džidiplomsko studie e siklenge taro 4 beršengiri edukacia odlično sukcesea thaj sikavgje rezultatia avrual edukaciakoro aktiviteti taro Romano nacionaliteto.

O stipendirime studentia si len niami te alusaren ko savo bilo akreditirimo fakulteto thaj studentsko pprograme an o pervazia e MIT Iniverziteto - Skopje: Fakulteti bašo Menadžmenti, Fakulteti baši arhitektura, Fakulteti baši psihologia, Fakulteti baši jurisdikcia, internacionalno konekcia thaj diplomatia, Fakulteti sekjuriteteske, Fakulteto bašo menadžemnt thaj ekološko resursia.

Read more ...

Jekvaš taro Romane čhave si bizi edukacia - Ikljon tari škola panda ko avgojekvaš sikljojbaskoro berš

O Romane čhave  so hramosarena pe ko avgo jekvaš sikljojbaskoro berš majbut ačhoven bizi škola panda ko starti thaj ikljoven olatar. Paše 50% čhinavena pli edukacia taro diferentno karane , maškar so pharipa thaj napendžariba e čhibjake , thaj našajdipa te den džovapi so rodel pe ko vakti tari edukacia.

 “Čhinaven i edukacia soske na džanen lačhe i makedonikani čhib, thaj našajdipa te konektirinen pe an o edukaciakoro procesi" vakergja o Monsinjor Anton Cimoritić  - Direktori e Makedonikane Karitaseske.

Read more ...

Edukacia ko Roma, drumo bašo lačharipa olemgere situaciake

E themakoro sekretaro an o Ministeriumi baši sociala, buti an o Govermento e Republika Srbiake o Nenad Ivanišević lelja than an o sikaviba resultatia taro 18 masekongoro proekto " Ekonomikani zor e Romane džuvljake: progreso an o kapaciteto ko buti thaj korkorobuti".

E themakoro sekretaro vakergja kaj i edukacia si jekh importantno nukta te šaj ikljol pe taro phanli rota čorolipa kana si ko pučiba ko Roma.

Prekal realizacia e rpoektno aktivitetenge 109 Roma thaj Romnja so sukcesiale o nakhle kursija thaj resle sertifikatia.

O proekti si finansirime lovencar taro EU an o pervazia e proekteske: " Europakoro suporto an o inkluzivno sasoitnipa" moldime 5.4 milioni eura.

Read more ...

An o Beograd jekhediveseskiri konferencia: Konkluzno dimenzie an o kvaliteto e anglalsikljojbaskiri edukacia

An o 23 maj an o hoteli Hajat an o Beograd ikergja pe konferencia anavkerdi sar :  :" Konkluzno dimenzie an o kvaliteto e anglalsikljojbaskiri edukacia" - funde an o programe.

An i akaja konferencia trujal aver so lele than sine thaj o CIP - Centri baši interaktivno Pedagogia tari Srbia kaskoro parteniri si thaj o RDIC taro Skopje thaj olakoro membro sine o Zoran Dimov.

Maškar o aver an i akaja konferencia than lele o Ministeriumi baši edukacia thaj tehonološko buvljaripa an i Srbia o Mladen Šarčević, o Direktori tari Švajcariakoro kancelaria e buvljaribaske thaj butikeriba an i Srbia i Ursula Laubli, o direktori e kancelariake UNICEF an i Srbia Michael Saint Lot thaj avera.

Read more ...
FaLang translation system by Faboba

I WANT TO SAY

Momentalno Online

       We have 112 visitors watching ROMATIMES.NEWS

o Vakti

 booked.net

Most Popular

Flag Counter

Our counter start count since 13.01.2019
Count unique visitors from which country visit our portal
In the bottom there is total visits our portal